مصر وتصنيع السلاح

Mohammed Haffz
2 ساعة ·

مصر وتصنيع السلاح
===========
دايما كل ما نتكلم عن أخبار وأنواع السلاح الجديدة اللي بتشتريها مصر ، بألاقي تعليقات تقول إن يوم فرحتنا الحقيقية هو يوم ما نقدر نصنع الأسلحة دي بنفسنا وفي مصانعنا .. البعض بيقول كده من منطلق وطني خالص، والبعض بيقولها من منطلق السخرية ونشر الإحباط واليأس..
لكن هل صحيح اننا مش بنصنع حاجة عسكرية..؟ هل صحيح ان مصانعنا الحربية مش بتعمل غير سخانات وبوتجازات زي ما بيقولوا ؟
طبقا لما هو متاح من معلومات، أقدر أقول للجميع إن دا كلام غير صحيح تماما .. وانه مع الأسف كل الإنطباعات الخاطئة دي كانت نتيجة الدعايات المضللة والمغرضة اللي تم نشرها على مدى سنوات طوال مضت وتم تكرارها بإلحاح حتى صارت وكأنها الحقيقة الدامغة.
طيب احنا بنتنج إيه ؟
اولا: كل الأسلحة الخفيفة والمتوسطة بدءا من طبنجات التسليح الشخصي (حلوان) حتى السلاح الألي (الرشاش البورسعيدي ) الخاصة بجنود القوات المسلحة ، وهذا الانتاج يكفي الاحتياج المحلي ويتم تصدير بعضه للدول الخارجية .
ثانيا: كل الدخائر الخاصة بمختلف أنواع السلاح الخفيفة والمتوسطة بدءا من الأعيرة الصغيرة (الطبنجات) ، مرورا بذخائر الأسلحة الآلية المتوسطة ( الكلاشينكوف- الجرينوف - الأر بي جي )، ووصولا إلى ذخائر المدافع المضادة للطائرات ( عيار 12 - 14،5- 23 مم ) ودانات مدفعية الدبابات الثقيلة والمدفعية طويلة المدى .
ثالثا: فيما يتعلق بالأسلحة الثقيلة ، تقوم مصر بتصنيع الدبابة الأمريكية "أبرامز M1 A1 ) بالكامل طبقا للاتفاقية الموقعة بين مصر والجانب الأمريكي، كما تقوم بتصنيع المدرعة المصرية "فهد" والمدرعة "تمساح" بالكامل وبنسبة تصنيع تقترب من مائة بالمائة بما يكفي الإنتاج المحلي ويزيد ، ونصدر للخارج .
رابعا: تقوم مصر بتنصيع عدة أنواع من زوارق ولنشات البحرية السريعة ذاتياً ، وحديثا تم الإتفاق مع الجانب الفرنسي على تصنيع الكورفيتات "جويند" التي تم الإتفاق على شرائها من فرنسا بالترسانة المصرية ، وهو ما سوف يزيد الخبرة المصرية في هذا المجال تمهيدا لتصنيعها أو تطويرها بمعرفة المهندسين المصريين فيما بعد .
يتبقى لنا الكلام عن الطائرات والمقاتلات الحربية ، وفي هذا الصدد تقوم مصر بتصنيع عدة أنواع من طائرات الإستطلاع والتجسس والرصد ( والقتالية ؟؟ ) بدون طيار، سواءأ بخبرة ذاتية تماما أو بالتعاون مع بعض الدول زي الأرجنتين .. كما تقوم مصانعنا بتصنيع العديد من قطع الغيار الخاصة بطائرات الشحن ونقل الجنود والأفراد .
وبما أننا اتكلمنا عن الطائرات ، ففيه جزئية مهمة لازم الناس تفهمها .. تكنولوجيا صناعة المقاتلات دي تكنولوجيا مكلفة جدا وبتحتاج مصاريف هائلة، ويكفي اننا نعرف إن مرحلة الأبحاث والدراسات الخاصة بتصنيع طائرة مقاتلة جديدة قد تتطلب عشرات المليارات من الدولارات ، وده بدون الوصول لمرحلة التصنيع الفعلية اللي بتتطلب هي الأخرى آلات غالية جدا ومعقدة جدا ومش مسموح بامتلاكها إلا لعدد ضئيل من الدول على مستوى العالم . ويكفي اننا نعرف إن مصنع شركة داسو الفرنسية المصنعة للطائرة الرافال مش بينتج سنويا غير 11 قطعة منها فقط.. وإن خط انتاج المقاتلة الأمريكية إف 16 مش بينتج أكتر من 200 قطعة سنويا.. ولاحظوا اننا بنتكلم عن الشركات الأمريكية العملاقة اللي بتوزع سلاح لأغلب دول العالم ..أصل دا مش خط انتاج سيارات فيات واللا تويوتا عشان نتوقع انهم بينتجوا مئات الألاف من السيارات دي سنويا ، وده يدينا إنطباع عن تكلفة امتلاك مثل هذه التكنولوجيا المتقدمة ..
صحيح احنا ما وصلناش للمستوى اللي يرضي طموحنا الغير محدود ، لكن برضه احنا مش واقفين ساكتين ولا احنا واقعين زي ما كلاب السكك بتهذي وبتبث الإشاعات المحبطة عن قدراتنا التصنيعية العسكرية .
ويتبقى ان كل ما ذكرته هنا هو على قدر المتاح من معلومات ..لكن طبعا ما خفي كان أعظم ‏‎wink‎‏ رمز تعبيري
‫#‏مصر_بتفرح‬
شير من فضلك .