نساند الشرطة وندعمها بكل قوة نساندها فى محاربة الإرهاب وندعمها فى مواجهة كل اشكال الجريمة ...ولكن؟؟؟؟

نساند الشرطة وندعمها بكل قوة نساندها فى محاربة الإرهاب وندعمها فى مواجهة كل اشكال الجريمة
..ولكن؟؟؟؟
نساندها بأن نكون خلفها مناصرين مؤيدين داعمين ولكن كلما ظهرت حادثة فجة طرفها ضابط شرطة نبرر لهم ونأكل لهم الزلط ونقول حادث فردى ولايجب التعميم نكتفى فقط بالمطالبة بالتحقيق والشفافية إنما أن تكون مثل هذه الحوادث شبه يومية ومتكررة هنا وهناك على كل صعيد ومن كل فج عميق فإننا نطالب بوقفة مع النفس نطالب بتحقيق فورى يكشف لنا سر هذا العداء وتلك النرجسية المفرطة لدى افراد الشرطة من تعدى على مواطنين إلى تعذيب أخرين حتى الموت فى أقسام الشرطة بل فى الشوارع بل وصل الأمر لأن يتم تأجير ضابط شرطة ليهجم على صيدلية فى الأسماعلية ويقتحمها ويدس ممنوعات ويلفق محضر للصيدلية ويقوم بضرب طبيب داخلها حتى فارق الحياة أمام أعين زوجته الصيدلانية وذلك مجاملة لصاحب المنزل المأجر الذى يريد طرد الصيدلى كى يقوم ببناء برج سكنى أى معايير هذه التى تسمح لضابط بأن يقتحم صيدلية دون مرافقة احد من التفتيش الفنى على الصيدليات بحكم القانون من علمه ذلك من أوزع فى نفسه مثل تلك التصرفات الهمجية قتل لاحول ولاقوة إلا بالله ومن قبلها حادثة مقتل مواطن داخل قسم شرطة بمدينة الأقصر مع تصريح السيد اللواء مدير الأمن بأن القتيل مسجل خطر مادخل هذا فى مقتل إنسان ثم عندما اقرأ الأن هذا البوست لصديقنا الأستاذ عمر حشيش المقيم بفرنسا :
Omar Hashish
11 ساعة ·
مصر_بتنضف
مصر لازم تنضف
ده المستشار أحمد حامد، رئيس نيابة اكتوبر
كان بيحقق في قصة متلفقة ميري وملكي، وما تخرش المية
سواق اتمسك معاه هروين، واللي مسكه رائد شرطة في الطريق وهو بالمناسبة شغال في ادارة الطرق والمنافذ بالجيزة
السواق شكله كان باين انه ما يعرفش الفرق بين الهيروين وبودرة العفريت، فما كان من رئيس النيابة الا انه مسك الخيط من أوله وفضل يضيق الخناق علي الشهود ثم ضابط الشرطة وازاي كان ماشي في الطريق وأخد باله ان السواق اللي في العربية اللي جنبه مخبي تذاكر هيروين
ومن هنا لها الليلة بانت
السواق بيشتغل علي عربية تبع مدرسة، بيجيب الأولاد من بيوتهم للمدرسة ويرجعهم تاني، وهو في طريقه، الباشا رائد الشرطة صعب عليه انه يقفل عليه الطريق، فدخل عليه ووقفه وهات رخصك وطراخ طراخ انت ما تعرفش انا مين .. انا هوديك في داهية ..وهلبسك قضية مخدرات وسحبه علي قسم اول اكتوبر .. وفي القسم المحضر اتعمل وصاية ما فيهوش غلطة علشان النيابة تحوله للمحكمة علي طول
لكن ارادة ربنا ان الموضوع يروح عند الراجل المحترم ده .. اللي ما اهتمش بالمحضر ولا اهتم بان اللي قصاده رائد شرطة يعرف بهوات وبشوات .. هو نفذ اللي بيمليه عليه ضميره
مش بس كده هو وجه للضابط حبة تهم محترمين من بينها التزوير في محضر رسمي والاعتداء علي مواطن واستغلال النفوذ وحبسه 4 ايام علي ذمة التحقيق
رئيس النيابة - اللي أنا ما اعرفوش شخصيا بالمناسبة - نموذج لناس كتيرة محترمة، ممكن لا قدر الله كان يجراله حاجة في الانتخابات وتلاقي خروف يطلع يشتمه ويقول "احسن عقبال بقية القضاة"
كل التقدير والتحية لأي شخص محترم بيشتغل بجد في البلد وبيراعي ضميره وما يخافش، وكل العار لأي شخص يستغل منصبه ويفتري علي الناس .
محمد المعتصم
صورة Omar Hashish.
كده كتير ياسيادة وزير الداخلية نرجو التدخل بأى طريقة لحفظ وجه الحقيقة والعدل والمساواة وفحترام كرامة البشر وشكراً لكم وسنبقى معكم على العهد مساندين مؤيدين داعمين

#‏اسماعيلية_اونلاين‬ :
المغفور له إن شاء الله الطبيب عفيفي حسن
له ابنتان: واحدة في الأعدادي والاخرى بالابتدائي
الموضوع بدء لما صاحب العقار كان عايز يطلع الدكتور عفيفى من الصيدلية و ابن صاحب العقار صديق للظابط محمد ابراهيم الذى جاء لخدمة صديقه
الدكتور عفيفى قال له حضرتك جاى ليه؟ الظابط قال أفتش الصيدليه
الدكتور رد حضرتك معاك اذن نيابه؟ رد الظابط لا فحصلت مشادة كلامية فقام الظابط بسبه بألفاظ خارجه أمام الجميع و شتم الدكتور عفيفى رحمه الله
الدكتور كان عامل من وقت قريب عملية اسطرة ومن سوء الموقف اصيب بحالة تشنج فى عضلة القلب ووقع على الارض ثم قام الظابط بنقل الدكتور الى قسم اول و رفض نقله الى المستشفى و تركوا الدكتور فاقد الوعى فى القسم لمدة ساعة و فى هذه الساعة كان توفى اكلينيكيا حتى نقله الى المستشفى و وضعه فى العناية المركزة و حاولوا انعاشه بجلسات كهرباء و لكنه توفى
وبالنسبة لقضية المخدرات التي يتحدث عنها الضابط فالقضية كانت عبارة عن شريط ترامدول 50 ملى موجود فى مكتبه داخل الصيدلية للاستعمال الشخصى لانه كان عامل عملية قلب و يستخدمه كعلاج
ووقفة لصييادلة الاسماعيلية غدا إن شاء الله