هيئة البي بي سي بجلالة قدرها واللي هي أم الاذاعات والأمشاط والفلايات

https://www.facebook.com/drmohamed.hafezii/videos/141693480006781/?t=9

‏‎Mohammed Hafez‎‏

معنديش مشكلة ان يتامى البنا وأرامل مجيدة يقعدوا يهروا ويفتكسوا ويعملوا كوميكات بضينة على موضوع الصواريخ الباليستيكية اللي قالها سيادة الرئيس ، باعتبار انهم جماعة من المطلقات البؤساء اللي أحلامهم ضاعت وتصاغرت وتضاءلت من كيفية اسقاط الانكيلاب لحد زعزعة استقرار الدولة ، حتى وصل بهم البؤس لتحولهم لشوية ذباب اليكتروني آخرهم كام ألشة على كام قفشة على السوشيال ميديا زي عواجيز الفرح

.

ومعنديش مشكلة ان واحد زي حازم خيشة يقعد برضه يندب ويتريق على الموضوع ده باعتباره مجرد بائع تويتات متجول بيعرض بضاعته المضروبة على زباينه بنفس أسلوب فتيات الليل اللي بيلقحوا جتتهم على أصحاب العربيات في انصاص الليالي مقابل عشوة وسيجارتين فرط ، وباعتبار ان كل علاقته بالصاروخ الباليستيكي هي نفس علاقته بالشبشب أبو وردة البلاستيكي اللي أمه كانت بتضربه بيه زي ما بتضرب أي صرصار حقير

.

ومعنديش مشكلة برضه ان زريبة موزة القطرية تعمل برامج وتستضيف شوية عاهات من عينة سعيد أجزاخانة و سيد الشكروت عشان يبدوا رأيهم الاستراتيجي الفشيخ في أنواع الصواريخ الباليستيكة باعتبار ان أحدهم كان اكبر تاجر صورايخ وشماريخ وبمب العيد في ميدان السيدة ، والتاني كان صاحب أشهر عربية كبدة في الوايلي وكان بيبيع نوع معين من الساندوتشات اسمها صاروخ الأنتوخ ..لأن دا المتوقع منها ومنهم بعد سقوطهم المدوي وافلاسهم الإعلامي وانصراف الناس عنهم بعدما تحولوا لإعلام ""نحن بنات عائلات محترمات اللي بنشوفه في قنوات بير السلم

.

ومعنديش مشكلة كمان ان مواخير أغاوات وحريم السلطان شخلول أسطنبول يعملوا حلقات كاملة ويعبوا ساعات الهواء بما اعتقدوا انه صيد ثمين جالهم لحد عندهم ، باعتبار ان هؤلاء مجرد أرزقية بيشتغلوا بلقمتهم لإرضاء الباب العالي اللي بيضمن لهم المأوى الدافئ على سراير ضباط المخابرات في ليالي الأناضول الباردة ، وأهو كله بيستنفع وكله بيستمتع وكله بيُرزق

.

لكن المضحك بجد ، واللي خلاني أتكلم في الموضوع ده بعد ما كنت وعدتكم انه مش هتكلم عنه تاني ، اني ألاقي هيئة البي بي سي بجلالة قدرها واللي هي أم الاذاعات والأمشاط والفلايات وكعبة المهنية والمهلبية على مستوى العالم لما حبت تعمل تقرير دولي عن القمة العربية مدته 10 دقائق تقريبا فتخصص منهم 7 دقايق عن السيسي لوحده ، وكمان تسيب كل ما جاء في خطابه من عبارات قوية ورسائل جلية بتعبر عن مواقف دولة عظمى اقليميا وتركز فقط على ما زعموا انه غلطة السيسي في نطق الصواريخ الباليستيكية ، بكل ما يعني ذلك من تكاليف باهظة بدءا من ثمن البث على الهواء وتكاليف تشغيل الكاميرات ومعدات الاضاءة وتم المداخلات الهاتفية الدولية وقيمة استضافة الخبراء الدوليين في شئون العهر الاستراتيجي ، ولما المذيعة في آخر الفقرة استضافت خبير ترجمة عشان يؤكد مزاعمها تفاجئ بأن الخبير ده اللي هما منقيينه على عجب عينهم ودافعين له مبلغ وقدره بينسف كل مزاعمهم ويؤكد أمام الجميع ان السيسي نطق الكلمة بشكلها الصحيح

فاذا بالمذيعة وهي بتحاول تداري خيبتها وكسفتها تحاول مقاطعة الخبير بأي شكل ، ولما فشلت اضطرت تقول إنه الأحسن ان الواحد "يستخدم لفظ خطأ شائع افضل من لفظ صحيح ضائع " !!

شوفتوا المهنية ؟

شوفتوا الموضوعية ؟

بس الاعلام الغربي محايد بالسمن والسكر وموضوعي مقرمش آخر فيصل ، ومفيش مؤامرة ولا حاجة ، وعماد صاحبي مأكدلي