عزيزي شمام الكوله الصغير الكتكوت : أنتبه لما يدور حولك.

Mohammed Hafez

.........

المناضلة الكبيرة والناشطه اللامؤاخذه السياسية إسراء عبد الفتاح بعد ما كانت بتتشعبط في الميكروباصات و العربيات الكارو ، راحت السنة اللي فاتت تصيف في هاسيندا اللي الليلة فيها ماعرفش بكام ألف ، والسنادي عقبال أملتنا في مصيف تاني الليلة فيه بكام ألف برضه .

.

عزيزي شمام الكوله الصغير الكتكوت :

دي واحده من أيقوناتك و ألهتك العوالي ، مين اللي قالك يابني ان الثورة ماحققتش اهدافها ؟ ( بص لأيقونتك دي و انت تعرف انها حققت ) ، بس عموما مش عايزك تزعل خالص .. معلش .. و أوعى تفهمها غلط .

.

أصل انا متأكد و عندي يقين تام ان أختك المناضلة اسراء عبد الفتاح لما بتنزل في رحلة غطس ( و تغطس غوطيسه ) مش بيبقى غرضها انها تتفرج عالشعب المرجانية و الأسماك اللي أشكال و ألوان .. لا يابني خالص . دي أكيد بتدور على أهداف ثورة يناير في أعماق البحار .

.

و متأكد برضه انها و هي قاعدة عالبيسين في ساعة عصاري و جنبها مشروب البيناكولادا بترفض تشربه و بتقعد تعيط وتدبدب برجليها و تتشحتف على حق الشهدا .

.

و متأكد ان الدوله الفاشية القمعية اللي بتاكل دراع العيال الصغيرة مش بيسيبوها في حالها، و مش بعيد تلاقيهم حاليا بيعذبوها في المنتجع السياحي اللي هي فيه و يضربوها 37 طلقة خرطوش و يحطوا السيخ المحمي في صرصور ودنها .

.

لا يا بني تمويل ايه بس اللي بتاخده اسراء عبد الفتاح ؟ حاشا و ماشا .. احنا اللي ولاد تيت و بناخد تمويل عشان بنقول تحيا مصر و بنصرخ نقول يا ناس احترموا جيشكوا و حبوا بلدكوا و خافوا عليها

.

المهم انت يابطل ما تزعلش ولا تاخد على خاطرك .. شدّ حيلك أومال ، واكتب تويتات كتير .. قول دولة الظلم و دوله العبث و لساها ثورة يناير ، و احكي لنا ذكرياتك في ميدان التحرير لما انضرب عليك رصاص مطاطي و انت عشان عضلاتك قوية كنت بتاخد الرصاصة على صدرك و تطلعها من مناخيرك ، و اوعى تنسى ، اوعى تنسى .. تغسل رجليك و تشرب اللبن قبل ما تنام .

.

----------------------------

By: Mohamed Hussein