أصل الكلام - 2 --------------- أصل جملة ( احنا دافنينه سوا )

Zizo Bond
‏12‏ دقيقة ·

أصل الكلام - 2
---------------
أصل جملة ( احنا دافنينه سوا )
--------------------------
الحكاية بتبدأ باتنين اخوات كان عندهم حمار مخلص جدا .. كانوا بيستخدموه في نقل البضايع من بلد للتانية .
اعتبروه صاحبهم ياكل معاهم ويشرب معاهم ؛ ويشاركهم كل الاعمال اليومية؛ وسموه ( ابو الصبر).
لغاية مايوم كانوا مسافرين فجأه الحمار ابو الصبر تعب ومات ؛ حزن الاخوين عليه جدا ودفنوه وقعدوا جنب قبره يبكوا بحرقة ؛ وكأنه واحد من بقية أهلهم.
الناس شافتهم بيعيطوا فسألوهم انتوا بتعيطوا علي مين كده ؟ فالأخين طبعا اتكسفوا يقولوا انهم بيعيطوا علي حمار ؛ فقالوا : احنا بنبكي ( ابو الصبر ) ؛ فسألوهم : ويطلع مين ابو الصبر ده ؟ فردوا بعد تفكير : داااا ....دااا...ده شيخ مبروووك جدااا؛ كان بيقضي حوائج الناس؛ ويفك الاعمال وكان بيشفي الناس من الامراض كمان.
فالناس تعاطفت معاهم وقعدوا يبكوا جنبهم علي الشيخ الصالح ابو الصبر .
يوم بعد يوم اصبح قبر ( ابو الصبر) مزار لاهل القريه والقري المجاورة ؛ باعتباره مقام لشيخ جليل .
وبدأوا يتبرعوا بفلوس واكل وشرب للأخين اللي عجبتهم اللعبة وعملوا صندوق للنذور ....كان بيجيبلهم يوميا فلوس متلتلة بعد ماذاع صيت الشيخ المبروك (ابو الصبر)في كل الانحاء.
لغاية ماجه يوم الاتنين اختلفوا في قسمه الفلوس واتخانقوا ؛ فواحد منهم قال لاخوه: انت هتحترم نفسك ولا اطلب من روح الشيخ ابو الصبر تنتقم منك ؟
فضحك اخوه وقاله : روح مين..وشيخ مين ياعم ؟ انت نسيت...ده ( احنا دافنينه سوا).
‫#‏مادااد_يابو_الصبر_مادااد‬