منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
الهجرة الغير شرعية ..حقيقة ما يحدث ، و ما لن تجده في الصحافة والإعلام : >

منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
الهجرة الغير شرعية ..حقيقة ما يحدث ، و ما لن تجده في الصحافة والإعلام : >

منتديات سيفن ستارز
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

 

 الهجرة الغير شرعية ..حقيقة ما يحدث ، و ما لن تجده في الصحافة والإعلام :

اذهب الى الأسفل 
كاتب الموضوعرسالة
حسن المرجاوى
المدير العام
المدير العام
حسن المرجاوى


الجنس : ذكر عدد المساهمات : 4067
تاريخ الميلاد : 03/06/1963
تاريخ التسجيل : 06/11/2010
العمر : 60
المزاج مصر العربيه

الهجرة الغير شرعية ..حقيقة ما يحدث ، و ما لن تجده في الصحافة والإعلام : Empty
مُساهمةموضوع: الهجرة الغير شرعية ..حقيقة ما يحدث ، و ما لن تجده في الصحافة والإعلام :   الهجرة الغير شرعية ..حقيقة ما يحدث ، و ما لن تجده في الصحافة والإعلام : I_icon_minitimeالأحد سبتمبر 25, 2016 5:24 am

ت إضافة ‏‏3‏ صور جديدة‏ من قبل ‏‎Mohammed Haffz‎‏.
14 ساعة · 

الهجرة الغير شرعية ..حقيقة ما يحدث ، و ما لن تجده في الصحافة والإعلام :
========================================
بمناسبة حادثة مركب كفر الشيخ المفجعة اللي حصلت اليومين اللي فاتوا ( واللي مش اول مرة تحصل ولا هتكون آخر مرة تحصل ) وهي غرق مركب مهاجرين غير شرعيين علي الحدود واللي كان جزء كبير من ركابه أطفال ، وناس كتير مندهشة من الموضوع وناس كتير بتزيط وكأن ده وليد النهاردة !! ... خلوني أحكليكم تجربة واحد من اللي اشتغلوا على الموضوع ده ، عشان لو عايزين نعرف حقيقة إيه اللي بيحصل ومن إمتى ، فياريت نصبر شوية ونكمل قراءة البوست للاخر ...
.
يقول صاحب التجربة الشخصية : 
في بداية الشغل كنت مستغرب جدا من المصطلح وإزاي فيه أطفال تحت الـ 18 سنة بيسافروا في رحلة الموت اللي بتفضل أيام في البحر ، وممكن يوصل وممكن يموت في الطريق لحد ما ابتدينا شغل وابتديت أنزل قري ريفية في أكتر من مكان ومن ضمنهم المحافظة اللي انا تابع ليها وأشوف قري بالكامل ولادهم مسافرين هجرة غير شرعية وبدأت أفهم الموضوع ...
.
هُمّا في البداية مكانوش بيسفّروا الأطفال ، وكان اللي بيسافر الشباب الكبار في السن ويفضلوا هربانين هناك يشتغلوا في أي شغلانة ويبعتوا لأهلهم فلوس ، أو يحالفهم الحظ ويتجوزوا وياخدوا إقامة .. 
مع الوقت بدأ الموضوع يضيق جدا ، وبدأت الدول الأوروبية تشدد الإجرائات بشكل كبير .. فبدأت تظهر حاجة جديدة ( وده من أكتر من 10 سنين ) وهو إن اللي يسافر الأطفال تحت سن الـ 18 سنة ... 
.
- طب ليه الأهالي بيسفّروا الأطفال ؟؟؟ .. علشان دول الإتحاد الأوروبي مجبرة علي إستقبال الأطفال وعدم ترحيلهم ، لأن الاتحاد الأوروبي عنده برنامج رعاية خاص بالاطفال اللى بيوصلوا دول الاتحاد الأوروبي بشكل غير شرعي ، لأنهم بيعتبروهم أطفال معرضين للخطر في بلدانهم مادام في السن ده وصلوا لمرحلة إنهم يسافروا بالبحر ( أفتكروا حادثة الطفل اللى عبر المتوسط من كام اسبوع عشان يجيب ازازة الدوا لاخوه ، تقولش قاعد فى صحراء ناميبيا !) ، وبياخدوهم بعد التأكد من سنهم يحطوهم في دور رعاية بيتعلموا فيها اللغة والسلوك والشغلانات اللي يقدروا يشتغلوها ويكون ليهم سوق عمل فيها وبيكون ليهم مصروف يومي وأجازة أسبوعية يقدروا يخرجوا ويتفسحوا فيها وشوفت أطفال منهم كتير في فيديوهات أعدتها منظمة save the children كنا بنستعين بيها في الشغل .. وشوفت أطفال منهم لما كنت مسافر روما في وقت الاجازة بتاعهم .
.
- طاب الأهالي عرفوا المعلومة دي إزاي ؟؟ ... عن طريق الشباب اللي مسافرين من نفس القرى لأوروبا من فترات طويلة ، أو عن طريق السماسرة والوسطا في العملية ، والحكاية دي فضلت تنتشر لحد ما بقت معلومة عامة بين أهالي الأرياف أو المناطق المشهور فيها الهجرة .
يعني الأهل اللى بيحطوا عيالهم فى السفن دي مش لأنهم محتاجين أو فقراء ومش لاقيين ياكلوا، دا مشروع استثماري ..دول بيستثمروا في عيالهم ، لأنه في الآخر يا إما هيكون لك ابن أوروبي تحت مظلة الاتحاد الأوروبي يصرف عليك العمر كله ، أو ابنك ده يسحبك وراه الى اوروبا
فالموضوع هنا مش حفاة و لا نيلة ، دي طموحات و أماني طبقية .
.
- طيب عملية السفر بتتم إزاي ؟؟ .. بداية لازم نكون عارفين كويس إن عملية السفر مش رخيصة وبتكلف الطفل الواحد من 25 لـ 50 ألف جنيه ، وفي البداية كان بيتم دفعهم كلهم ، بس بعد انتشار عمليات النصب على الأهالي بقى بيتم الاتفاق علي دفع الفلوس بعد وصول الطفل لأوروبا ، ووالده بيمضي علي ايصالات أمانة لحين الدفع إذا ماكانش معاه السيولة الكافية..
الإتفاق بيكون بين الأهالي وبين وسيط ، واللي غالبا بيكون من نفس القرية اللي فيها الأطفال ، وفي بعض الحالات الوسيط ده ممكن يكون مدير المدرسة أو مدرس أو عمدة البلد ، وبيجمع مجموعة منهم ويوصلهم للسمسار اللي بيكون هو المنظم للرحلة وبيجمع العيال من قرى كتير علي مستوى الجمهورية .. وبعد ما يجمّع مجموعة كبيرة تستاهل ( مابين 100 لـ 300 واحد ) بيتم تجميعهم كلهم في مكان قريب من البحر بيسموه ( التخزين أو المخزن ) ...

السمسار في الوقت ده بيكون رتّب أموره مع صاحب المركب اللي هتستناهم في عرض البحر ، ووقت ما بتحين اللحظة اللي تم الترتيب ليهم بياخدوا المجموعات دي ينزلوهم البحر بعد ماياخدوا منهم متعلقاتهم الشخصية كلها ( ولو المسافة بعيدة بين المخزن وبين البحر بيركبوهم عربيات نقل ويغطوهم من فوق ) .. بعد كده بيركبوا زوارق بلاستيك ويفضلوا ماشيين بيها لحد نص البحر علشان الردار ميلقطهمش .. في عرض البحر بيكون فيه مركب صيد من اللي مسموحلها بالتحرك في المياه الدولية بتاخدهم يخبوهم علي المركب في تلاجات السمك ، وفي الوقت ده بيكون صاحب المركب بلغ عن سرقة المركب علشان لو اتمسكوا أو المركب غرقت ميتمش اتهامه في قيادة مركب مهاجرين غير شرعيين أو اتهامه في قضية المساعدة والاتجار في تهريب الأطفال بشكل غير شرعي ... 
المركب لما بتقرب من المياه الإقليمية الأوروبية ، وغالبا بتكون الشواطئ الإيطالية ، بيكون قدامه أكتر من إختيار : 
1- لو المركب هتقدر ترجع مصر، بينزلهم على الزوارق المطاطية تاني ويوجههم ناحية الشواطئ ويديهم مسدس اشارة ، بحيث لو المركب بدأ يغرق بيضربوها فخفر السواحل الايطاليين بيتحركوا وينتشلوهم ..
2- لو المركب مش هتقدر ترجع مصر، يا إما بيفضل ماشي بيهم لحد ما يوصل للشواطئ ويكسر الشط بالمركب ، يا إما بيضرب اشارة استغاثة وبيتم انتشالهم كلهم عن طريق هيئات الإغاثة أو خفر السواحل .. وبعد وصولهم بيتم استقبالهم ، واللي له حق اللجوء الانساني زي السوريين مثلا بيتم فصلهم لوحدهم وبتستلمهم المفوضية السامية لشئون اللاجئين مع المنظمات العاملة في المجال ده .. واللي ملهوش حق اللجوء بيتم تصنيفهم بين أطفال وكبار سن وشباب (وده بعد كشف العضم اللي بيحدد أعمار كل واحد فيهم لان أي مصري بيوصل هناك لو حتي عنده 50 سنة بيقولهم انه طفل ) ..بالنسبة للأطفال ، فالمؤسسات الاغاثية بتستلمهم وبيتم تجهيز ملفات ليهم طبقا لبرنامج الإتحاد الأوروبي زي ما قلنا .. أما غير الأطفال فبيتم حبسهم في مقرات احتجاز مخصصة ليهم لحين ترحيلهم لبلدانهم . 
.
- الرحلة بتكون عامله ازاي ؟؟؟.. وقت الرحلة بيكون تقريبا حوالي أسبوع .. طول المدة دي بيكون لكل شخص فيهم حتة عيش وازازة مية بتتشارك فيها كل مجموعة مع بعضها .. مبيكونش فيه أغطية ليهم اطلاقا حتى لو في عز البرد ، لدرجة إن بعض الأطفال كان بيحكي إن كل تلاتة اربعة بيكونوا حاضنين بعض علشان يقدروا يتدفوا .. بيتم معاملتهم أقذر معاملة من المسئولين عن المركب ، وأي حد بيعترض علي التعليمات بيتعرض للضرب والتهديد برميه في عرض المياه ..و لو فيه حد مات اثناء الرحلة بيترمي في المياه بدون أي تفكير .

- طيب الأطفال بيحصلهم ايه بعد ما بيدخلوا دور ومؤسسات الاصلاح ؟؟ .. فيه جزء منهم بيلتزموا بالتعليمات والبرنامج اللي محطوطلهم وبيقدروا ياخدوا إقامة قصيرة بعد سنة واللا اتنين .. لكن الجزء الكبير منهم بيهربوا من المؤسسات دي بسبب إن اهلهم بيكونوا سالفين الفلوس أو ماضيين على إيصالات أمانة عشان يسفروهم ، والأطفال دول (بتوع الجزء التاني) بيكون قدامهم خيار من اتنين : إما انهم يشتغلوا شغل شرعي ، وده هيكون في أعمال خلفية زي تحميل العربيات أو تنظيف الحمامات او العمل في مطابخ المطاعم ، وجزء كبير منهم بيتم اضطهادهم في العمل اللي بيأدوه وبيتم تهديدهم من صاحب العمل انهم لو موافقوش هيبلغ عنهم فمبيقدروش يحققوا برضه المبالغ والأرباح المالية اللي كانوا متخيلينها وبيحلموا بيها .. وهنا ييتحول للاعمال الغير مشروعة زي الدعارة والمخدرات ونقل الممنوعات ، ودي بتحقق مكاسب عالية جدا بالنسبة له واللي ممكن ييجيبه في شهر من الشغل العادي بيجيبه في طلعة واحدة .
.
- ايه اللي ممكن يحصل للمهاجرين غير الشرعيين غير انهم يوصلوا للشواطي الأوروبية ؟؟ .. في حالات كتير بيغرقوا في عرض البحر نتيجة لأن مراكب الصيد دي غير مؤهلة لحمل أعداد كبيرة من البشر ومعظمها بيكون خرج من الخدمة أصلا .. وفي حالات تانية الاشخاص دول بيوصولوا لشواطئ ليبيا اللي فيها حرب ، ويقولولهم ان دي ايطاليا فيقوم المهاجرين ينطوا ويكملوا عوم علشان يوصولوا للشواطي فيتم اطلاق النار عليهم او يتاخدوا أسرى ... وفي بعض الحالات بيتم تسليمهم من السماسرة لعصابات الاتجار بالأعضاء ، وده حصل في حالات كتير وبيتم ابتزاز أسرهم لتحويل مبالغ مالية وإلا يتم بيع ولادهم اعضاء .
.
- طب ليه الأهالي بيسفّروا ولادهم بالمبالغ الكبيرة دي بالرغم من الخطورة الكبيرة ؟؟؟ ... غالبا معظم اللي بيسافروا بيكونوا من مناطق ريفية مستوى الوعي والتعليم فيها ضعيف جدا ، وغالبا بيكون جزء كبير من الأطفال بيشتغل حرفة يدوية ( نجار أو حداد أو سباك ) فبيكون مستقبل التعليم هنا بالنسبة له ملهوش لزمة والشغل هيبقي علي قد أكله ومصاريفه .. إضافة لأن المناطق الريفية دي معظم اللي بيكونوا فيها من نوعية اللي كلهم عارفين بعض ، وفيه قرى معينة فى مصر أدمنت الاسلوب دا من الهجرة ، راح ابنائها الى أوروبا و عملوا قرشين و رجعوا ، و طبعا مع فارق العملة و عصابات السوق السوداء للعملة ، البهوات فى النجوع و الكفور بنوا فيلات و ركبوا المرسيدس ، فعنين العائلات و الشباب احولت من كتر الفرجة و الطمع لأنه بيشوف ابن فلان سافر وبعد سنة بقي عندهم أرض وعربية ، فبنظرة المصري العبقري بيقول هو ابن فلان أحسن من ابني في ايه ؟ ده ابني ازكى منه وهيجيب فلوس كتير ..و طبعا مع براكين الغل الاجتماعي اللى عند شعبك .. مبقاش السفر عشان مش لاقى شغل و لا مش عارف يتجوز .. 
بقت الحكاية ولاد فلان صبوا و طلعوا بالدور التالت ، و احنا لسا فى البيت القديم ..
بقت الحكاية ولاد علان جابوا أرض جديدة ، و احنا لسا بالقيراطين القدامي ..
بقت الحكاية ولاد ترتان معاهم عربية بنص مليون و انتا معاك عربية بــ 100 ألف يا فقير يا غلبان يا مقموع ...
وابقوا سألوا اللي اشتغلوا في فى رصد هذه الظاهرة و تحديدا من القرى المشهورة إن أهلها أدمنوا موضوع الهجرة غير الشرعية..هتلاقوا إنه فيه حاليا بلدان وقرى كل بيت فيها مسافر منه شخص أو شخصين .
بس طبعا لو حضرتك نزلت وعملت فيها زعيم الصحافة الاستكرادية (وفي أقوال أخرى الاستقصائية) و عملت حوارات مع أهالى الشهدا و الناجون من النار .. مفيش حد فيهم هيقولك أنا بأستغل ابنى فلذة كبدي كمشروع استثماري ليصبح مواطن أوروبي يوفر لى بناء الفيلا و السيارة الفارهة و ربما يرسل لى دعوة للهجرة الى أوروبا وسط الشقروات الساخنات ، و مش مهم ابنه يشتغل فى دعارة الاطفال و اللا حتى يبيع أعضائه ..هتلاقيهم في العادة بيشغلوا أسطوانة الفقر والزولم والكمع والطاجن إياه ...الزوولم و الكهر اللى خلى كل سفينة تكلف اقتصاد و شعب مصر من 15 إلى 25 مليون جنيه
.
- أشهر المناطق اللي بيسافر منها أطفال هجرة غير شرعية : 1- محافظة الغربية : ( قرية كفر كلا الباب وقرية الكرما وقرية ميت يزيد والقرشية بمركز السنطة ... قرية شبرا ملس بزفتي ... قرية ميت بدر حلاوة بسمنود ) 2 - محافظة البحيرة ( مركز رشيد .. ايتاي البارود .. دمنهور ) 3 محافظة أسيوط : ( قرية ابنوب ) ..4 - محافظة الفيوم . وطبعا فيه أماكن تانية كتير بيكون فيها هجرة غير شرعية بس الأماكن دي اللي فيها الهجرة غير الشرعية ظاهرة منتشرة بشكل كبير.
.
- ايه اللي بيحصل للسمسار أو سواق المركب لو تم القبض عليهم في مصر؟؟؟ .. في معظم الاحيان بيكون المهاجرين مهددين انهم ميقلوش مين السمسار حتي لو اتقبض عليه معاهم علشان يعامل كأنه واحد منهم ويخرج .. طاب لو اتعمل له قضية ؟؟؟ اخر حاجة كانت اقرتها الحكومة في الموضوع ده هو قانون مكافحة الهجرة غير الشرعية وده أقصى عقوبة فيه هي السجن المشدد خمس سنين أوالغرامة من 200 لـ 500 ألف جنيه أو كلاهما !!! 
.
- ليه السمسار أو اصحاب المراكب بيغامروا بنفسهم في موضوع بالخطورة دي ؟؟؟ ... عمليات الصيد وتجارة الأسماك بقت ضعيفة جدا خلال السنوات اللي فاتت ، وحتي لو مزدهرة جدا فمستحيل تحقق الربح اللي بتحققه عمليه تهريب المهاجرين ... يعني خلينا ناخد الحادثة الأخيرة كمثال .. على حسب التقديرات عدد المسافرين 600 مهاجر وعلى أضعف التقديرات كل واحد فيهم هيدفع 25 ألف جنيه .. يعني مجموع اللي هيحصله صاحب المركب والسمسار والوسطا من رحلة واحدة زي دي 15 مليون جنيه ... تخيل ان ده أقل تقدير .. طب تخيل يقدر يعمل كام رحلة في السنة !!!!

- هل فيه منظمات مجتمع مدني اشتغلت علي القضية : أيوه فيه منظمات مجتمع مدني كتير اشتغلت علي القضية وكان منها منظمات دولية زي save the cildren , iom . UNHCR ومنظمات محلية زي جمعية الشباب للسكان والتنمية .. وفيه دعم كبير جه من الاتحاد الاوروبي لمصر لمنظمات مجتمع مدني للشغل علي القضية من ناحية التوعية وانشاء مشاريع وعمل مبادرات شبابية وتطوير للمناطق اللي فيها الهجرة ظاهرة .
.
- ايه اللي المفروض تعمله الحكومة أو منظمات المجتمع المدني علشان تحد من الظاهرة دي ؟؟ القضية دي تحديدا وجود حلول ليها صعب جدا جدا ، وده عن تجربة من الشغل 3 سنين في برنامج متعلق بيها ... لكن مش مستحيل .. كل اللي هو محتاجة هو تكثيف الجهود وتنظيمها بين المجتمع المدني اللي ممكن يشتغل على الوعي في الأماكن الطاردة لمهاجرين غير شرعيين وعمل مشاريع تنموية دايمة فيها خاصة للاطفال اللي تحت سن الـ 18 سنة واللي خطر الهجرة بيلاحقهم .. وبرضه تقدر تشتغل علي مراكزالتعليم والمدارس وتطويرها وتنمية العملية التعليمية لأن ليها دور وأثر كبير في منع الظاهرة دي وخاصة التعليم الفني ( صناعي وتجاري ) .. وبرضه المجتمع المدني يقدر يشتغل علي التدريبات المكثفة المتعلقة بتطوير الموارد واستخدامها وازاي الاسرة تستخدم الـ 25 الف جنيه كأقل تقدير لتكلفة تذكرة الموت في انها تعمل مشروع او استثمار صغير لابنهم جنب تعليمه ، أو ازاي يتجمعوا كقرية مصدرة للمهاجرين ويجمعوا الفلوس ويعملوا بيها مشروعات تساهمية ( فيه حاجات تانية كتير تقدر يشتغل عليها المجتمع المدني ) ..بس لازم نفهم إن كل الشغل ده بيحتاج سنين طويلة عشان تأثيره يظهر، لأنك بتشتغل في الأساس على عملية إعادة تشكيل الوعي الجماهيري . 
.
ملحوظة: كل المعلومات الموجودة في البوست بناءا على تجربة مباشرة مع القضية ومن مصادر مباشرة وناجين 
.
رحم الله أبنائنا وأهلنا .. وحفظ الله الباقيين .
.
*شير من فضلك
-----------
copied

الهجرة الغير شرعية ..حقيقة ما يحدث ، و ما لن تجده في الصحافة والإعلام : 14448994_1764183733829537_6243066046016943182_n

الهجرة الغير شرعية ..حقيقة ما يحدث ، و ما لن تجده في الصحافة والإعلام : 14449878_1764217330492844_3689803421052226515_n
الرجوع الى أعلى الصفحة اذهب الى الأسفل
 
الهجرة الغير شرعية ..حقيقة ما يحدث ، و ما لن تجده في الصحافة والإعلام :
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: