ناصر زهران
18 ساعة ·
البوست ده كاتبه شاب لم يبلغ العشرين من عمره ينتمي ل UWK اللي همّ التراس زملكاوي .. معارض حاد للسيسى و حكم العسكر .. جرب العمل .. وذاق تحمل المسئولية .. فكان هذا المقال .. الذى أعاد لى الأمل فى الجيل الجديد
:Omar Ronaldo
اولا .. انا مش مع حد .. بس في الحق بتكلم"
يللي بتتريق علي الفكه (اللى بتجمع في البنوك اخر السنه حوالي ٧ مليون) .. هتعمل ايه بالقروش والفكة ؟ .. ولا حاجة .. بس هو هيعمل
و متقولش بنشحت .. اسمها بنساعد نفسنا .. بنبني نفسنا بإيدنا
حبيبي يللي بتقول مفيش شغل .. حركها وهزها شوية
عشان السوريين .. جايين هربانين .. ودلوقت فاشخين الدنيا مشروعات .. وانت عشان اهبل .. بتروح تشتغل عندهم في (بلدك)!
عاوز فلوس؟ اشتغل هتجيب فلوس .. تشتغل ايه؟ حاول تقلد اللي الغريب عمله علي ارضك
الدولار ؟ .. وانت مال اهلك بيه؟ هو انت كنت رجل اعمال عشان يفرق معاك .. انت اصلا متعرفش شكل الدولار إيه .. بس بتطبل وخلاص
هتجوز منين ؟ .. والله لو اخدت عروسة نفس مستواك هتتجوز وهتعرف تعيش .. متروحش للاعلي منك ومش مستواك .. وتقول أبوها عايز وعايز .. ولا تحديد طلبات الأب دى كمان مسئولية الدوله ؟
الوظايف الحكومية؟ ..مين اللي بتمشي من الشغل بدرى عشان تعمل بطاطس لجوزها؟ ..مين الي بياخد الرشوة عشان يمشى الشغل؟..مين الي بيكسر المرور؟ ..مين الي بيرمي الزباله؟ ..مين الي بيرمي كل حاجة في النيل وييجي بروح امه يقول المياه وسخه؟ .. الدوله؟ .. أحا
هتقولي ده داين مصر ؟ قولي يا روح أمك .. هو في دوله من بره جت خبطت علي شقتك وقالتلك هات الفلوس الي علي دولتك؟ .. لا ... طالما بيسدد يبقي متتكلمش في حاجة وتتحزأ قوي كده
التعليم؟ .. انت الي بتتسرب .. انت الي بتحشش في المدارس .. انت الي بتستنى البنات بره المدرسة .. انت الي مش بتذاكر .. انت الي مش بتصلي ... سورى انت الي مش (متربي) .. بتعمل كل ده ومظلوم ؟ .. انت اللي ظالم نفسك
فيه فساد في الدوله؟ انت حمار ؟ .. اه في فساد .. بس فسادك انت اكتر .. حبيبي بره بيقولوا علي مين جاهل وهمجي ؟ .. الرئيس ولا انت ؟ ..مين الي بيستحمي في النافورة؟ .. مين الي لما بيسافر بيعرنا؟ .. الرئيس ولا انت؟ شفت يا أهبل؟
العيب فينا .. عشان الرئيس واحد .. بس أحنا ملايين .. اللى تحت أيده قد إيه؟ ٢٠ مليون؟ .. أحنا ٩٠ مليون.
بترمى ودنك للجاهل اللى مش وياك ..وتطبل وراه وتقول فيه ظلم؟ .. مش إنت متعلم ؟ .. إعمل مصلحة لنفسك من اللى إتعلمته يا جاهل
اشتغل .. إعلي .. أنضف .. صلح .. ساعد .. إبني
وانت بتكلم عن بلدك .. كبرها مش تتريق عليها !
نصيحة منى .. ماتبصش للدولة من بره .. بص لها من جوه
لو عملت كده هتعيش .. اعتبر الرئيس ده بيحميك بس .. واشتغل انت ... لان لو اخدت بالك احنا الي
"بنحكم مش هو
Yahia Alex