اﻟﺼـﺮاع ﻋﻠﻲ اﻟﻐــﺎز ﻓﻲ اﻟﻤﺸﺮق ...كلمة السر .. ومفتاح الإجابة على كل الأسئلة

اﻟﺼـﺮاع ﻋﻠﻲ اﻟﻐــﺎز ﻓﻲ اﻟﻤﺸﺮق ...كلمة السر .. ومفتاح الإجابة على كل الأسئلة
===========================================
.
بمناسبة اكتشاف حقل الغاز الجديد في مياه المتوسط بتاعتنا .. وقبل ما وجدي غنيم يطلع يقول ان الحقل ده قد انبوبة أمه .. لازم نفهم ان الغاز هو كلمة السر ومفتاح اللغز في معظم أحداث المنطقة وتشابكاتها السياسية من زمان .. وهاقولكوا ازاي .. ‏‎smile‎‏ رمز تعبيري
روسيا هي المصدر الرئيسي للغاز لدول أوروبا كلها وجنوب شرق آسيا عن طريق شركة غازبروم الروسية واللي الحكومة تمتلك معظم أصولها ، واللي بوتين أولاها إهتماما كبيرا باعتبارها هي ذراعه الطولى اللي عن طريقها بيتحكم في أجزاء كتيرة من أوروبا والعالم واللي بتعزز مكانة روسيا السياسية والاقتصادية
.
ايران و سوريا والعراق هما اللي كانوا بيأمنوا مسار الغاز الروسي المتجه لأوروبا ..
.
قطر ظهرت كلاعب كبير في موضوع الغاز ده في التسعينات لما بدأ اكتشاف حقول الغاز الطبيعي بكثرة عندها ومع الوقت بقت تقريبا ثالث أكبر مصدر للغاز وأكبر احتياطي في العالم ..
.
أمريكا لقتها فرصة عظيمة انها تدعم حتة الدويلة دي وتكبرها وتفخمها وتاخدها على حجرها مقابل استفادة كبيرة لمشروع القرن الأمريكي اللي كلمتكوا عنه ( مشروع خط غاز نابوكو) مع وعود بتسيد زعامة الخليج بدلا من السعودية .. علشان كده بعتوا لقطر خبراء العالم كله لتطوير صناعة الغاز المسال وعمل مناطق صناعية كبري في قطر للغرض ده .. وشوية مصالح تانية زي القاعدتين الأمريكيتين وخلافه ..
.
الخطة هي ايجاد بديل للغاز الروسي لإمداد أوروبا باحتياجاتها عن طريق خط غاز أمريكي التوجيه قطري الهوية .. منها محاربة لروسيا .. ومنها إحكام سيطرة أمريكية على دول أوروبا عن طريق التحكم في الطاقة .. زي ما بينص مشروع القرن الأمريكي بالظبط .. وهكذا أعلن عن مولد خط الغاز القطري الأذربيجاني (نابوكو)
.
في 2009 قطر عرضت على بشار الأسد مد انبوب غاز من عنده لتركيا ومنها لأوروبا ، لكن بشار الأسد رفض العرض القطري لتأمين الغاز الروسي الواصل لأوروبا .. وده سبب دعم روسيا لبشار حتى الآن .. واصرار قطر على اسقاطه
.
بعد ما يسمونه الربيع العربي أصبح الفكر الأمريكي متجه ناحية دعم كل الجماعات الدينية والعرقية والطائفية للوصول لحكم البلدان في المنطقة .. للبدء في تنفيذ مشروع أنبوبين الغاز اللي بيطلعوا من قطر .. واحد عن طريق شمال العراق وسوريا الى تركيا .. والتاني بينتهي في تركيا برضه بس بيعدي على جنوب أوكرانيا .. شبه جزيرة القرم اللي روسيا قلبت عليها الدنيا لو فاكرين ‏‎smile‎‏ رمز تعبيري .. وخدوا بالكوا .. سكة أنبوب الغاز الأولاني بتاع العراق وسوريا هي هي نفس المناطق اللي كانت داعش مسيطرة عليها اول ما ظهرت .. كل حاجة محسوبة ..
.
وبما أن الجماعات المارقة والمتطرفة والاسلامجية في الوقت ده عنصر اساسي في اللعبة فكان كمالة الدور القطري التركي هي رعاية الجماعات دي والصرف عليها ودعمها علشان تحقق المراد .. وصول للحكم .. تخريب .. تأمين مصالح .. أي حاجة .. ومش بس الاسلامجية .. أي جماعات أو حركات تعلن العصيان على نظام دولتها بإسم الديمقراطية ولا الحرية ولا اي حاجة .. الهدف واحد ..
.
بكده عرفنا قطر بقت مهمة أوي ليه كده .. وتركيا اللي كانت هاتبقى بوابة توزيع الغاز القطري الأمريكي لأوروبا ايه مصلحتها من التحالف مع قطر وأمريكا .. تركيا كانت هاتملي شروطها على أوروبا كلها بالمشروع ده ..
.
طب احنا مالنا؟؟ و 30 يونيو حارقاهم أوي كده ليه ؟؟ لسببين يا حلو ..
.
أولا .. وصول الاخوان للحكم في مصر كان هدف أمريكي لخلق حالة تبعية مصرية كاملة للبيت الأبيض ،أكتر من أيام مبارك بكتير .. كان الاخوان هايباركوا الزعامة التركية المنتظرة .. والسيادة القطرية المزعومة على الخليج .. وده اللي خلّى السعودية تدعم السيسي في اسقاط الاخوان .. حماية لعرشها .. وكان الاخوان هايساعدوا في اسقاط بشار الأسد بإشراك مصر في ضربة عسكرية لسوريا كخطوة أخيرة، بعدها على طول يبدأ مد الأنابيب .. فاكرين مؤتمر نصرة سوريا وطرد السفير ولبيك يا سورية قبل 30 يونيو ب 4 ايام؟؟
.
ثانيا .. الجيش المصري والمخابرات الحربية على دراية كاملة باللي تم من 2011 ومين عمل ايه .. وكان وصول الجيش للحكم في مصر أكيد هايتبعه توجه ناحية روسيا مش ناحية امريكا اللي كل خططها بقت عالمكشوف وعلى عينك يا تاجر .. وهو ده اللي بيحصل حاليا .. 4 لقاءات بين السيسي وبوتين في سنة واحدة هو أمر غير تقليدي على المستوى الرئاسي بين أي دولتين في العالم ..
.
علشان كده التحالف الأمريكي القطري التركي محروقين من 30 يونيو اللي قلبت الخطة وشقلبت الموازين .. محروقين لدرجة ان ردود فعلهم وتصريحاتهم احيان كتير بتبقى مراهقة وطفولية بشكل ملفت . ‏‎smile‎‏ رمز تعبيري
.
نيجي بقى لاكتشافات الغاز في حوض شرق المتوسط.. واللي قلبت موازين وحسابات كتيرة..عايزين نعرف إيه حكايتها :
خزان الشرق هو الخزان الأكبر للغاز على مستوى العالم المكتشف حديثا.... هذا الخزان ﯾﻨﻘﺴﻢ ﻟﺜﻼث ﺗﺠﻤﻌﺎت رئيسية :
1-ﺣﻮض ﺑﺤﺮ إﯾﺠﻪ، ﻗﺒﺎﻟﺔ ﺳﻮاﺣﻞ ﺗﺮﻛﯿﺎ واﻟﯿﻮﻧﺎن وﻗﺒﺮص
2-ﺣﻮض اﻟﻤﺸﺮق، ﻗﺒﺎﻟﺔ ﺳﻮاﺣﻞ ﺳﻮرﯾﺎ وﻟﺒﻨﺎن .وإﺳﺮاﺋﯿﻞ ..
3-ﺣﻮض دﻟﺘﺎ اﻟﻨﯿﻞ، ﻗﺒﺎﻟﺔ ﺳﻮاﺣﻞ ﻣﺼﺮ، وﯾﻤﺘﺪ ﺷﻤﺎﻻ ﺣﺘﻲ ﺳﻮاﺣﻞ ﻗﺒﺮص، وﺷﺮﻗﺎ ﺣﺘﻲ ﺳﻮاﺣﻞ ﺷﺮق اﻟﻌﺮﯾﺶ وﻏﺰة
بالنسبة لحوض المشرق هنلاقي مثلا إن حقول ﺗﺎﻣﺎرا اللي بتقع ﻋﻠﻰ ﺑﻌﺪ 80 ﻛﻢ ﻏﺮﺑﻲ ﻣﯿﻨﺎء ﺣﯿﻔﺎ تحتوي على ﻗﺮاﺑﺔ 238 ﻣﻠﯿﺎر ﻣﺘﺮ ﻣﻜﻌﺐ ﻣﻦ اﻟﻐﺎز اﻟﻄﺒﯿﻌﻲ ذي اﻟﺠﻮدة اﻟﻌﺎﻟﯿﺔ ،وﺑﻬﺬا ﻓﺈن ﺗﺎﻣﺎرا ﻫﻮ ﺑﻤﺜﺎﺑﺔ أﻛﺒﺮ اﻛﺘﺸﺎف ﻋﺎﻟﻤﻲ ﻟﻠﻐﺎز ﻓﻲ ﻋﺎم 2009
وهنلاقي كمان انه على ﻋﻠﻰ ﺑﻌﺪ 135 ﻛﻢ ﻏﺮﺑﻲ ﻣﯿﻨﺎء ﺣﯿﻔﺎ وﻋﻠﻰ ﻋﻤﻖ 5 ﻛﻢ فيه حقل آخر ﯾﺴﻤﻰ "ﻟﯿﻔﯿﺎﺗﺎن" (اﺳﺘﻨﺎداً إﻟﻰ اﻟﻮﺣﺶ اﻟﺒﺤﺮي اﻟﻤﺬﻛﻮر ﻓﻲ اﻟﺘﻮراة) ، ومن المرجح أن ﻣﺨﺰون ﻃﺒﻘﺔ ﻏﺎز" ﻟﯿﻔﯿﺎﺗﺎن " ﺳﺘﺸﻜﻞ اﺣﺘﯿﺎﻃﺎ ﯾﻜﻔﻲ ﻟﺘﻤﻮﯾﻦ إﺳﺮاﺋﯿﻞ ﺑﺎﻟﻐﺎز ﻟﻘﺮن ﻣﻦ اﻟﺰمان
أما بالنسبة لحوض دلتا النيل ، فهنلاقي إن اﻹﻛﺘﺸﺎﻓﺎت ﻓﻲ اﻟﻤﯿﺎﻩ اﻟﻌﻤﯿﻘﺔ ﻗﺒﺎﻟﺔ اﻟﺴﻮاﺣﻞ اﻟﻤﺼﺮﯾﺔ ﺷﻤﺎل اﻟﺪﻟﺘﺎ تمثل نقلة نوعية وتغير استراتيجي جذري ﺳﻮف ﯾﻐﯿﺮ ﺑﺸﻜﻞ ﻛﺒﯿﺮ ﻣﻦ ﺧﺮﯾﻄﺔ اﻟﻄﺎﻗﺔ ﻓﻲ اﻟﺸﺮق اﻷوﺳﻂ،
ﻣﻤﺎ ﺳﻮف ﯾﺄﺗﻲ ﺑﻔﺮص ﺟﺪﯾﺪة، وﻟﻜﻦ أﯾﻀﺎ ﻣﺨﺎﻃﺮ ﻣﺘﻌددة.
اﻻﻛﺘﺸﺎﻓﺎت اﻷﺧﯿﺮة ﻟﻠﻐﺎز ﻓﻲ ﺣﻮض اﻟﻤﺸﺮق أدت إﻟﻲ ﺗﺄﺟﯿﺞ اﻟﻨﺰاﻋﺎت ﺑﯿﻦ اﻟﺪول اﻟﻤﺘﺠﺎورة وزﯾﺎدة اﻟﺼﺮاع ﻣﻦ اﻟﻘﻮي اﻹﺳﺘﻌﻤﺎرﯾﺔ ، واﻟﺘﻨﺎﻓﺲ اﻟﻤﺤﻤﻮم للسيطرة ﻋﻠﻲ ﺧﯿﺮات اﻟﻤﻨﻄﻘﺔ ، فهذه اﻟﻤﺨﺰوﻧﺎت اﻟﻀﺨﻤﺔ ﻣﻦ اﻟﻐﺎز ﻓﻲ ﺣﻮض ﺷﺮق اﻟﺒﺤﺮ اﻟﻤﺘﻮﺳﻂ ستحول دول ﻛﺎﻧﺖ ﻓﻘﯿﺮة ﻓﻲ ﻣﺼﺎدر اﻟﻄﺎﻗﺔ وﻣﺴﺘﻮردة لها إلى ﺪول ﺗﺼﺪر وﺗﺼﻨﻊ اﻟﻐﺎز
.
متهيألي كده جاوبنا على أسئلة كتير أوي تخص التحالفات والتشابكات في المنطقة .. مصادر الطاقة هي المفتاح .. هي حل اللغز .. بلا خلافة اسلامية بلا تطبيق شريعة بلا ديمقراطية بلا حرية بلا حقوق انسان بلا بطيخ أقرع .. واللي شايف غير كده يراجع نفسه ..
.
مبروك علينا حقل الغاز الجديد .. ووقوفنا ضد المشروع الأمريكي القطري التركي وقفة حاسمة .. ولا عزاء لأنبوبة الست أم وجدي .. ‏‎grin‎‏ رمز تعبيري
‫#‏تحيا_مصر‬
‫#‏حقل_الغاز_الجديد‬
DTH
-----------------------
لـ د. تامر حسن