فرنسا .. رأس الذئب الطائر، والجزء الثاني من عملية الطائرة الروسية !!

فرنسا .. رأس الذئب الطائر، والجزء الثاني من عملية الطائرة الروسية !!
=======================================
.
المعركة أصبحت سافرة .. والمواجهة بقت على عينك يا تاجر .. و المعسكر المضاد أصبح ماعندوش وقت يضيعه ،لأنه من الآخر كده ،وبكل المعادلات المنطقية والموضوعية وبحسابات المكسب والخسارة فى معركة الهيمنة على مقدرات الشرق الأوسط وهدم المنطقة بالكامل والاستيلاء على ثرواتها !! .. هو خسران- الجلد والسقط .... و المعلم يئس من الصبيان بتوعه اللي فشلوا طوال الأربع سنوات اللي فاتت و نزل بنفسه و كأنه بيقول ... اللى مش حيكمل معانا حنحط السيخ المحمي في صرصور ودنه ‏‎smile‎‏ رمز تعبيري
.
عايز بس أفكركم إن فرنسا دوناً عن دول أوروبا كلها هي اللي حدثت فيها حادثة ارهابية مفجعة من حوالي سنة، وهي حادثة ‫#‏شارلي_إيبدو‬ واللي العالم كله تعاطف معاهم حتى لو كان تعاطف صوري ، و أيد نزول الجيش للشوارع علشان 4 ارهابيين، في حين ان نفس الدول دي بتعارض تواجد الجيش في الشارع المصري وبتشكك في حربه ضد آلاف الارهابيين وبيقولوا ان ده قمع للحريات وبيكسر حق التظاهر ‏‎unsure‎‏ رمز تعبيري .. واحنا اتكلمنا قبل كده عن الحادث ده في وقته .. وشرحنا فيه الموضوع بالتفصيل ،و قلنا اشمعني فرنسا بالذات .... و كأننا بنتكلم عن الأحداث الحالية ‏‎smile‎‏ رمز تعبيري
.
فرنسا وقتها كانت لها مواقف محددة ، وقولنا ان ده اللي أدى للأحداث دي كلها .. و منها ان ‫#‏فرنسوا_أولاند‬ بيتبنى سياسة اصلاحية لمحاربة الفساد الداخلي ، وأيضا تبنى فرنسا لسياسة الانفتاح على الدول المحورية والتخلص من الوصاية الصهيونية وسيطرة رأس المال اليهودي .. وكمان أعلنت عن تأييدها التام لقيام دولة فلسطينية .. ومش كده وبس .. لكن كمان كانت بتنادى الدول الأوروبية بوقف نبرة التهديد ضد روسيا والتقارب السياسي معاها لحل الأزمة الأوكرانية .. لكن الأهم بقى واللي يخصنا في الموضوع هو دعمها لمصر وبناء علاقات استراتيجية سواء كانت اقتصادية أو حتى عسكرية بإتمام صفقات سلاح على أعلى مستوى (رافال وفريم وميسترال ) !!
.
اللي بيحصل النهاردة في فرنسا هو استكمال لمسلسل الضغط على كل الأطراف اللي لها توجه مؤيد لمصر أولا ، ومناهض لمخطط تدمير الشرق الأوسط ثانيا .. على نفس مبدأ "من ليس معي فهو ضدي" ..و لازم يدفع الثمن !! .. ونزود حاجة كمان في النص وهى الملف السوري .. وبرضوا من على الوش .. انت صاحبى وحبيبى وكفائة وأنأ متعاطف معاك وكدزة
.
لو بصينا على حادثة الطائرة الروسية فى سيناء هانلاقي انه كان فيه حالة شديدة من الاستعداء الغربي ، وخصوصا من انجلترا ضد مصر ، واستباق لكل نتائج التحقيقات وتفريغ الصندوق الأسود ، وكمان التأكيد على ان اللي حصل هو عمل ارهابي على اعتبار إن جهاز الــ MI6 عارف القرد مربي ابنه فين .. برغم إن التحقيقات الأمنية لصاحبة المشكلة نفسها وهى ‫#‏روسيا‬ لسه ماقالتش حاجة ، وممكن ماتقولش حاجة خالص ، لأن اللي حصل - مع وضع فرضية العمل الارهابي - مش ممكن يكون عبارة عن واحد اخذ قرشين وقالوله خد حط اللفة دي في الطيارة يا كوكو .. لأ طبعا .. وأي حد هايتخيل الموضوع كده يبقى بيهين ذكائه قبل ذكاء الآخرين .. لأن الموضوع ده - لو صحت فرضية العمل الارهابي - هايكون مخطط مخابراتي صرف بأدوات مخابراتية .. ووارد بشكل كبير أنه مايكونش اتعمل أصلا في شرم الشيخ !!
.
و اذا كان رد الفعل الروسي بعد الحادث بيقول أنه "خلف الأكَمّة ما خلفها " .. حتة فصحى أهي ‏‎smile‎‏ رمز تعبيري فـ رد الفعل الروسي النهاردة بعد اللي حصل فى فرنسا إمبارح بتعليق تبادل رحلات الطيران بين باريس وموسكو .. بيقول ان الصراع المخابراتي وصل للذروة ، والمواجهة أصبحت مباشرة وعلى عينك يا تاجر .. ولما نربط كل ده بكلام الرئيس السيسي وهو واقف زي الأسد في شرم الشيخ وبيقول "ان مصر مش هاتركع ، وايه يعنى لو نجوع بس برضوا هانبني مصر" .. تعرف ان المخطط كبير أوي وأصعب من انه يستوعبه العوام .. وخصوصا المغيبين بتوع الإينكيلاب ، ودولة الزولم والكمع ويسكت حكم الحثكر !!
.
وعلشان الصورة تكمل فلازم نجيب رجل سوريا في الموضوع ونطلع نقول ان منفذي تفجيرات فرنسا فيهم سوريين .. لأ وبالصدفة البحتة وشوف حكمة ربنا يا مؤمن .. لما نلاقي جواز سفر سوري ملقى بجوار جثة واحد من اللي قاموا بالعملية .. علشان فرنسا تتحمق وتقوم داخله تهبد سوريا .. وبوتين والجيش السوري مايفتحوش بقهم لأن فرنسا كده بتدافع عن نفسها والغرب كله هايأيدها طبعا !!
.
لكن قيام موسكو النهاردة بـ ‫#‏تعليق‬ رحلات الطيران بين فرنسا وروسيا .. و إمبارح نفس الشئ بالنسبة لمصر ، بيقول انه فيه مخطط كبير تم رصده وإن اللي بيحصل ده مجرد بدايات .... وفي نفس الوقت رسالة لكل الغرب انه "اوعوا تفتكروا انكم نجحتم انكم تدقوا اسفين بين مصر و روسيا " .. لأ .. ابثلوتلي .. انا اهو زي ما عملت مع مصر عملت مع فرنسا كمان .. وأدينا بنلعب والملعب مفتوح !! ‏‎smile‎‏ رمز تعبيري
.
اللعبة هدفها تفكيك التحالفات بأسلوب فرّق تسد .. ندق إسفين بين مصر وروسيا ونبوظ العلاقات .. ومصر تغرق في مشاكل اقتصادية وبوتين يتحرج أمام شعبه اللي بيدفع الثمن بسبب تأييد روسيا لمصر .. وفرنسا تتلهي في مشاكلها وتغرق في مكافحة الارهاب، في الوقت اللي فيه فرنسا أصلا بتعاني من مشاكل اقتصادية .. ورسالة تقول لفرنسا عندنا من ده كتير لو ما بطلتيش تدعمي مصر .. وما بطلتيش تتعاطفي مع روسيا اللى فرمت الارهابيين في سوريا، فهربوا وراحوا ينتقموا من التعاطف الفرنسي الروسي .. ده باعتبار ان دي الصورة اللي بيتم رسمها يعني
.
ولسه المفاجأت جاية كتيييييير
.
المخطط واضح لكل واحد عايز يشغل عقله .. لكن أنا بس عايز أختم الكلام بسؤال لكل الحثالة البشرية اللى بيقولوا على نفسهم نشطاء ، ومعاهم شوية العيال مرضى التثور اللاإرادي اللي بيثوروا على روحهم .. ومن خلفهم اعلاميو العار في الاعلام المصري الخاص ، بتاع رجال الأعمال وأصحاب المصالح .. ياترى ما رأيكم دام نهيقكم !!؟؟ ..
- ياترى ليه ماحدش طلع في فرنسا يطالب بإقالة اللواء مجدى عبد الغفار الفرنساوي!! ؟؟
- ياترى ليه ماحدش طلع اتكلم وقال ان فرنسا دولة فاشلة ومخترقة ، ولازم نجيب عم إدموند بتاع العصير يعمل إعادة صياغة وهيكلة لمؤسسات الدولة !!؟؟
- ياترى ليه ماسمعناش حد بينتقد قرار الحكومة الفرنسية بإغلاق الحدود وفرض قانون الطوارئ ، زي ما طلع شوية الصيع اللي عندنا ينتقدوا قرار مصر بغلق الحدود مع غزة!! ؟؟
- ياترى فيه حد فتح بقه أو اعترض على قرار الحكومة الفرنسية بتعليق حق التظاهر لأجل غير مسمى ، وشرب بيريل وحمّر عينه وقال "يسكت الزوووولم" !!؟؟
علشان بس تعرفوا انكم شوية بهايم و بغبغانات مغيبين ماشيين بالزمبلك ، و بترددوا شعارات انتم مش فاهمين أصلا معناها ، ولا عارفين امتى يتم استخدامها وفـ ايه ، وامتى لأ .. لأنكم بغبائكم بتسمحوا لأعداء بلدنا انهم يستغلوكم علشان تدمروا بلادكم بإيديكم !! .. وأهي ليبيا وسوريا واليمن أمثلة تشهد عليكم .. يمكن تتعظوا ... وحتى لو لم تتعظوا ، فخلاص ماعادش حد هايسمح لكم بكده، لأن الشعب المصري صاحي وواعي وفاهم المؤامرة كويس وأنقذ بلده منكم ومن أمثالكم
.
وبإذن الله مصر هاتبقى قد الدنيا طول ما المصريين متماسكين وكلهم مع جيشهم إيد واحدة
.
.
‫#‏تحيا_مصر‬
‫#‏لن_ينطفىء_نور_مصر‬
‫#‏تحيا_مصر_ماحدش_تانى‬
‫#‏الشعب_يدعم_الرئيس‬
‫#‏مصر_أم_الدنيا_وهتبقى_قد_الدنيا‬
‫#‏مصر_قلب_النظام_العالمى_الجديد‬
‫#‏كلام_في_الصميم‬
نقلا عن صفحة ‫#‏كلام_فى_الصميم‬

كامل عشري
3 ساعة · تم تعديله ·

لن تجدوا الإجابة عن السؤال والسبب الحقيقي من وراء إسقاط الطائرة الروسية.. الذي أصبح معلوم عند جهات التحقيق كيفية التنفيذ ومن قام بالتنفيذ بل أن الأطراف المستفيدة تبرأت من العملية وأعطت كافة التفاصيل عن العملية للدولة الروسية.. ولكن هذه المعرفة أدت لقرار روسيا .. فالسؤال المعقد من يقف وراء من نفذ .. وطرح الحقيقة على الناس .. ستفتح الشك على مصراعيه .. في الداخل والخارج .. فتراشقوا .. فما أبدعكم في السباب والشتائم فلو علمتم الحقيقة لحزنتم على تراشققكم وترصدكم لبعضكم البعض فإنتم متحمسون لإعتقادات وهمية.. ولن يتم إعلان الحقيقة فكل الأطراف ستصمت . وسيكتفوا بالإجراءات الإحترازية .. وأنا ممن سيكتفون بنصيحتكم .. بأن من لم يعلن الحقيقة بل لا يجرأ على إعلانها .. هو المسئول عن إجتهادات الآخرين في إعلان ما يظنون أنهم أطراف بالعملية فمنهم من سوف يتهم أجهزة من الدولة ومنهم من سوف يقول عملية داعشية ومنهم من سوف يقول أطراف خارجية .. ولكن بالطبع أسوأ الإحتمالات وأفظعها أن يكون جميع العناصر الثلاث مجتمعة بل الأسوأ أن يكونوا جميعاً تلاعبوا لأغراضهم الخاصة فنكون ملعباً لكل الألعاب الأكروباتية .. فلتلوموا من لا يجرأ أن يواجه الداخل والخارج من أطراف بالعملية وحتى ليس قادراً على إعلان الطرف المنفذ في العملية .. وعلى المستوى الشخصي قد لا ألومه فالحقيقة مأساوية ..
فلو عرفتم يوماً قاتل السادات الحقيقي .. ربما حينها تعرفوا إجابات كثيرة منها من قتل المصريين في 25 يناير .. وغيرها من الأسئلة التي أصبحت في ذاكرة المصريين كذاكرة السمكة
فعشقنا للأكاذيب .. تعدى كل الحدود .. فلن نلوم على الحاكم .. ولكن نلوم من يريدون دائماً أن تطرب آذانهم بألحان الوهم وطبول الرقص على أكاذيب الرقصات السياسية
ففرنسا أعلنتها مباشرةً .. أن العملية في فرنسا تمت بتخطيط خارجي وتواطؤ من الداخل .. وهذا أول تصريح وما هو قادم فهو أعظم .. فهل لدينا من يملك نفس الشجاعة أن يقولها