منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز




 
الرئيسيةالبوابةاليوميةبحـثالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

شاطر | 
 

 اسرائيل الكبرى من النيل للفرات .....طبعا ما اتخضيتش من المصطلح ده

اذهب الى الأسفل 
كاتب الموضوعرسالة
حسن الذهبى
عضو stars
عضو stars
avatar

اسم العضو : حسن الذهبى
الجنس : ذكر عدد المساهمات : 2583
تاريخ الميلاد : 11/03/1956
تاريخ التسجيل : 16/01/2014
العمر : 62
المزاج عال

مُساهمةموضوع: اسرائيل الكبرى من النيل للفرات .....طبعا ما اتخضيتش من المصطلح ده   الأربعاء أبريل 04, 2018 5:57 am

Salah Ragheb
*****************
اسرائيل الكبرى من النيل للفرات 
طبعا ما اتخضيتش من المصطلح ده لانك عارفه كويس اوى وعقلك الباطن متغذى به وعارف طبعا انه مكتوب على مدخل الكنيست والعلم الاسرائيلى بيشير لنهر النيل ونهر الفرات والدولة اليهودية فى النجمة 
كل ده كلام قديم احنا عارفينه كويس اوى 
بس سؤالى يا ترى الناس دى حققت حلمها ده ؟ 
او الحلم الصهيونى اللى بدا من 200 سنة اتحقق منه نسبة كام فى المية ما تيجى نلف لفة على دول الوطن العربى سابقا واللى هو على حدود اسرائيل .
1- سوريا " حرب اهليه " والجولان محتلة وبيتمدد الاحتلال فيها والجيش الاسرائيلى بيضرب الجيش السورى .
2- لبنان منقسمة والجنوب اللبنانى محتل منهم " مزراع شبعة " 
3- العراق " سقطت وفى فتنة طائفية وفى طريقها للتقسيم 
4- السودان " اتقسمت " حدود مصر الجنوبية 
5- اثيوبيا " ايد اسرائيل هناك فى سد النهضة ومسيطرة على الافارقة " 
6- ليبيا اتقسمت وفيها معقل الارهاب الداعشى على حدود مصر الغربية 
7- فلسطين محتلة وبتتضائل كل يوم بسبب اتساع المستوطنات 
يعنى لو اخدت جولة فى الدول العربية المحيطة باسرائيل من النيل للفرات هتلاقى ان 70 فى المائة من المخطط ده اتحقق فاضل 30 % بس عارف فين ؟ 
فى مصر او سيناء ومصر هى الجائزة الكبرى وحجر العثرة فى تنفيذ المخطط ده 
ممكن تقول انى عدو للسامية او انى من معتنقى نظرية المؤامرة وان مفيش مؤامرات على مصر 
انا معاك ياسيدى 
طب انا عايز ارجع معاكم بالتاريخ ورا شويه صغيرين وهنروح العراق سنة 1991 ايام حكم صدام حسين وطبعا زى ما احنا عارفين ان نهر الفرات فى العراق اللى هو الشريط اللى فوق فى علم الكيان الصهيونى يعنى الهدف الاول . 
حصل ايه سنة 1991 بدأت تظهر حاجة اسمها المعارضة العراقية يتكلموا عن حقوق الانسان وانتهاكات صدام حسين وسنة 1992 التقى مجموعة من المعارضة العراقية فى " فيينا " ودشنوا حاجة اسمها " المؤتمر الوطنى العراقى " واتكون من مجموعة شملت معارضة الخارج ضمت الحزبين الكرديين، الحزب الديمقراطي الكردستاني، والاتحاد الوطني الكردستاني؛ والمجموعات الشيعية الرئيسة ـالمجلس الاعلى للثورة الاسلامية، ومقره في ايران، وحزب الدعوة، الذي تفرق العديد من اعضائه في الخارج؛ والحزب الشيوعي العراقي. وينبغي اضافة مجموعات أخرى، واهمها القوميون العرب، المتمركزون في سوريا، وحركة الوفاق الوطني، المؤلفة من اعضاء ساخطين في حزب البعث ويتزعمها اياد علاوي " شيعى " يعنى كان كله من الشيعة والاكراد 
وعملوا اذاعة وبضغط خارجى اخدت مساحة جوة العراق وعملت شغلها المكلفة به والمؤتمر الوطنى العراقى ده بدأ يضغط على نظام صدام ويطلع اشاعات بسياسة تكسير العظام وبدأ يشعل نيران الفتن الطائفية هناك وبدا ناس يتبعوهم وبدا يجذب المنشقين من نظام صدام ومن الجيش العراقى وكون منهم مليشيات وذكرت فيبى مارى مؤرخة امريكية 
ان المخابرات الامريكية CIA ارسلت عناصر لشمال العراق لتدريب المجموعات دى 
وبدأت حرب الاستنزاف ضد الجيش العراقى اللى كان مصنف رابع اقوى جيش عالميا بدعم امريكى والهجوم كان من مليشيات المؤتمر الوطنى وبدا الهجوم فى اذار 1995 فين بقا فى 
" الموصل وكركوك " واستسلم 700 جندى عراقى للبيشمركة وحاولوا يعملوا انقلاب لكن فشلوا وفضلوا شغالين فى الشمال العراقى وفى الجنوب وحصل تمرد مشابه هناك لتمرد الشمال 
وبدأ صدام يسيطر على الجنوب وارسل 40 الف جندى وعمل طرق عشان يسهل وصول القوات العراقية للجنوب وارسل طائرات حربية قريبة من الجنوب عشان تساعده فى السطرة على الجنوب العراقى وفى التوقيت ده قامت الولايات المتحدة، والمملكة المتحدة، وفرنسا، وبرعاية الامم المتحدة، اقامت منطقة لحظر الطيران في الجنوب عشان يضعفوا سيطرة الحكومة العراقية على الجنوب ويستمر الحصار 
وتتطور الاحداث ويحصل استنزاف للجيش العراقى فى صراعات داخلية لحد شهر 4 / 2002وعملت المعارضة مؤتمر بتطالب فيه باسقاط نظام صدام حسين وده بعد سنوات من اعلان تقارير متتالية بانتهاكات حقوق الانسان واختفاء قسرى وتعذيب وان نظام صدام ديكتاتورى وغير شرعى والشعب العراقى رافضه " وافتكر الجزئية دى كويس لاننا هنحتاجها لما نوصل للوضع المصرى "
وتتوالى الاحداث لحد عام ٢٠٠٣ وتقرير وكالة الطاقة الذرية " البرادعى " ان العراق فيها سلاح نووى ودخلت امريكا وبريطانيا العراق بدون اى مجهود بعد ما اشتغلت الجزيرة عليهم مرة ضرب المطار فى العراق وقصة اللواء الصحاف اللى كلنا عارفينها لحد اعلان الجزيرة بان صدام سرح الجيش العراقى وفجأة صحينا من النوم مالقيناش الجيش العراقى وسقطت العراق واتقسمت ووقع الفرات فى ايديهم وده كان اول جزء من المخطط الصهيونى " بس خد بالك مفيش مؤامرة " 
تعالى بقا نطبق ده على مصر 
ونبص على خريطة مصر كدة 
هتلاقى ان الجنوب المصرى السودان بيحكمه جماعة الاخوان وزى ما انتم فاكرين الهجوم الارهابى اللى وقع على قوات الجيش فى الفرافرة واتضح انه جاى من الجنوب وكل فترة والتانية اثارة مشكلة حلايب وشلاتين وتوسيع الفرقة بين النظام السودانى والحكومة المصرية 
وكمان اردوغان ياخد جزيرة سواكن عشان يعمل فيها قاعدة عسكرية 
يعنى الجنوب السودانى بالنسبالى بيمثل تهديد للامن القومى المصرى 
نيجى للحدود الغربية بطول الف كيلو متر هنلاقى ليبيا اللى فيها منتخب الارهاب فى العالم كله 
نروح للحدود الشرقية حدودنا مع الجارة الطيبة الكيوت اللى ما بتعملش حاجة هنلاقى سيناء " ارهاب " وعناصر داعشية وعمليات ارهابية 
تعالى نتخيل كدة الجيش المصرى لما كان فى حرب 73 وانتصر كان بيحارب بكل قوته وبكامل اعداده وعتاده الجيش الاول السورى بيضرب فى الجولان والجيشين التانى والتالت الميدانى بيضربوا الصهاينة فى سينا مع دعم عربى وافريقى وجزائرى 
وحدودنا الجنوبية امنة والجيش السودانى فى ضهرنا والحدود الغربية امنة والجيش الليبى فى ضهرنا 
النهاردة بقا لو دخلنا حرب ضد اى احتلال فى سيناء او عملية عسكرية ضد دولة بالظروف الحالية هضطر انى امزق جيشى على 3 جبهات احمى حدودى الجنوبية 
وجزء من الجيش يتفرد على مساحة الف كيلو متر فى الحدود الغربية مع ليبيا 
يبقا هحارب عدوى بتلت قوة جيشى فقط المحددة اعداده فى كامب ديفيد وده بنسميه شد أذرع للجيش المصرى بيحاول يشتته ويستنزفه ويضعف قوته بزيادة مساحة انتشاره وتشتيت قوته .
" ود كان سبب رئيسى فى اننا نشترى سلاح ونطور قدرات جيشنا حتى لو مش هنلاقى ناكل " 
تعالى نلف برا ونراجع تحركات الخونة اللى بيطلقوا على نفسهم المعارضة فى لندن بيعملوا نفس المؤامرات وليس المؤتمرات يعنى نفس القصة اللى اشتغلوا بيها على العراق وترويج ان السيسي ديكتاتور وان الجيش بيحكم بالحديد والنار والاختفاء القسرى هتلاقى نسخة طبق الاصل من خطة اسقاط العراق ونفس اللى حصلت فى سوريا 
طيب هما ليه ما دخلوش مصر ؟ 
هقولك هما ممكن يدخلوا فى حالة واحدة وهيلاقوا المبرر القانونى من القانون الدولى العام زى ما لاقوه للعراق بس فيه عائق واحد هو الشعب المصرى لانه مش هيقدر مهما كانت قوته يحارب 104 مليون مستحيل اى جيش مهما كانت قوته ينتصر عليهم غير بالنووى 
هما بس منتظرين لحظة معينة عارف ايه هى ؟
اثبات الشعب المصرى ان السيسي ديكتاتور وانه رافض تحركات الجيش المصرى وهو بيشتغل على عقلك بده فى الشرق ومكملين والجزيرة وواحدة زى ايات عرابى وغيرها اللى بيروجوا لفكرة تفكيك الجيش المصرى , 
هو قاعد برا منتظر بس يلاقى لجان الانتخابات اللى جاية فاضية ومفيش حد ينزل 
وفجأة تطلع كل الملفات اللى كانوا بيستفوها بس مش للسيسي لا للجيش المصرى .
وساعتها هننضرب من كل ناحية عارف ليه لان ده المبرر القانونى اللى هيشتغل عليه الخونة فى الخارج ويجيشوا الرأى العام العالمى ضد نظام الحكم فى مصر والجيش المصرى وذريعة للتدخل والاهم من ده عشان يوقف عجلة التنمية وخاصة تنمية سيناء لانها نجحت ولو عمرتها هتقتل حلمه وقوة جيش اى دولة مرتبطة بقوة اقتصاد الدولة اللى لو ارتفع هترفع كفاءة الجيش وقدراته التسليحية والقتالية 
طب نرد على ده ازاى؟ 
تخيل ان الرد بسيط زى ما حصل فى 2013 وتراجعوا لما لقوا الشعب المصرى نزل فوض الرئيس عبدالفتاح السيسي فى اغسطس قالوا مش هنقدر نحارب شعب وبدانا فى التنمية على الرغم من المعركة الشرسة اللى بيخوضوها ضدنا اعلاميا وسياسيا وبمليشيا الارهاب الممولة باحدث الاسلحة 
ردك وحماية الامن القومى لمصر بيتلخص انك تنزل تنتخب ايا كان رايك مع السيسي او ضده لو قعدت فى بيتك يبقا انت مستنى مصر تقع وتتقسم وتعيش مشرد او لاجئ على الحدود وتندم انك قصرت فى حق بلدك 
وحقك تقتنع بكلامى او لا بس هيفضل هو الحقية الوحيدة والواقع اللى بنعيشه 
واسف للاطالة عليكم


By/‎محمد بشر‎ (Mohammed Bishr)
الرجوع الى أعلى الصفحة اذهب الى الأسفل
 
اسرائيل الكبرى من النيل للفرات .....طبعا ما اتخضيتش من المصطلح ده
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: