وسيذكر التاريخ :

موضوع: وسيذكر التاريخ : السبت مارس 07, 2015 12:14 pm

وسيذكر التاريخ :
=========
1- إن اللي طالبوا بقتل رجال الشرطة والجيش بيتكلموا النهاردة عن رفضهم لعقوبة الاعدام كــ تبرير لرفضهم لاعدام قاتل.

2- إن اللي بيقولوا كلمة (قصاص) ألف مرة في اليوم وبيطالبوا الجماهير يقفوا ويقتصوا (لشهداء الثورة) بدون حكم محكمة اللي ظروف وفاتهم في العادة غامضة ومفيش عليها شهود، واللي محدش يعرف ملابسات وفاتهم، هما نفسهم اللي بيتعاطفوا مع مجرم قاتل تم تصويره وهو يرتكب جريمته واللي جريمته موجهة ضد اطفال وكمان جريمة قتل وكمان جريمة وحشية بالقاءهم من مكان مرتفع وغير ده كله فهو كمان معترف هو وزملاءه اللي ظهروا معاه وصادر ضده حكم نهائي بات.

3- إن اللي قالوا إن ده شغل مخابرات وفبركة والراجل ده مش تبعنا هما اللي دلوقتي عاملين الارهابي ده شهيد.

4- إن اللي كانوا بيطالبوا بالانتقام من الداخلية ككل عشان أي خطأ او تجاوز ، فجأة بقوا متعاطفين تماما مع قاتل أطفال وعاملينه بطل.

5- إن الحقوقي اللي بيقول عاوز حقوق انسان وبيكرس نفسه لمحاولة منع خصومه السياسيين من دخول الانتخابات (بما يكشف انه بيستخدم شغلانة الحقوقي لأغراض سياسية وبيستخدم شغلانة السياسي لأغراض قانونية وبيستخدم شغلانة القانوني لأغراض حقوقية) لازم تتوقع أنه ينسي القانون لما يتعامل مع خصومه (لأنه ساعتها بيرفع شعار الثورة) وينسي حق الناس لما الدولة تتعامل مع الارهابيين (لأنه ساعتها بيرفع شعار حقوق الانسان ليضمن للارهابي الحق في الحياة اللي بينكره تماما علي رجال الأمن )

6- سيذكر التاريخ ان كل ملاحم وبكائيات الاخوان والاسلامجية كاذبة، و ان الشهداء في أدبياتهم كلهم ارهابيين من أول حسن البنا وسيد قطب والاسلامبولي وبن لادن حتى ارهابي سيدي جابر .

7 سيذكر التاريخ ان الضجة المعمولة لاعدام ارهابي قاتل أطفال الهدف منها التشكيك في احكام الاعدام التي تنتظر ارهابيي المنيا ومن وراءهم ارهابيي مكتب الارشاد .

8 سيذكر التاريخ ان كل من يموت من هؤلاء الارهابيين يوفر علينا تكلفة مراقبته باستمرار حتي الموت .

----------------------------------
By: Mohamed Zaki Elsheemi