Mohamed Khalifa
..................................
ولد فضل يحب بنت 6 سنين دايما كان بيخاف ويتردد انه يقولها وكل تفكيره انها هترفض ..
ويوم ما قرر يستجمع شجعته ويروح عشان يتقدملها عرف انه اتجوزت وسافرت مع جوزها .. اتجنن عشان يوصلها وبعتلها رسالة قالها فيها "أد اية كان بيحبها واد اية كان نفسه يسعدها "
وكان ردها اللى هو متوقعهوش انها كمان بتحبه وكانت مستنياه طول الوقت دا بس خلاص الوقت فات وهى بقت ست متجوزة بسبب الكلمتين دول جاله اكتئاب وكان هيموت من الندم إنه اتأخر
قال يارتنى كنت روحتلها من زمان
بنت قالت إنها فضلت متخاصمة مع صحبتها 4 سنين وجه اليوم اللي قررت فيه تروح تصلحها .. فضلت ترتب ف كل الكلام وكل العتاب وف آذان الفجر سمعت اسم صحبتها بيتنادى عليه ف المسجد ..
من الصدمة كانت هتتشل فضلت تعيط وتقول يارتنى صلحتها من تاني يوم اتخانقنا فيه ..
واحد اتخانق مع أمه وسابلها البيت ومشي 4 شهور لا يعرف عنها حاجة ولا هى تعرف عنه حاجة .. ويوم ما قرر يحن عليها ويرجعلها
أهل المنطقة قالوله إنها ماتت من حسرتها وقلقها عليك .. جرى زى المجنون علي قبرها وقف قدامه يعيط بالساعات ويقولها "ارجعي دقيقة واحدة اصالحك واحضنك فيها أنا نفسي أشوفك"
الفكرة ..
إننا بنضيع سنين وناس بنحبهم عشان بنخاف من رد الفعل او كبريئنا بيمنعنا او عشان 100 سبب ملهمش لازمة ..
انطقوا واتحركو واتكلموا وقولو اللى جواكو قبل ما الوقت يعدى
عاتبوا انسوا سامحو اصفوا
الزعل والله بيروح بكلمة حلوة .. بضحكة صافية .. بلمسة أيد .. أو بحضن ..
......مش مشگلة مين غلطان ......
بس للآسف الشديد محدش مننا بيعمل ككده