لازم نفضحهم صحة الناس فوق كل إعتبار وده بلاغ لكل الجهات المسئولة...... الصور دي نَشرها شاب أسمه مُعاذ عماد لمصنع " جرين لاند "

شبكة عيون فاقوس الاخبارية
- الصور دي نَشرها شاب أسمه مُعاذ عماد لمصنع " جرين لاند " طبعا تم تهديدة هو وأهله وبعد يوم واحد شال كل الصور وآتأسف وقال " انا مش مُناضل وماحدش هَيحميني انا وأهلي واحنا بنسبي للناس دي ولا حاجه " .
- وكتب بالنص في البوست اللي حَذفه " تعرف إن كل الجوافة زى الزفت أصلا ولو شفتها تستحرم ترميها لشوية فراخ من ريحتها النتنة، تعرف إنهم لما بيكبوا الأقفاص على السير بتنزل بورق الجوافة وورق الجرانين فى المعصرة " .
- وطبعا مافيش أي إجراء قانوني ضد الشركة او الشركات اللي بتعمل مُنتجات غير صالحة للاستخدام الآدمي، واحب أطمنك وأقولك مش هيبقي في إجراء أصلا، لأنهم " عصابة حَاكمة البلد " .
- الشركات دي مملوكه لرجال أعمال مصالحهم مع النظام والمسؤولين أكبر بكتير من صحه الشعب، أكبر بكتير من مَلايين المرضي ب فيرس c والتهاب الكبد الوبائي وأمراض تانيه كتير، مصالحهم والبزنس بتاعهم أكبر بكتير من شويه أطفال وشباب بيشربوا وياكلوا مُنتجاتهم ويجلهم أمراض، وهما بصراحه عاملين برضه حسابهم .. المنتجات دي مش هتجبلك أمراض في وقتها وإنما مع الوقت بيظهر ضررارها عليك .. لكن زي ما قولتلك انت مش مهم، المهم فلوسهم تفضل شغاله، وثرواتهم تذيد .
- رجل الأعمال مش بينزل ينقي الفاكهة ومهتم بيك زي الحاجه والدتك، ولا حتي يهمه صحتك هو يهمه المكسب بس، الفاكهة بتجيلة في كونتنرات اغلبها بَيظه ومَضروبة وبيضاف عليها مكسبات طعم ومواد حافظة، يعني مش مجرد بتفقد قيمتها الغذائية لا بتكون مُضره .
- لو حضرتك بتلعب رياضة وبعد التمرين بتقوم جايب علبه عصير وشاربها ومتخيل انك كده بتفيد نفسك، أسف أني أقولك انت كده أهبل، انت بتضر نفسك وبترمي فلوسك في الارض .
- مبدئيا الخُضار او الفاكهة عموما بتفقد جزيء كبير من فايدتها لو تم تقطيعا فما بالك بكل الفيلم اللي حاكتلك عليه، وان الفاكهة اتحولت لمواد كيميائية طعمها حلو وبتدي نفس طعم الفاكهة اللي حضرتك بتاكها في البيت .. ولمعلوماتك برضه اللي بيقولك فاكهه وعصير Pure ده كداب، أو فيها " قطع فكهه طبيعيه " .. ده مش اكتر من انه با ي Markting المنتج بتاعه .. ابقي صَفي المنتج وشوف قطع الفاكهة عاملة ازاي .
- حافظ علي صحه نفسك واخوك الصغير وابنك قبل ما أقولك ماتبقاش غبي وتنفع شويه حرمية مش بيسروقوك بس لا كمان بيضروك، ومعتمدين علي الإعلانات وجهل فئات كبيرة من المجتمع .
- مش بقولك ماتشربش عصير .. لكن معلش اتعب نفسك واعمله في البيت، هيبقي أفيد وطعمه طبيعي ونضيف .. وبلاش تضر نفسك وتدعم شوية حرمية .. الملايين اللي بيجلهم فيرس C لحد انهاردة .. وألتهاب كبدي والفشل الكلوي وأمراض تانيه كتير في مصر بيكون أسبابها التلوث ده وغيره