تلات كلمات جد وواقعيين في موضوع الساعة المؤسف.. الخاص بالسياح المكسيك:

Mohammed Haffz

بص يا سيدي... تلات كلمات جد وواقعيين في موضوع الساعة المؤسف.. عندي 3 نقاط بس أقدر أقولها مبكرا كده في موضوع السياح المكسيك:
١- حزين جدا لمقتلهم هما ومرافقيهم على أرض مصر، وأتمنى يصدق حدسي ان الحادث ده يكون تأثيره عالسياحة محدود ومؤقت وأتمنى انه مايتكررش تاني أبدا. وخالص العزاء لأي أصدقاء يعرفوا مرشد الفوج أو أي حد من مرافقي السياح الأجانب.
٢- ماقدرش أفتي بكلمة ولا رأي أو حُكم قبل ما أقرا نتيجة تحقيق رسمي مع الشركة المسؤولة عن إرسال الفوج وبيان رسمي يؤكد أو ينفي ان السياح اتقتلوا في منطقة محظور دخولها وبيان رسمي يؤكد أو ينفي ما إذا كان الفوج معاه تصريحين من السياحة وحرس الحدود. وواثق ان ده حيتم بشفافية لكذا سبب منها ان رئيس المكسيك طلب تحقيق رسمي.
٣- عالمستوى الشخصي أو السياسي أو العملياتي (مش عارف أسمّيه ايه بالضبط)، رغم حزني على مقتل مدنيين ورغم انتظاري لمعرفة الحقيقة رسميا، إلا أن مجرد فكرة إن أي جسم ضخم أو موكب متحرك في منطقة عمليات او على مقربة من منطقة عمليات على حدود مصر بيتم استهدافه بالنار بدون تفاهم، هو في حد ذاته دليل على ان عملية الكنس والتطهير - خصوصا في سينا - هي مفرمة بمعنى الكلمة وحتجعل فكرة استوطان أوباش داعش وبيت المقدس وأزلام تنظيم الاخوان الخاص في سينا في خبر كان، وكلها مسألة وقت ‏‎smile‎‏ رمز تعبيري
.
أما بقى بالنسبة لأحبابنا في الله النحانيح وجنرالات الفيس بؤس المصري ، فأؤكد لكم إن تلات أرباع اللي بيتظاهروا النهاردة بالخوف عالسياحة بعد حادث المكسيكيين، هما نفس الناس اللي كانوا بيقولوا ان أحسن جواز هو جواز السفر واللهم ارزقنا رؤية مصر من نافذة الطائرة و"ماسر" مش أمي دي مرات أبويا ، والقناة ترعة، وحقل الغاز هيروح كله للطلاينة ،واللهم اضرب الجيش بالداعشيين وأخرجنا من بينهم سالمين، وخبر القبض على اللي سرقوا الدهب من مصلحة سك العملة خبر فشنك، ومصر بكابورت لوكس وقوم نحرق هالمدينة، وفين أيام اقتحام السفارات الأجنبية لما كنا رجالة ووقفنا وقفة رجالة، وازاي عربية المتفجرات قرّبت قوي كده من القنصلية الإيطالية، ومش من حق مصر تضرب داعش في ليبيا وبكرة مفاعل الضبعة يموّتنا كلنا ‏‎unsure‎‏ رمز تعبيري
وطبعا طبعا لازم ما يحصلش إجراء أي تحقيق مع مسؤولي شركة السياحة لأن التحقيق معاهم هيُغضب شعب الفيسبوك المقدس الخبراء في كل شيء. وطبعا المنطقة مش محظور دخولها من 2009 بعد خطف السياح الفرنسيين ولا حاجة. دي أوشاعات لا تنطلي على شعب الفيسبوك المقدس. وكمان المكسيكيين اللي ماتوا 12 واحد مش 2 ولا حاجة، وأي رقم أقل من 12 هو فبركة لن يقتنع بها شعب الفيسبوك المقدس. ولازم نطبع بيان يؤكد ان مصر قصدت قتل السياح ومرافقيهم ونبقى نكتشف الأسباب بعدين براحتنا. ولازم طبعا ننشر بوستات بالإنجليزي تحذر من السياحة في "ماسر". وطبعا لو التحقيقات أثبتت خطأ القوات الخاصة وتسرُّعها وان الفوج ماكانش في مكان محظور وانه كان معاه تصريحين من السياحة وحرس الحدود، لازم مصر تعتذر للمكسيك رسميا، ونبقى بعدها نقول ان كرامة مصر اتمرمطت وانها دولة فاشلة من مجاميعه وكل اللي بيتقتلوا في سينا كيووت وأبرياء ولازم نعمل حملة لإلغاء إعادة محاكمة حبارة. بجد هو ده بس اللي ممكن يسعد بعض الناس.
لو مش مصدّقني اختار لك عينة عشوائية كده من المتباكين عالسياحة النهاردة وارجع شهرين تلاتة في التايم لاين بتاعهم و فرّه كده بمزاج لحد اول امبارح وانت هتصدّقني.
‫#‏مُحن_إلكتروني‬
-----------------------
By: Mohamed Sabet