كنت عاوز أكتب عن إنتخابات المرحلة الثانية لمجلس النواب.

كنت عاوز أكتب عن إنتخابات المرحلة الثانية لمجلس النواب.
أقسم لكم اصدقائى بأنه تساورنى ضغوط نفسية على ألا أنتخب احد من المرشحين.
إنهم لايؤمنون بالحرية ولاالديمقراطية ولاحرية الراى والتعبير.
خد عندك:
أخ نزل بوست بيطلب فيه طلب محدد بيقول كل واحد يقول حينتخب مين وكيفية الإنتخاب بس.....كده تمام.
المرشحين فى دائرتى تجاوزوا ال 33 مرشح منهم أكثر من 12 مرشح من معارفى وأصدقائى ودخلت بيوت بعضهم .
المهم علقت على البوست عادى قلت أنا بأرشح فلان وده إبن عمى بجد مهندس شاب ومعاه فلان مهندس برده وجارى وأنا أعرفه معرفة شخصية ومربيه ووالده الله يرحمه من خيرة الناس ورشحت الثالث محام من أقاربى ايضاً وهو نقيب للمحامين فى النقابة الفرعية بشرق القاهرة وأعلم أنه شاب نظيف من بيت نظيف والده كان من أرباب الخدمات العامة للناس . ثم إن الإختيارات يمكن أن تتغير كلما قرب موعد الإنتخابات فلما الزعل ولما العتاب كلكم فوق رأسى واحبكم جميعا.
تحيتى وإحترامى للأساتذة/محمود الطحان/ صلاح دبور/ إبراهيم بدر/إسماعيل رشدى/حمادة عبد الوهاب/ عيد هيكل/ابناء عبد الله رفاعى محمد وعمر وأخوتهم جميعا لهم منى كل الإحترام/مجدى عاشور عضو مجلس الشعب السابق/ أحمد عبدة/ محمد عبد السميع/ ومعهم مصطفى حشيش/ محمد مخيمر/ خالد ابوطالب مع حفظ الألقاب لكل منهم وأعتذر لمن أساء فهم كلامى.
قلت أنا جميع المرشحين على خلق وأحترمهم جميعاً وفوق رأسى.
قلت أن العين بصيرة والإيد قصيرة والمطلوب فقط أنتخاب ثلاثة وليس بمقدورى أن أنتخبهم جميعاً.
الناس عاوزه النفاق تنافقه يقابلك ياخدك بالحضن ويقولك ماتنسنيش ترد وتقوله أنت أول واحد حأديه صوتى يعنى مش نفاق وبس لأ كذب كمان كل واحد عاوز منك إبتسامه صفراء يعنى على رأى المثل فى الوش مراية وفى القفا سلاية.
سكت باقى المرشحين....سابوا 100 واحد علق على البوست وأصطادونى أنا على أساس إنى بأساند فلان وعلان ضددهم وإنى بكده بأثر على الناخبين.
أد كده كلمتى هى المؤثرة وهى الفيصل فى أختيارات الناخبين .
أنتم مفكرين شخصى الضعيف ده رئيس دولة بيوجه الشعب.
ياسادة ياكرام أتمنى لكم التوفيق والنجاح والفلاح بس لازم تعرفوا إننى حر فى ارائى وفى تفكيرى.
وأنا بأشكركم جميعا وبأقول ملعون ابو الإنتخابات اللى حتزعلنا من بعض....................وعليــــــــــــــــــــــــــــــــــــه.
سأقاطع الإنتخابات ولن اعطى صوتى لأحد.
سأقوم بحملة تطهير لصفحتى من كل شخص ينتمى لمنطقة سكنى حتى لو قريبى لأن من خلاله يمكن أن تنشر بوستاتى على الأخرين وليس مستهدف أحد بعينه.
أشكركم وتمنياتى لكم بالتوفيق ويارب تنجحوا كلكم مش ثلاثة فقط.