خبر نشرته وكالة رويترز : المصريين عملوا عقود لاستيراد غاز تكفيهم لـ2017 و 2018

خبر نشرته وكالة رويترز من كام يوم خبر نشرته رويترز بشكل غامض !!!

الخبر بيقول إن المصريين عملوا عقود لاستيراد غاز تكفيهم لـ2017 و 2018

فريق النشرة لاحظوا حاجة غريبة !!!

لاحظوا إن مصر طلبت 96 شحنة غاز لسد احتياجاتها في عامي 2017 و 2018 مع بعض ، لكن في عام 2018 مصر طلبت 6 شحنات فقط ، مع إمكانية زيادتهم بـ 12 شحنة أخرى !!!

يعني ما بين عامي 2017 و 2018 مصر خفضت احتياجها من الغاز من 90 شحنة لـ 6 شحنات فقط في خلال عام واحد !!

التفسير : الخبر ده بيؤكد انه شركة ايني الإيطالية جادة فى وعودها السابقة لمصر بأنها هتبدأ الانتاج من حقول الغاز المصرية المكتشفة حديثا فى الربع الرابع من عام 2017 مع تحقيق اكتفاء ذاتي من الغاز وبشكل كامل فى 2020/21 زي ما دراساتهم توقعت ، وبالتالي مصر قررت تنخفض بحجم استيرادها بنسبة تقارب الـ 90% !!!

** ليه ده كلام مهم ؟

لأن لسه فيه ناس بتشكك وناس قلقانة وناس معتقدين انه فنكوش وشوية كلام فارغ كتير

احنا هنا بنجيب كلام من علي لسان مصادر دولية كبيرة مش من الحكومة المصرية ولا من اعلام مصري حكومي أو خاص

.

هل فعلا اخر 2017 هيبدأ الانتاج ؟؟؟ هل التواريخ دى موثوقة ؟؟؟

نيك بتلر رائد صناعة الطاقة حول العالم كتب مقالة فى الفايننشال تايمز يوم 8 اغسطس اللى فات بعنوان (هل تملك مصر اجابة سؤال الشرق القديم ؟) وقال فيه بالنص :

"الأولوية للحكومة المصرية هو سد الاحتياجات المحلية أولا قبل التصدير ... الحقل سيبدأ فى الانتاجية أواخر 2017

وقال كمان إن هذه الاكتشافات ستشكل قوة دافعة كبيرة للاقتصاد المصري الذي عاني كثيرا من غياب السياح الفترة الاخيرة واثار الربيع العربي

باقي المقال هتلاقوه فى المصادر للي يحب يتعمق ويستزيد

.

ايني كذلك كررت أكتر من مرة فى أكتر من مناسبة وعلي لسان مسئولين كبار منهم الرئيس التنفيذي للشركة انهم واثقين فى حساباتهم وأرقامهم ، وانه بنهاية عام 2017 هيبدأوا الانتاج ومصر هتكتفي ذاتيا من الغاز فى 2020/21

.

دة معناه ايه ؟

احنا بنستورد طاقة كل سنة بحوالي 16 مليار دولار لتغطية احتياجاتنا السنوية من كل أنواع النفط والغاز

لو فيه انتاج محلي هيخلينا مش محتاجين نستورد الكميات دى كلها ... ده ايه نتايجه ؟؟

1 - الـ 16 مليار دولار هيروحوا مباشرة لقطاعات أخرى زي الخدمات والمرافق أو الصحة والتعليم تحت بند المصروفات العامة

.

2 - لو قررنا نوفرهم ومنصرفش المبالغ دي ... ده هيحسن ميزاننا التجاري جدا .. انت هنا بتتكلم عن انخفاض فى استيرادك قدره 16 مليار دولار ( انت اصلا كل استيرادك قيمته حوالي 60 مليار دولار يعني بنتكلم فى نسبة الربع تقريبا استيراد طاقة )

.

3 - عجز الميزان التجاري حوالي 40 مليار دولار

بعد الانتاج المحلي من الغاز هينخفض العجز لقيمة 26 مليار دولار يعني نسبة تقترب من الـ 40% !!

.

4 - الـ 16 مليار دولار ممكن يتم صرفهم بطريقة غير مباشرة تحت بند الاستثمارات العامة وبالتالي عجز الموازنة هيستمر معانا فترة مؤقتة ثم ينخفض نتيجة عوائد الاستثمار وبالتالي تحسن مراكزنا المالية

مثلا القطاعات الخدمية زي التعليم والصحة ... عن طريق اننا هنعيد استغلال العملة الصعبة استغلال أمثل بدل تضييعها علي استيراد سلع استهلاكية

ممكن نعمل بيها مشاريع استثمارية داخل أو خارج مصر ومن عوائدها نطور المدارس والمستشفيات أو نبني طرق أكتر أو نمنح جزء منه فى شكل قروض ميسرة لشباب يعملوا بيها مشروعات صغيرة ومتناهية الصغر

أو علي الاقل الحكومة تحطها فى البنك المركزي أو البنوك العامة كوديعة حكومية وتستفيد من الفايدة بتاعتها داخل او خارج مصر .. دي أسهل وأقل فايدة ممكن نعملها

من الفايدة دي ممكن نمول المشروعات ، كمان ازدياد حجم الودائع الحكومية بيدعم تصنيفنا الائتماني وجودة الأصول الحكومية وسيولتها

.

5 - انخفاض عجز الموازنة ، لأن مصاريفنا هتقل بمقدار 16 مليار دولار سنويا

عجز الموازنة كنا بنموله بالاستدانة من البنوك

.

6 - اذن الدين العام هينخفض بنفس قيمة انخفاض عجز الموانة بنفس قيمة توفير الاستيراد بنفس قيمة الانتاج المحلي المرتقب من الغاز اللى بيقدر بـ 1.250 مليار دولار شهريا ، يعني حوالي 16 مليار دولار سنويا

.

على افتراض إن رقم الاستيراد نزل عن 16 بسبب انخفاض سعر برميل النفط

وعلى افتراض انه فيه تكاليف تشغيل وتنقيب

وعلى افتراض انه فيه حصة شركاء

كل ده انا خدته بالاعتبار

لكن كل ده بيواجهه عالناحية التانية : التعويم

اللى قفز بحجم الاستيراد لأكتر من الضعف

فلو هنفترض اننا بنستورد بـ 11 او 12 مليار دولار

الرقم ده النهاردة بـ 24 و28 و30 مليار دولار

وبالتالي انا عملت حساباتي بالمتوسط وهو 16 مليار دولار

عشان نبقا بنتكلم فى الحد المتوسط المؤكد من وراء الانتاج المحلي من الغاز لما نوصل للاكتفاء الذاتي ... ومنفرطش فى التفاؤل أو التشاؤم

.

7 - ده له تأثير ايجابي علي تضخم أسعار السلع والخدمات لأن فيه علاقة طردية بين العجز والدين من ناحية وأسعار السلع والخدمات من ناحية ، لما العجز والدين بيوصلوا لمرحلة سيئة بتكون الحكومة غير قادرة علي السيطرة علي السوق ولا الاسعار

.

8 - طبعا بدون أدني شك فيه تأثيرات اقليمية جيوسياسية منها مثلا ان علاقتنا بالخليج هتتغير، كذلك تركيا واسرائيل وقبرص واليونان واسرائيل .. بعضها هيتغير للأحسن والآخر للاسوأ

.

احنا هنا بنتكلم عن اكتفاء من الطاقة يعني دعم وتقوية سيادتنا الوطنية ، قوتنا الناعمة وأدوات ردع جديدة هتنعكس علي قدراتنا السياسية وحماية مصالحنا فى الاقليم

#تحيا_مصر

#مصر_بتتعمر

#على_الطريق_نحو_الهدف_المنشود

.

-------------------------------------

المصادر :

Enterprise :

https://goo.gl/bHgVmK

Reuters :

https://goo.gl/KZzn4w

Nick butler / Financial Times :

https://goo.gl/npRu8g