منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
كشف حساب طويل العمر >

منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
كشف حساب طويل العمر >

منتديات سيفن ستارز
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

 

 كشف حساب طويل العمر

اذهب الى الأسفل 
كاتب الموضوعرسالة
حسن المرجاوى
المدير العام
المدير العام
حسن المرجاوى


الجنس : ذكر عدد المساهمات : 4067
تاريخ الميلاد : 03/06/1963
تاريخ التسجيل : 06/11/2010
العمر : 60
المزاج مصر العربيه

كشف حساب طويل العمر Empty
مُساهمةموضوع: كشف حساب طويل العمر   كشف حساب طويل العمر I_icon_minitimeالأربعاء ديسمبر 28, 2016 6:05 am

Mohammed Haffz
***************
كشف حساب طويل العمر
==============


يحلو للبعض اتهامنا بأننا جاحدين وناكرين لجميل دول الخليج وبالذات المملكة العربية السعودية بعد وقوفها معنا بشدة عقب ثورة 30 يونية ودعمها لنا سياسيا واقتصاديا بكل قوة ، وهذا الدعم لاينكره إلا جاحد ، لكن هذا لا يعني أننا نمنح شيكا على بياض لأي أحد مهما تلون وغيرت الأيام والأحداث موقفه من مصر .
فليكن مفهوما للجميع أن بوصلتنا هي مصر ولا شئ سواها ، وأن اللي يقف بجوارنا نشيله جوه عينينا وفوق راسنا كمان ، لكن اللي يعادينا ويلعب ضد مصالح بلدنا ، فمالوش عندنا أي تقدير.


وعشان نشوف مين فينا اللي اتسبب في حالة التوتر اللي تكاد تصل للقطيعة دي ، تعالوا نفتكر مع بعض تتابع الأحداث في السنة الماضية فقط ، ومنها هنقدر نحكم ونعرف مين اللي بدأ بالغلط 
.
1- هو مين اللي أوعز لزياد متني انه يتريق على حديث الرئيس السيسي في محفل دولي خارج مصر..؟ و أوعى تقوللي ان اللي حصل دا ماكانش بعلم القيادة السياسية في المملكة وموافقتها ، لأن أي طفل صغير عارف ومتأكد انه مفيش مسئول صغيراً كان أو كبيراً في دولة زي السعودية يقدر يجتهد ويبتكر حاجة من عنده ..، وكونهم أقالوه بعد عاصفة الاستهجان اللي حصلت ضده على السوشيال ميديا ، فده تم بعد ضغوط من دول خليجية أخرى وبعد ما الأمر أصبح خارج الاحتمال لكل الأطراف . والموقف ده على تفاهته لكنه كاشف لعقلية "البذورة" اللي بيحكموا المملكة دلوقت من وراء الستار ، واللي تصرفهم ما كانش بيدل على انهم رجال سياسة أو حتى أمراء متربيين في البلاط الملكي ، ولكنه جاء مشابها لسلوك أي عيل سرسجي قاعد يعمل كوميك على صفحة بائسة من صفحات الألش الرخيص .
.
2- هو مين اللي أوعز لشركة أرامكو الحكومية انها توقف توريد شحنات البترول الشهرية لمصر، رغم ان الشحنات دي كانت بتجيلنا بناءا على عقد مكتوب بين مصر والسعودية ، واحنا كنا بندفع تمن البترول ده لكن بالتقسيط وبتسهيلات في الدفع ؟ مين اللي عمل كده بدون ما يقدم لنا حتى أي عذر مفهوم وفي الوقت اللي عومنا فيه الجنيه وكنا في حاجة ماسة لكل دولار ..؟ مين اللي اضطرنا بقراره في التوقيت ده اننا نلف على دول عالم عشان نلاقي حد يبيعلنا شحنات البترول اللي بنحتاجها ، وطبعا في الحالة دي التسديد بيبقى فوري ؟ وده ساهم بشكل كبير في ارتفاع الدولار أمام الجنيه المصري بشكل فاق التوقعات
.
3- هو مين اللي راح يلاعبنا ويبتزنا بزيارته لأثيوبيا و رشته المليارية الجريئة على المسئولين هناك لاستعجال بناء سد النهضة عشان يأذي مصر..؟
.
4- برضه مين اللي راح يلاعبنا في منطقة القرن الأفريقي وعرض على جيبوتي بناء قاعدة عسكرية سعودية هناك بدون التنسيق مع مصر رغم علمه ان المنطقة دي تقع داخل مجالنا الاستراتيجي وفي عمق امننا القومي ؟
.
5- مين اللي اتحمق وزعل أوي أول ما اسم قطر جه بشكل عارض في تحقيقات الداخلية المصرية مع منفذي جريمة كنيسة البطرسية ؟ رغم انه ما فتحش بقه بكلمة لما تركيا اتهمت قطر نفس الاتهام بعدها بكام يوم في حادثة اغتيال السفير الروسي ؟
.
6- مين اللي راح يطلب من رئيس مصر طلب لا يدل إلا على رعونته وسطحيته وجهله بأبسط مبادئ السياسة والكياسة ، وراح يشترط إقالة وزير الخارجية المصري في مقابل عودة الأمور بين البلدين لمجاريها ؟ دا طلب ما يجرؤش حد انه يطلبه من رئيس دولة من جمهوريات الموز ، فما بالك بدولة في حجم ومكانة مصر ؟!
.
كل ده كان ليه ؟؟ عشان رفضنا ننصاع لهم في الملف السوري..؟ هل كان فيه حد عاقل يعتقد إن مصر هترهن ارادتها السياسية واستقلالية قرارها مقابل المال ..؟ 
هل كان فيه حد بيعتقد إن مصر ممكن تفاوض على ثوابت أمنها القومي مقابل رضا طويل العمر ؟
عفوا ديبلوماسية دفتر الشيكات لا تجدي نفعاً مع دولة بحجم مصر 
.
كانوا عايزينا نتورط في اليمن ..؟ هو مش السيسي حذرهم في بداية التورط في المستنقع اليمني وقالهم بلاش تنجرفوا للمستنقع ده بالذات ؟ وهما اللي ما سمعوش كلامه وأصروا على تنفيذ مغامرتهم المجنونة ؟ ، وطبعا كلنا شايفين بعنينا الأمور وصلت لإيه بعد أكتر من سنة ونصف على بدء المغامرة العسكرية الفاشلة في اليمن .


بالمناسبة امبارح الحوثيين استولوا على نقطتين حدوديتين سعوديتين في جيزان ، وخلاص بقى فيه مصطلح اسمه الأراضي السعودية المحتلة !!


مشكلة أحبانبا في الخليج انهم فهموا كلمة الرئيس السيسي" مسافة السكة" غلط تماما .. لأن الكلمة دي ماكانش معناها أبدا اننا نحول جيشنا لمرتزقة وندخل بيه في صراعات عربية عربية وإيدينا تتلوث بالدم العربي ..


الكلمة كانت واضحة جدا وكان باين انها موجهة بالأساس لإيران ، بما يعني إن أي تهديد ايراني عسكري مباشر لمنطقة الخليج مصر هتكون موجودة وهتتدخل فيه بقواتها المسلحة، لكن غير كده انا كمصر مش ملزم أتورط في أي مغامرات سياسية وعسكرية خرقاء بيعملها الفتى الطائش في الرياض .


كلمة أخيرة: محدش يعتقد اننا بنعادي المملكة أو بنشمت في ظروفها الاقتصادية والأمنية الصعبة اللي بتمر بيها حاليا ، لأن أمن المملكة من امن مصر ، وأي ضرر يحصل للمملكة - لا قدر الله - هينعكس علينا كلنا هنا في مصر 
.
رحم الله الملك عبد الله بن عبد العزيز اللي مواقفه العروبية وذكراه العطرة ستظل حية في قلوب المصريين للأبد 
وربنا يسترها على المملكة من لعب البذورة والورعان
****************
وعن نفسى أطالب.
بانه:

كشف حساب طويل العمر 10801606_869926329718799_8131474043799186868_n



Hassan Margawy
ساعة واحدة · 
يجب ان تتوقف جميع الحملات الإعلامية والفيسبوكية والتويترية بين مصر والمملكة السعودية فورا فلايمكن لأى منهما الإستغناء عن الأخر بل هما يدان لجسد واحد يحدث الخلاف والإختلاف حتى بين الشقيقين فما بالنا بدولتين لكل منهم مصالحة ورؤيته يسيرها كما يشاء فصلة القربى والدم والنسب ناهيك عن الجوار واللغة والدين والمصير الواحد تجعلنا نطالب بالتريس فى المجادلة والتراشق بين الأشقاء فدول أوربا المتنافرة فى كل شيئ أتحدت وتناست العداوة والبغضاء فيما بينها فلماذا نحن بنو العرب نجلد انفسنا ونتأسد على بعضنا البعض ونكون كالنعام أمام الغير ننصاع لأوامرهم وننبطح امامهم فى كل مكان نترك السياسة للسياسيين ولايجب أن ينتقل العراك من طاولة المفاوضات لحقد وغل بين الشعبين فهذا مايتمناه أعداءنا فتنبهوا.
الرجوع الى أعلى الصفحة اذهب الى الأسفل
 
كشف حساب طويل العمر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: