في ذكرى أم الثورات .. كيف كان شكل الحياة في مصر الملكية ؟

في ذكرى أم الثورات .. كيف كان شكل الحياة في مصر الملكية ؟
==================================

* صباح الخير.. النهاردة بيوافق الذكرى الـ 66 لقيام ثورة يوليو 1952، تلك الثورة التي لم تغير وجه الحياة في مصر وحدها فقط ، بل غيرت وجه الحياة وأعادت رسم الخرائط في المنطقة العربية والشرق الأوسط وأفريقيا بأسرها ، بل ووصل تأثيرها إلى دول أمريكا الجنوبية ، وصولا لصداها الايجابي التحرري في دول جنوب شرق آسيا بل والعالم الثالث بأسره ، لذلك ستظل ثورة يوليو هي أم الثورات المصرية والعربية في العصر الحديث كله شاء من شاء ، وأبى من أبى .
.
* بس على الجانب الآخر ، اليوم ده بيكون المناسبة السنوية اللي بيطلع علينا فيها حبايبنا الحلوين أحفاد عوضين باشا أبو لباس وتفيدة هانم زند الجحش وباقي شلة أغاوات السرايا وشماشرجية الملك خازوووق الأول اللي بينتهزوا المناسبة دي لتحويلها إلى حائط مبكى بيقيموا فيه سرادقات العزاء وحسينيات التأوهات الجماعية للتباكي بحرقة على أيام الملكية ، وطعامة أيام الملكية ، وغمازات أيام الملكية .. ، لما كان السفرجي يوناني والخدامة إيطالية والطرشجي فرنساوي والبقال قبرصي
والموضة كانت بتنزل هنا قبل أوروبا...
وكنا مسلفين فلوس لإنجلترا العظمى
وبندي معونة لبلجيكا
وباقي طاجن القرع السلطاني اللذيذ إياه
حبايبنا دول اللي بيرددوا أسطوانة 60 سنة حكم العسكر اللي خرب مصر.
حبايبنا دول اللي هما مراكيب خرفان الجماعة الإرهابية
بل والمضحك إن خرفان بني المرشد اللي جلالة الملك المفدى خازوق الأول أغتال كبشهم الأكبر حسن الباندا جهاراً نهاراً ، بنلاقيهم نسيوا دم مرشدهم ومؤسس جماعتهم القذرة ، وانضموا لحفلات الغزل الجماعي في الملك وأيام الملك وحنية قلب الملك ، لا لشئ إلا نكاية في دولة يوليو 52 ونكاية في مؤسسها الزعيم الخالد الذكر جمال عبد الناصر

* حبايبنا دول اللي بيرسمولك صورة وردية زائفة عن روعة الحياة في مصر الملكية وبيمارسوا أقذرعملية لتزييف وعي الأجيال الشابة عشان يخلوك تحب عهد الاحتلال وتكره دولة يوليو ، ليهم عندي كلمتين ع الماشي :

*ومكانش فيه علاج متوفر لأي مرض .. مكانش فيها حاجة اسمها الوحدة الصحية في أي قرية أصلا ، وأقرب مستشفى - إن وجدت - كانت بتبقى في البندر فقط
والناس كانوا نوعين إتنين بس :

* إقطاعيين أصحاب ثروات طائلة ، ودول كانوا لا يمثلوا أكتر من 1 أو 2 % من المصريين ..
*• وعبيد فقراء لحد البؤس شغالين عندهم ، ودول كانوا 99% من المصريين

* كفاية ان المشروع القومي الوحيد بتاع جلالة الملك خازووق الأول كان مشروع مكافحة الحفاء واللي أنشأ من أجله مليككم المفدى لجنة حكومية لتوزيع 60 ألف حذاء للحفاة من أبناء رعيته بعدما خرج الشعب يهتف في مظاهرات بائسة "أين الحذاء يا ملك الحفاء" !

* كفاية ان البغاء "الدعارة" كانت مرخصة بشكل رسمي في أيام الملكية ، ومستشفى الحوض المرصود اللي كان بيتم منها اصدار رخص ممارسة البغاء للعاهرات مازالت مبانيها موجودة حتى الأن و تشهد على كلامنا

* كفاية ان الملك الغضنفر بتاعكم ماكانش يقدر يعين أو يقيل وزير إلا بعد ما يجيله تليفون من قصر الدوبارة حيث يقيم سفير بريطانيا العظمى اللي كان بجرة قلم منه بيشيل
حكومة ويعين حكومة ، وما حادث 4 فبراير عام 42 عنا ببعيد.
واللا هتنكروا التاريخ كمان ؟
.
* عموما ، ولأني عارف حبايبنا دول مش بتوع قراءة ، وانهم لو قروا مجلة ميكي بيجيلهم تلبك عقلي وبتحصلهم سكتة دماغية ، وآخرهم ياخدوا معلوماتهم من منتدى فتكات لشئون الهبد الاستراتيجي ، فعشان كده مش هقولهم روحوا أقروا تاريخ مصر من المصادرالعلمية والمراجع الأكاديمية ، انا بس عايزهم يشوفوا أفلام السينما المصرية اللي تم انتاجها في فترة الأربعينات وأوائل الخمسينات ( قبل عام 1952) ، يعني أيام العصر الملكي السعيد ( بلاش أي فيلم أو عمل أدبي تم إنتاجه بعد كده عشان محدش يقول دي كانت أفلام موجهة سياسيا) .. كل الأفلام الأبيض والأسود كانت مبينة حالة البؤس والحرمان والفقر إللى كانت فى المجتمع .

* عايزهم يشوفوا فيلم "غزل البنات" بتاع نجيب الريحاني ( انتاج 1948) .. ويفتكروا كده حالة المدرس ( الموظف ) المصري في العهد الملكي كان شكله إيه.. أظن كلنا فاكرين مشهد نجيب الريحاني مربي الأجيال ببدلته المزيته المقطعة وطربوشه المقيح المكرمش وهو بيقول بكل حسرة بعد ما شاف أناقة الخدامين في قصر الباشا.. أنا لو من 30 سنة بأعلم كلاب كان زماني بقيت من الأعيان .. دا كان حال الموظف المصري في العهد الخازووقي السعيد
.
* عايزهم يشوفوا فيلم " معلهش يا زهر" بتاع شادية وكارم محمود ( انتاج 1949) يعني أيام الملكية الجميلة اللي بيقولوا عليها ، هيلاقوا نفس الحال اللي موجود دلوقتي.. الناس كلها عاوزة تشتغل في الحكومة ، و في نفس الوقت طبقة موظفين الحكومة مش لاقيين ياكلوا ، و الوحيد اللي كان معاه فلوس هو المعلم صاحب محل البقالة اللي تحت البيت.
.
* عايزهم يشوفوا فيلم الأسطى حسن ( انتاج 1951) بتاع فريد شوقي وهدى سلطان ، ويشوفوا حالة البؤس والفقر المدقع اللي كان بيعيش فيها طبقة الحرفيين ( الحدادين والنجارين ...إلخ) في العهد الملكي السعيد
.
* عايزهم يشوفوا فيلم "عنتر ولبلب" ( انتاج 1951) بتاع شكوكو وسراج منير.. ويشوفوا إزاي الحارة المصرية كانت عايشه في حالة من البؤس الشديد والضنك في مقابل أصحاب رؤوس الأموال الأثرياء اللي بيشتروا كل حاجة بفلوسهم
.
* عايزهم يشوفوا فيلم " ابن النيل " بتاع شكري سرحان ( انتاج 1950).. ويشوفوا حال القرية المصرية المنسحقة تحت وطأة جبال البؤس والضنك والمجاعة .
.
* عايزهم يشوفوا فيلم " السوق السودا" بتاع عماد حمدي وزكي رستم ( انتاج 1945) .. عن جشع التجار وأغنياء الحرب ( فترة الحرب العالمية التانية) ، وأظن اسم الفيلم لوحده يكفي.
.
* عايزهم يشوفوا فيلم " سلامة في خير" بتاع نجيب الريحاني ( انتاج 1937) .. وفيلم "لعبة الست" بتاع الريحاني برضه ( انتاج 1946) ويشوفوا حالة العامل المصري البسيط و حالة بيته وأسرته ، والفقر اللي كانوا عايشين فيه.
.
* عايزهم يشوفوا فيلم العزيمة للفنان حسين صدقي (إنتاج عام 1939) ، أو فيلم المصري أفندي لحسين صدقي برضه ( انتاج عام 1946) ، ويشوفوا حال الأغلبية الساحقة المنسحقة من المصريين كان عامل إيه .
.
* عايزهم يشوفوا فيلم "أبو حلموس" لنجيب الريحاني من انتاج 1941 ويشوفوا الفساد ممثلا في وكيل دايرة عمر بك الألفي كان شكله إيه ، وأظن كلنا فاكرين مشهد الموظف الجديد "نجيب الريحاني" وهو بيعلم وكيل الدايرة إزاي يظبط الدفاتر ويضرب المستندات عشان يلهف فلوس الدايرة ( جردل لشرب الخروف.. حلاق لحلاقة فروة الخروف .. طبيب بيطري لمعالجة الخروف ... حبل ومخلة وبرسيم لإطعام الخروف .. يعني الشئ لزوم الشئ ).
.
* عايزهم يشوفوا فيلم "بداية ونهاية" لنجيب محفوظ ، فرغم أن الفيلم من انتاج عام 1965 ‘ إلا أن الرواية الأصلية كتبها ونشرها نجيب محفوظ عام 1949 ، يعني قبل ثورة يوليو 1952 وقبل حكم العسكر ، وهي تحكي قصة أسرة مصرية فقيرة، يحاول أولادها تحقيق طموحاتهم رغم ظروفهم الاجتماعية القاسية ، وتعتبر من أنضج روايات تلك المرحلة التاريخية .
.
* عايزهم يشوفوا مسلسل "الوسية " ، والذي هو قصة حقيقية وسيرة ذاتية لمؤلفه الدكتور خليل حسن خليل ؛ أستاذ الاقتصاد السياسي في حقبة ما قبل ثورة 1952، والذي كان ينتمي ﻹحدى قرى محافظة الشرقية؛ حيث يتتبع المسلسل معاناته المستمرة مع الفقر والظلم الاجتماعي ، في الوقت نفسه الذي يكافح فيه لكي يكون أستاذًا جامعيًا، لتحسين أوضاعه الاجتماعية وتحقيق حلمه.
.
* دي مجرد أمثلة من الأعمال السينمائية اللي تم انتاجها وتمثيلها وعرضها قبل ثورة يوليو وفيها رصد دقيق للحالة الاجتماعية للمصريين في العهد الملكي .. يعني قبل دولة يوليوا وحكم العسكر الوحشين ، والأفلام دي ماكانتش موجهة طبعا لتوصيل رسالة سياسية ، لأن النظام الملكي مش ممكن هيدين نفسه .
.
* وبلاش نتكلم ونستشهد بأفلام ورويات أخرى مثل "الحرام" ليوسف إدريس اللي رصدت معاناة عمال التراحيل في القرى المصرية وفقرهم المدقع ، أو "الأرض" لعبد الرحمن الشرقاوي اللي رصد معاناة الفلاح المصري وصراعه مع طبقة الباشوات ، فهو فيلم أشهر من أن نتكلم عنه ، وغيرهم من عشرات الروايات والأفلام الأخرى عشان ما يطلعلناش نطع ينهق ويقول دي أفلام اتعملت في الستينات ، وكانت موجهة سياسيا
* مرة تانية انا مش عايزكم تتعبوا نفسكوا وتروحوا تذاكروا التاريخ من أمهات الكتب والمراجع المتخصصة .. شوفوا بس عينة من الأفلام اللي رصدت واقع المجتمع المصري قبل ثورة 1952 وأنتوا هتعرفوا حقيقة واقع المجتمع المصري في أيام الملكية ، وساعتها هتتأكدوا ان كل إدعاءاتكم دي مجرد هلفطة مالهاش أي سند تاريخي ، وانتوا بترددوها زي البغبغانات . من باب الوجاهة الاجتماعية عشان الواحد أو الواحدة فيكم يدي إنطباع عند مستمعيه انه سليل أسرة أرستقراطية وان جده الباشا كان بيللعب كوتشينة مع الملك كل ليلة في كلوب محمد علي ، بينما الحقيقة أن العلاقة الوحيدة بين المرحوم جده وبين الملك هي ان جده كان الركوبة المفضلة اللي بيستعملها جلالة الملك .. فعلا لا مجازا .. في نزهاته البرية
.
رحم الله الزعيم خالد الذكر جمال عبد الناصر

. في ذكرى أم الثورات .. كيف كان شكل الحياة في مصر الملكية ؟ 37641095_215287902647338_5791946944083394560_n

في ذكرى أم الثورات .. كيف كان شكل الحياة في مصر الملكية ؟ 37641095_215287902647338_5791946944083394560_n

في ذكرى أم الثورات .. كيف كان شكل الحياة في مصر الملكية ؟ 37633106_215277725981689_7809194766918221824_n

في ذكرى أم الثورات .. كيف كان شكل الحياة في مصر الملكية ؟ 37639001_215277865981675_1841897463623974912_n

في ذكرى أم الثورات .. كيف كان شكل الحياة في مصر الملكية ؟ 37671635_215278282648300_9017903842250981376_n

في ذكرى أم الثورات .. كيف كان شكل الحياة في مصر الملكية ؟ 37765043_215278022648326_817565381483823104_n

في ذكرى أم الثورات .. كيف كان شكل الحياة في مصر الملكية ؟ 37700901_215416849301110_3081081874542493696_n

» حتى تسير مركب الحياة فلنتعلم كيفية التجاوز عن الأخطاء في الحياة الزوجية .
» من صنع الثورات وماهي بعض مكاسبها.
» الثورات العربية ورياح التغييرهل ستعصف بالصهيونية؟*
» الثورات تكشف العورات * ومن العدو ومن الصديق *والعملاء الحقيقيين للصهيونيه**
» القرار الجمهوري بتعديلات (قانون حماية الملكية الفكرية)-