كنا خايفين ع السعودية لإننا عارفين إن أى مصيبة أو شر حتقع على دماغها حتصب عندنا

Hassan Margawy

******************

كنا بنساندهم ولو بتويتة ولو بكلمة عشان احنا عارفين كويس قوى بإن الصيادين قعدين ومنتظرين الفريسة ومجهزين معداتهم عشان سلخلها قبل ذبحها.

وكنا عارفين إن لو ده حصل مردودة حيكون علينا مش كويس فلما كنا بندعم السعودية معناه إننا كنا بندعم بلدنا كنا خايفين ع السعودية لإننا عارفين إن أى مصيبة أو شر حتقع على دماغها حتصب عندنا وكنا عارفين إن الصيادين ولاد الأبالسة عاوزين ينتقموا من الفريسة فى شخصنا عاوزين يقلموا أظافرنا ويحوطونا ويحجموا قوة كانت واقفة معانا وبتساندنا أحنا قوة ولما كمان يكون معانا قوة لها ثقلها المالى والإقتصادى العالمى وكمان مجاورة لنا كنا بنطمن على حتى المستقبل القريب يعنى ماكناش بنطبل عشان محتاجين حاجة من السعودية ونظامها ومكناش طمعانين فى مكافأة منهم ولكنه الخوف عليهم وعلينا ده مش تطبيل ولادفاع عن كل شخص دعم المملكة ووقف معاها فى مصيبتها ابدا كما قلنا فى مقال سابق نحن ندين كل عمليات القتل وسفك الدماء ولما كنا بنساند كان من دافعنا الوطنى والقومى نحو بلادنا وبلاد العرب يعنى اللى شمتان مستنى إيه مستنى لما تشوف دولة بحجم السعودية راحت فى الوبا ده حيبسطك يعنى مهما كان النظام الحاكم فى المملكة فالسعودية ومصر كيان واحد إذا اصيب احد اركانه اصيب وتداعى باقى الكيان بالعطب والمرض فلا داعى لجلد النفس لاداعى للتشويش لاداعى للشماته أو الظهور بمظهر العارفين ببواطن الأمور ووصف غيركم بأنهم جهلة أو مطبلين أو اغبياء فإلى أن تظهر الحقيقة يعرف كل إنسان بسماته .

والأن وقد تبدلت المواقف والأحداث لازلنا ندعم السعودية ونساندها فى مصيبتها لانتخلى عنها وقت الشدة ندعوالله لها بالسلامة وان يحفظها من كيد الكائدين وطمع الطاعمين وشر اللصوص والحاقدين وندعوالله لها بالتوفيق فى معالجة الأزمة والعبور منها بأمان وان يبعد عن بلادنا شرور اعداءها وان يسدد خطاها ويحفظ قواها بقوة لاإله إلا الله.

أستقيموا يرحمكم الله. ساو الصف وأتقوا الله.