مختارات من مقالات على الفيس بوك ومعاتبة منى لأصدقائى.

لكل أصدقائي الكرام.....
لكم مني كل التحية والإحترام.
لكل اللي لسه مش عارف فكري ولاشايف هدفي..
أنا مصري بحب بلدي وأعشقها .
بحب تاريخها بحب حضارتها بحب تراب تربتها بحب تكون ديما هي سيدة القصر في كل عصر من نصر لنصر .
بحب بلدي.
بحب تكون نقية مسالمة تقية عفيفة قوية جميلة سوية.
بحب بلدي.
بحب شوارعها بحب حواريها بحب الناس اللي عايشة فيها.
بحب بلدي.
عاوزها تكون آية عاوزها للمشتاقين غاية عاوزها عشق وحب ومراية.
بحب بلدي.
تكون أمنه في حياتها تكون حاضنة لولادها تكون جنة لمن رادها.
بحب بلدي.
أحب كل حاجة فيها صح وحنانها ولو شح .وبسمة عجوز لو كح ولما نكون عاوزين نصلح ويقولوا لنا بح حتي لغة الشوارع لما تكون سح ودح وگلام وحواديت من المح تعرفك إنك في بلدي.
بحبها صح الصح.............بحب بلدي.
أنقد في أوضاع عشان أصلح اللي إنكسر واللي إتسرق واللي ضاع لكن...
مابعلقش علي حكم رئيس كان وكان عشان لكل واحد زمن وزمان.
أصدقائي الأعزاء م الأخر أنا مصري بحب بلدي ومش كاره س أو ص لإني عارف لكل واحد إجادات وله في نفس الوقت أخطاء وسلبيات وبترك الحكم للتاريخ ولكني بأحي كل واحد ساهم في رفعة بلدي كل واحد رفع رايتها كل واحد حافظ علي وحدتها كل واحد وطني ماطعنش يوم بطن جلدتها عشان أطماع.
بأحي كل رؤساء مصر جميعاماعدا من كانوا خرفان .
بأحي كل من حكم مصر حتي في عصر الملكية ومن يوم محمد علي وأولاده لما حدثوا البلد وقاموا بنهضتها.
كل واحد كان له أخطاءه ولكن لاننسي أبدا مابناه في بلدي يوما . وعليه أنا لاأنظر للخلف أنا بأنظر لبكرة بأنظر للحلم والأمل اللي جوانا نبني مصر مش نتناحر .
ياجماعة بلدنا مريضة بعدة أمراض خطيرة ومش محتاجة جراح دي محتاجة كونسولتو والكونسولتو ده هو أحنا كشعب.
الأمراض كثيرة ..إرهاب.إقتصاد.أمن.صحة.تعليم.بطالة. أمية. حريات.فقر.عشوائيات. إدارة حكومية مترهلة. محليات عفنة. قوانين بالية. الوساطة.المحسوبية.الرشوة.الفساد. ذمم خربة.......الخ.
يبقي نبص لبكره نبص لبلدنا نبص إزاي نبني ونترك الهري اللي بنا علي فلان وعلان لكن الأن نحن مع مصر مع قيادتها نحط إيدنا في إيدها ونتعاون ونقضي علي الإرهاب.
بأحيي مصر كلها ...منصورة يابلدي.
by.hasan margawy.

خففت شوية من تعليقاتي لدي أصدقائي.
ماتزعلش مني.
أنا مابحبش الهري.ولا الجدال والجري.
تعليقاتي أحيانا بتزعل ناس.
وكتاباتي بينفر منها تانيين.
كل واحد له وجهة نظرة لكنه عاوز كل اللي عنده زيه ومايناظره
ولرأي غيره مامره عذره والبلوك ديما لغيره بزره عشان للرأي مش قابلين.
ويقولك نطالب بالحرية وهو دكتاتور.
يقولك عاوزين دولة القانون وهو بيشتم القانون.
يقولك عاوزين ديمقراطية وهو بيشجع الفوضي.
يقولك حاجات ويتشبث بيها ومش عارف ومش فاهم إيه اللي حيجري من العمل بيها.
المسئولية ياجماعة معدومة.
والأنانية فينا غرسة مخدومة.
وأفكار مطروحة من فكر أبو دومة.
لكن تخاطب مين وتوجه لمين اللوم واللومة.
دي كل كلمة ماتعدلش المايلة مردومة.
لي أصدقاء فعلا بأتعلم منهم بأتعلم من أخلاقهم بأتعلم من زوقهم بأتعلم من رقيهم بأتعلم من جمال منطقهم وفكرهم بأحيهم.
وعشان كده بأقول للناس اللي واخده جنب وكأني عامل ذنب
ماتزعلش مني خلاص هو من أمتي سيادتك علقت عندي .
أصدقائي وطنيين فعلا وطنيين وفيهم ناس والله جامدين وفيهم مفكرين وفيهم متحمسين وفيهم كتاب ومحللين وفيهم ناس علي الراس وسام وطيبين بأحبهم كلهم مهما عملوا .
عشان أنا مصري وبأعشق المصريين.
كلام م القلب في الصميم .
كلام للطيبين الجمال المخلصين.
by.hasan.margawy.

[ندعوك للتسجيل في المنتدى أو التعريف بنفسك لمعاينة هذه الصورة]

كمال حشيش رؤؤؤؤؤؤؤؤؤعة اللة عليك يا عم حسن للاسف في ناس كتير بتموت في الهري وتنساق ورا اي كلام من غير تفكير هدفة يرجعنا 100 سنة لو كل واحد فكر يشتغل ويعمل حاجة كويسة قبل ما ينتقد اكيد هنبقي افضل بس احنا بنحب الكلااااااااااااااااااام وبس...............

‏ربيع اليعقوبي‏ و‏ابو وليد‏ و‏‎Hesham Shehab‎‏ و‏‏3‏ آخرين‏ معجبون بهذا.
[ندعوك للتسجيل في المنتدى أو التعريف بنفسك لمعاينة هذه الصورة]

Yehia Kamal أبدعت أستاذ حسن !!!!!
9 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Hasan Margawy شكرا أستاذ يحيي أسعدني مرورك.
9 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

ابو وليد الشاعر الفنان والمحترم والزوق والادب والرجوله والطيبه والعقل والقلب الانسان اليست كل هذه وغيرها صفاتك المصري الاصيل ابن البلد المحبوب والمحب لغيره طيب اقولك ايه تاني كل ده وحد يزعل منه دي تبقي كارثه بقي صباحك ومساءك عسل نحل في نحل وبسبوسه
51 دقيقة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Hasan Margawy ربنا يخليك حبيب قلبى عم عبده ابو وليد ياغالى لكن دى الحقيقة واحد صديقى كان بيتكلم عن مبارك وكان فى معناه بيقول الجيش هزم فى 67 وبعد كام سنة قام من النوم لقى نفسه عنده السلاح والطيارات ومتدرب وحارب وأنتصر عاوز يقول إن مبارك اللى عمل ده وأحنا شعب بننس...رؤية المزيد
39 دقيقة · تم تعديل · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

ابو وليد يكفينا فخرا انك الاستاذ حسن المرجاوي المصري الاصيل من يخاف علي بلده وتراب بلده مصري ابن مصري اصيل لا تنظر خلفك ابدا وانظر كما عودتنا للامام فانت اهل الثقه والفخر والاحترام
38 دقيقة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

شعبان ياسين حشيش الله ينور بصيرتك يا عم حسن
15 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

معاذ حمدالله ربنا يبارك فى عمرك ياحاج حسن
15 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Ranna Ahmed حضرتك فعلا يا استاذ حسن قولت كل اللى احنا فعلاا حسينة وشايفبنة من اصدقاء كتير ولكن طالما الواحد مقتنع بكل كلمة يكتبها فلاا يهم الكم حتى لو فرد واحد لاان تنوير العقول بالفكر الصحيح يحتاج لااشخاص يفكروون ويستوعبون هولااء لو تابعوك جيدا حبك لبلد...رؤية المزيد
10 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Hasan Margawy شكرا لأختي الوطنية المخلصة الغالية التي أعتبر رأيها نبراسا وتاج يوضع فوق الرؤوس أستاذة رانا أحمد
7 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Hasan Margawy شكرا (ياواد عمي ) شعبان حشيش كلك زوق وأدب الله يرحم عم ياسين.
6 ساعة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

مصطفى عبد الحافظ أن لم تكن صدرا بأول جملة أو فاعلا للخير فى أسهاب أياك ان تبقى ضميرا غائبا أو لا محل له من الاعراب
ساعة واحدة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

مصطفى عبد الحافظ وأنت صدرا بل ووساما على صدر كل وطنى من يعرفك حقا لا ينكرك ومن احبك لن يكرهك دمت كما عرفناك الله يحفظك
ساعة واحدة · إلغاء إعجابي · 1
[ندعوك للتسجيل في المنتدى أو التعريف بنفسك لمعاينة هذه الصورة]

Hasan Margawy أستاذنا جميعا ومعلمنا أستاذ مصطفي عبد الحافظ حفظك الله من كل مكروه وسوء كلماتك الطيبة الجميلة هي بمثابة بلسم وشفاء تطيب بها القلوب وتريح بها الصدور وهي وسام علي صدورنا نفخر بها فلازلنا تلاميذ ننهل من إسهامك ولازلنا نجلس تحت فيضك وفي محرابك فتلك شهادة من عالم أستاذ قدير تعطينا أكثر مما نستحق شكرا لكم مروركم الكريم فقد سعدت بتلك الكلمات أكرمك الله وذادك من فضله ولاحرمنا من علمك أبدا.
6 دقيقة · تم تعديل · إعجاب
[ندعوك للتسجيل في المنتدى أو التعريف بنفسك لمعاينة هذه الصورة]

اكتب تعليقاً...
[ندعوك للتسجيل في المنتدى أو التعريف بنفسك لمعاينة هذه الصورة]

اكتب تعليقاً...

اللي عاوز يسأل عن يونيو وأكتوبر
يسألني.
ما أنا اللي عاصرت النضال وعبور القنال تعال وكلمني.
تعال أحكيلك عن اللى فرحنى وعن اللى آلامنى.
تعال أرويلك حكاية شعب تحدى الصعب وسط الرعب
وقال أنا هنا.
أنا حموت ولاتدنس أرضنا.
أنا قاعد وتد ع القنال حتى نطرد عدونا.
أنا اللي خرجت مع شعبنا.
فى تسعة يونيو الحزين اللى أتجزع فيه قلبنا.
خرجنا فى الشوارع ملايين ونهتف كلنا.
نقول لناصر كلنا وراك و وياك .
وياللي فرحان في البلد ..
إياك تفرح في مصروتذلنا.
لا
دي مصر مش حتسيب التار وكلنا علي خط النار.
شايلين تاريخ أمة وحضارة شعب جبار ..
ماخفناش.
لمينا شتاتنا ولففنا حطبنا وإتحطبنا من هنا وهناك.
وقال الزعيم البطل سنقاتل ولو بعصي ولن نخضع.
سنقاتل ونرد العدي وسنردع.
سنقاتل ...وصرخ في شعبنا صرخة بطل لما قال:
ياشعب ما أخذ بالقوة لايسترد بغير القوة.
وقمنا ولم ننام وبأقل الإمكانات ردينا .
وكانت صرختنا قوية وعلي مدار سبع سنوات.
سجل ولادنا تاريخ وبطولات.
ملوا السجلات بعزيمة ورجولة.
رجعوا فيها الماضى اللى فات.
وبعد يونيو بعامين.
تعب البطل م الشيل وسلم روحه لربه ومات.
وعم الحزن وتعالت الأهات...
ترك الراية للغير.
روحت فين ياجمال وسيبت مين الجمل ومين الحمال.
الشيلة تقيلة بس العزيمة فولاز.
والمهر غالى ولازم الإنجاز.
وكنا فى حيرة ومطلوب إعجاز.
دعنا ربنا يقوينا دى هو لنا ملاذ.
خرجنا ملايين وشيعنا بطلنا لمسواه الأخير.
وظن أعداءنا إننا نايمين.
لكن لا...
هذا شعب جبار منذ القدم لايستكين.
وزلزلنا الأرض من يوم معركة راس العش.
وبعدها شدوان..
دى البطل حلف مايعش طول مالعدو بيغش
وغرقنا إيلات ودمرنا كمان ميناها.
وفى سما المنصورة سطر ولادنا تاريخ .
وقالوا مصر بالله منصورة وطيرانا بالنصر مجبورة
حتي جاء أكتوبر ويوم ستة منه زلزل الأراضين.
وعبر الألاف القناة ولسيناء كانوا زفين أكاليل النصر المبين.
دي مصر الحدوته.
الغنوة اللى غناها أجدادنا تحت التوته.
اللي مايتشبع منها مهما يمر الزمان.
دي مصر عيشة وأم الخير وستوتة.
دي مصر مغاوري وراضي وعبد العاطي وعنتر إبن خدوجة.
دي مصر اللي توهت أمم ولاخضعت لطامع ولا خوجه.
دي مصر ياولاد.
اللى يعتدى عليها أو يفكر يخونها حبكته عليه مردودة.
دي مصر ياولاد.
أغنية ع الممر ع السمسمية ع الربابة ع الرق والطبلة والنوته.
دي مصر ياولاد.
مايتشبعش منها ولامن سرتها دى جنة ودى غوطة.
دي مصر ياولاد.
by.hasan margawy.