أصل الكلام - 1 -------------- أصل عبارة Ladies First..."النساء أولا":-

أصل الكلام - 1
--------------
أصل عبارة Ladies First..."النساء أولا":-
العبارة اللي الناس اتعودوا انها نوع من انواع الاتيكيت ؛ بتقديم الستات ف الاول ...يعني لما تروح مطعم وتعمل فيها الواد الشنتل وتسحب الكرسي وتقعدها باعتبارك عارف اصول الاتيكيت ؛ او تفتحلها باب العربية في حركة سينمائية مفقوسة وتخليها تركب الاول ....العبارة دي او الموقف ده هتندهش وهتتفاجئ لما تعرف أصله ؛ واحتمال ماتعملش كده تاني نوهائي.
أصل الحكاية في القرن التامن عشر..تحديدا في ايطاليا...لما ولد وسيم وغني حب بنت بس كانت فقيرة جدا ؛ فلما اهله اعترضوا علي الجواز منها رغم كل محاولاته اقناعهم ؛ اتفق هو وحبيبته علي الانتحار..وفعلا طلعوا علي صخرة عالية جدا....فالولد أصر انه ينط الأول ؛ وفعلا قفز قفزة جامدة راسه اتكسرت بسببها مليون حتة .
البنت شافت المشهد ده ؛ وقالت هاااار اسود ...لا ...الاكشن ؟؟ ماليييش فيه....واقلعت عن فكرة الانتحار خالص وخدت ديلها ف سنانها ويافكيييك.
مش بس كده....دي بعد كده اتجوزت واحد تاني وعاشوا ف تبات ونبات.
اهل القرية لما عرفوا القصة ؛ قرروا ان اي حاجة هيعملوها لازم تبدئها الستات ؛ باعتبار ان ملهمش امان...ومن ساعتها طلعت جملة Ladies first الشهيرة.
‫#‏بتخونيني_ياتفيدة‬
‫#‏جري_الليديز_نص_المجدعه_آشاك‬
‫#‏ماتسحبلهاش_كرسي_المطعم_تاني‬