Mohammed Haffz
23 ديسمبر، الساعة 06:46 م ·
ملخص حكاية سوريا
===========
عندما تلتقي مصالح الديابة و التعالب و فيران الغيط مع العبيط أبو ريالة ضد دولة تاريخيه عريقة .
.
1 - الديابة هما بريطانيا و أمريكا و الكيان الصهيوني ، والمصلحة هنا هي تدمير دولة عربية تاريخية قوية حدودية مع الكيان الصهيوني و تدمير جيشها و بيع كميات كبيرة من الأسلحة بكل أنواعها ( رقم 4 بيدفع ) ، وإزاحة عقبة كبيرة في طريق خط الغاز القطري اللي كان بيهدف لتركيع الدب الروسي ..
بالمناسبة سوريا عشان ترجع لنقطة 2010 اقتصاديا و اجتماعيا و عسكريا محتاجة مش أقل من 50 سنه ، بس هترجع بإذن الله .. الدول الحضارية التاريخية العريقة مابتموتشي .
.
2- التعلب هو تركيا ، والمصلحة هي القضاء على منافس حقيقي في مجال التصدير ( خصوصا الملابس ) ، و تدمير المصانع السورية و تفكيكها وارسالها لأسطنبول، و بالمرة نسرق بترول سوريا بمعرفة أولادنا الدواعش الأمامير الكيوت اللي هما المعارضة المعتدلة الي بيقطعوا رؤوس معارضيهم .
.
3- فيران الغيط هي قطر، بعد مارفضت سوريا توصيل خط الغاز القطري لأوروبا عبر أراضيها
.
4- أومال مين العبيط أبو ريالة ؟ ده سيادتك اللي دفع مئات المليارات ( فاتورة الحرب كاملة ) عشان بس اكتشف فجأة ان بشار الأسد علوي ( هو و آبوه ) ، مع انهم بيحكموا سوريا من 40 سنة .. طب ليه قلت عليه عبيط ؟ عشان هو الوحيد اللي المفروض مكانشي مستفيد حاجة من خراب سوريا ، بالعكس ، خراب سوريا هيعود عليه هو شخصيا بالخراب ولو بعد حين ..وليه قلت عليه أبو ريالة ؟ عشان حتة عيل شاذ سحبه وراه ، و خلاه يدفع مئات المليارت في خراب سوريا و اليمن ، و بعد كده عشان يحمي نفسه من أي رد فعل مستقبلي جاب المندوب السامي البريطاني شخصيا لحد عنده بقواعده العسكرية ..هه ؟ يبقى عبيط واللا أينشتاين ؟! .
.
حبايبنا بتوع الثورة السورية، و الحرب السنية الشيعية ، و بشار السفاح ، و حلب تحترق ... تعالوا لما أقول لكو على كشف الحساب الختامي:
.
- في 2017 هيتم بإذن الله تحرير كافة الأراضي السورية من الدواعش و المرتزقة بتوع الـ 37 دولة و هتخرج أجهزة المخابرات منها ، لأن الملف ده خلاص كده لازم يتقفل
.
- في 2017 هيفضل بشار الأسد رئيس سوريا ، و هيفضل علوي على فكرة .
.
- في 2017 هتكتشف معاليك انك مالمستش شعرة من شعر ايران ( اللي هي البعبع الوهمي ) و إن مفيش لمبة كهربا اتحرقت في طهران ( ولا في تل أبيب ) ، إنما فيه دول عربية اتحرقت و خربت على حس البعبع الوهمي .
.
- في 2017 هيبدأ طويل العمر ( اللي هو مش أينشتاين ) يدخل بكل ثقة عالحفره اللي اتحفرت له و يروح لها ( و هو بيرقص ) و جايز يكتشف ان البودي جارد اللي جابه عشان يحميه هو عباره عن قنبله موقوتة مش أكتر .
.
يا أمةً ضحكت من جهلها الديابة و التعالب و فيران الغيط .
.
------------------------------
By: Mohamed Hussein
موضوع: ملخص حكاية سوريا 
السبت ديسمبر 24, 2016 3:35 pm
