ياكل إرهابى وياكل حاقد على مصر.

ياكل إرهابى وياكل حاقد على مصر.
فيها إيه يعنى لو عملت بدل التفجير 100 تفجير.
مش حتقدر تهز فى البلد دى شعرة.
وحتفضل جبان وعره .
حتى لما تغدر بيها وتخدها على غرة.
حتعيش البلد دى أكيد.
وتموت أنت وتنكسر وراك ألف جرة.
أحنا مابنخفش.
أحنا مابنهتز ولا الجبن عندنا قفش..
أحنا لابنطاطى ولانركع لغير الله ولابنكل ولانتعبش.
أحنا عملنا من الصمود حدوته.
أحنا مصر اللى طول عمرها انشودة.
أحنا هنا الثبات .
والتاريخ اللى عمره مامات.
دى ياما أترفع علينا السكاكين وكان صوتنا اللى باقى .
وأسأل قواديس السواقى والترع والمساقى تقولك وتحكيلك عن صوتنا اللى باقى وعدونا اللى راح فى سكات .
مش حتقدر يابنى علينا .
دى مصر....... فاهم يعنى إيه مصر؟
مصر يعنى أمة... يعنى تاريخ ...يعنى حضارة ...يعنى أرض وسما ونيل..يعنى هبة ربنا علينا.
يعنى مصر محطوطة فى عنينا.
اوعى تفكر إنك أنتصرت .
ابداً دى أنت من الخيابة منزوع.
ومن القذارة منقوع .
ومن السفالة جذورك ممتدة لأصل جربوع.
أوعى ياخدك فكرك بإنك بتدافع عن الدين..
لا أنت حقير.
أنت قاتل وأجير.
لاالدين قال اقتل ولاروع الأمنين.
ولاقال لنا الحبيب المصطفى غير أمر بمعروف أو نهى عن منكر اثيم.
ولاالقرءان أوصانا بهلاك البشر ولا التكفير.
دينا دين محبة وسلام وألفة وتعاون على البر والتقوى وليس دين الفاسدين.
يوم ماتكفر مسلم منا فأعلم انك لست من المسلمين.
مصر منصورة ....مصر مجبورة....مصر محفوظة بعين الإله ليوم الدين.
by:hasan margawy.