منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
اكتوبريات..... بقلم اللواء علاء الدين سويلم >

منتديات سيفن ستارز
عزيزى الزائر نتمنى ان تكون فى تمام الصحة والعافية نتمنا ان تسجل معنا وانشاء الله تفيدنا وتستفيد منا المدير العام لمنتديات سيفن ستارز
اكتوبريات..... بقلم اللواء علاء الدين سويلم >

منتديات سيفن ستارز
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالبوابةأحدث الصورالتسجيلدخول
ارجو من الساده الاعضاء القدامى تعديل بيانتهم الشخصية
ياجماعة انصحكم بالدخول على المنتدى بالمتصفع العملاق Mozilla Firefox
مشاركتك بالموضوعات تعنى أنك قرأت قانون المنتدى ، وأنك تتحمل المسئولية الأدبية والقانونية عن نشر هذا الموضوع او الردود
تتقدم منتديات سيفن ستارز بأحر التهانى القلبية للأخت رونى المحامية المشرفة على المنتدى القانونى وذلك بمناسبة الزواج السعيد نسأل الله لها التوفيق فى حياتها وألف مليون مبروك لها ولزوجها الأستاذ /حسين إبراهيم حسين وعقبال البكارى وحياة سعيدة ملؤها التراحم والمحبة والقرب من الله
على السادة الأعضاء الإلتزام بالأقسام النوعية للمنتدى عند تقديم مساهماتهم حيث يكون كل موضوع داخل القسم الخاص به حتى يعطى الشكل المطلوب مع سهولة الوصول إليه لكل متصفح .فالموضوعات الخاصة بالمرأة داخل منتدى المرأة .والموضوعات التى تتحدث عن الإسلام توضع فى المنتدى الإسلامى   ...وهكذا ..ونشكر لكم حسن العمل .كما نشكركم على الأداء الممتاز داخل المنتديات..كما نحذر من الخوض أو التطرق لما يمس الغير أو التهجم أو إذدراء الأديان أو الخوض فى موضوعات سياسيه..المنتديات  أصلاً ..منشأة لتبنى وجهة النظر الأجتماعيه والإسلاميه لأهل السنة والجماعة دون التقليل من الغير بل الإحترام المتبادل..وللجميع ودون تميز بجنس أو نوع أو دين أو لون وشكراً لكم جميعاً...
إدارة المنتديات...سيفن ستارز.

 

 اكتوبريات..... بقلم اللواء علاء الدين سويلم

اذهب الى الأسفل 
كاتب الموضوعرسالة
حسن المرجاوى
المدير العام
المدير العام
حسن المرجاوى


الجنس : ذكر عدد المساهمات : 4067
تاريخ الميلاد : 03/06/1963
تاريخ التسجيل : 06/11/2010
العمر : 60
المزاج مصر العربيه

اكتوبريات..... بقلم اللواء علاء الدين سويلم Empty
مُساهمةموضوع: اكتوبريات..... بقلم اللواء علاء الدين سويلم   اكتوبريات..... بقلم اللواء علاء الدين سويلم I_icon_minitimeالجمعة أغسطس 31, 2018 7:38 pm

· 


السلال عبدالنعيم محمد
********

اكتوبريات..... بقلم اللواء علاء الدين سويلم


مشاهد علقت في الذاكره ولم تغادرها ابداً ً......
كلها كانت في المنطقه الفاصله بين* العقل والجنون ،،، وبتكون اشد لما تكون بتعرف بطلها ،، او سمعت عنه ...
طبعا كلها بتبقي مشاهد وصاحبها تحت ضغط غير عادي ،، شخص بيقف في المساحه الرفيعه بين *الحياه والموت ،، ومطلوب ياخد قرار .......طبعا عرفتوا ان المشاهد دي بتكون في ظروف حرب مثلا زي ١٩٧٣ ،، وانتو يامعاصرين شوفتوا امور زي دي لكن تحت ظروف أخف وانا شفتها معاكم مثل حوادث الوطن في سنواته العجاف من ٢٠١١الي ٢٠١٣ .........


*يبقي السؤال : مامغزي ومافائده مثل هذه المشاهد ؟ 
نأجلها شويه واقول لكم عن مشهدين الاول .....


*- كانت كتيبتي للصواريخ مخصصه لحمايه الفرقه الرابعه المدرعه ،، وكانت تحركاتنا في الحرب معها اينما ذهبت .. وطبعا سنوات ماقبل الحرب كانت انتظار وتدريب وتزاور مع ضباط الفرقه ( لواءات او كتائب ) حسب قرب الوحدات مننا ( وكان نصيبنا اللواء الثالث المدرع ).......


يوم رجوعهم من الشرق ١٥ اكتوبر بسلم علي احد ضباطها مع زملاء وانا علي الارض مع زمايلي ( وهما بيبطئوا سير الدبابات الي ان توقفت بمحاذاتنا قبل الوصول لمرابضهم ،، وكان فاتح باب برج الدبابه ،، وكان الوقت قبيل المغرب بساعه )...
سألته :
ايه الاحوال جوه ( سيناء )
نار ودم وبطولات ----


*تصور لن يمحي من ذاكرتي الجندي العجيب اللي كان في مكمنه ومعاه سلاحه ووسط زمايله وفجأه يسيبهم ويطلع جري علي دبابه قياده للعدو لغايه مايوصل عندها وجسمه زي الغربال وهو بيقول ( ياولاد الكلب )،، الي ان يصل اليها ويفجر نفسه والدبابه بقنبله هجوميه .....
عمل كده ليه ؟ وهو كان ممكن يستني في مكمنه وبرده يصيبها ؟
هو احنا زودنا شحن الجنود والافراد وحفزناهم للنصر او الشهاده بزياده ؟
[center]

الرجوع الى أعلى الصفحة اذهب الى الأسفل
حسن المرجاوى
المدير العام
المدير العام
حسن المرجاوى


الجنس : ذكر عدد المساهمات : 4067
تاريخ الميلاد : 03/06/1963
تاريخ التسجيل : 06/11/2010
العمر : 60
المزاج مصر العربيه

اكتوبريات..... بقلم اللواء علاء الدين سويلم Empty
مُساهمةموضوع: رد: اكتوبريات..... بقلم اللواء علاء الدين سويلم   اكتوبريات..... بقلم اللواء علاء الدين سويلم I_icon_minitimeالجمعة أغسطس 31, 2018 7:50 pm

لم يرد لساني .. لكن عقلي احتفظ بطزاجه المشهد ،. فلم يكن هذا وقته ( فوقتها كان الوقت متاحا فقط للشهاده ).


- الا السيد بخيت وحكايته . نقيب طيار اسماعيلاوي ( احد اقرباءه كان زميلي في قياده اللواء ).
دول بقي عيله من اساس الاسماعيليه ..واللي يفتكر ابوه كان احد اعضاء مجلس اداره النادي الاسماعيلي مع عثمان احمد عثمان زمان .
راكب اتقل طيارات زماننا واكثرها ازعاجا كصوت ( سوخوي ).. بالمناسبه كلمه سوخوي بالروسي يعني ( ناشف ). كانت طياره قلعه مسلحه طائره قاذفه مقاتله .
طيب ياسيد خلصت طلعتك الجويه فوق سيناء شمالا بقرب البحر .. وكنت مكلف انت وسربك بضرب دبابات للعدو متقدمه نحو القناه ودمرتوها .. وخدت اوامر رجوع لقاعدتك لان الذخيره معاك انتهت ،، ماترجع يااخي ؟
فعلا كان راجع ،، الخرايط والبلوتات ( موقعه في الجو )، بيقول كده - وهو راجع لمح قول دبابات صغير تاني متقدم برده ويظهر الاستطلاع ماخدش بيه خبر . يعمل ايه ويفكر ازاي ؟
ينزل بالسوخوي وبسعتها المرعبه وبلا ذخيره فقد كان هو القنبله الحيه الوحيده ،، ويدمر دبابات القول ويولعها نار ( وهو معاها ).


*****
سألت وقريت وطلبت تفسير هذه اللحظات من اصدقاء اطباء .
عارفين وصلت لايه ؟
هي لحظه بريق وفلاش لايراها الا صاحبها ...
هي لحظه اللي بنسميها في ادبيات الحرب ( روح اكتوبر )..
اراده وتصميم ورفض لوجود عدو في مرمي بصرك ..
لحظه انكشاف الحقائق مجرده ( عدو معتدي وقتله فريضه )
لحظه اقرب للغريزه البشريه وجلاء البصر ( لما بتتخيل بس كم الدمار اللي ممكن تعمله الدبابات المهاجمه دي في قواتك )... لحظه ياقاتل يامقتول ...
لحظه تضحيه بالنفس وانت متأكد انها هاتنقذ ارواح اخري .
لحظه مبادره ( هو انا لسه هاستني عليهم وابلغ عنهم ؟)
لحظه الكل في واحد ( وهذا تراث مصري فرعوني كبير .. تراه زمان في فيضان النيل والناس بتساعد بعضها كل واحد واللي يقدر عليه .. وتراه النهارده في عربيه عامله حادثه والناس بتتسابق بعفويه لاخراج مصابيها ....
لحظه عن ايام حرب اكتوبر ( وانخفاض او انعدام بلاغات الناس في الاقسام ووصلت ان الحراميه بطلوا يسرقوا )


انها روح اكتوبر :
جلد صبر اراده غريزه هجوم ايثار عدم تواكل . وتراب وطن بينادي احموني ياولادي وده تلاقوه النهارده ف مؤسسه القوات المسلحه والشرطه بس وحصراً


عارف لو البلد النهارده فيها مسؤلين بالروح دي ( هاتنحل مشاكلها )
صدقوني اهيف مشاكلها الفلوس دي تتدبر بمليون طريقه وياما شفنا ايام في الستينات كانت مائده رمضان مافيهاش غير التمر المصري وزبيب جاناكليز ( ومامديناش ايدينا ولااهتمينا لاننا كنا بنوفر الهيافه عشان نبني مستشفي او مصنع او مدرسه )


عارفين ازمتنا فين ؟
في رجاله عندها روح وبتحب البلد صح ،، والحب اراده و اختيار ...
( ولن يستطيع بشر ان يدفعك لحب مصر الا لو حسيت لوحدك وترجمت ده لعلم وعمل )
اطلت واعتذر .
الرجوع الى أعلى الصفحة اذهب الى الأسفل
 
اكتوبريات..... بقلم اللواء علاء الدين سويلم
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات سيفن ستارز :: قسم الموضوعات العامة :: الموضوعات العامة-
انتقل الى: