الضمير هو أكسير الحياة هو الفارق بين الحق والباطل هو السيف الذى يقهر به الإنسان نفسه الأمارة بالسوء

Hassan Margawy

**************

الناس اللى خزنت البطاطس دى عندهم ضمير.

دكنور الأسنان اللى تقوله الضرس سايب وعاوز خلع يقولك 100 جنيه كشف + 150 جنيه خلع فى هنا ضمير.

الراجل اللى بيبيع لأطفالنا سلع منتهية الصلاحية وده حدث مع أحفادى اليوم معتمد على أن الأطفال لايقرأون تاريخ الصلاحية ويفتحون الأكياس ويأكلون مباشرا ده كائن عنده ضمير.

الصيدلى اللى بيبيع دواء منتهى الصلاحية أو دواء مغشوش ومضروب وهو عارف إنه مضروب ده عنده ضمير.

جارى أنسدت عنده ماسورة الصرف الصحى أتى برجل لتسليكها ففتح غرفة التفتيش على بوابة المنزل وضرب سيخ داخل الماسورة فتم التسليك واغلق باب غرفة التفتيش عملية بسيطة لم تاخذ أكثر من 5 دقائق وبعدها طلب 200 جنيه أى والله 200 جنيه وتقولى فى غلاء وفى خراب فى البلد أحنا اللى بننهش فى لحم بعض كله عاوز ينتقم من كله بسبب أو بدون سبب بالسرقة بالنصب بالإحتيال بأى وسيلة يستطيع من خلالها تقليب الأخرين نسأل الله العفو والعافية.

الراجل بتاع الحدايد والبويات طلبت منه 5 كيلو اسمنت عشان اثبت بيهم طبق الدش طلب 10 جنيه يعنى الطن ب 2000 جنيه فى الوقت اللى كان بيتباع فيه الطن ب 850 جنيه مش مهم مضطرين الفنى ع سطح العمارة والحسابة بتحسب اخد الأسمنت ونعجنه إنه يشك أبدا طلع طفلة أسمنت طلع رزاز الأسمنت اللى تحت الصوامع والغرابيل فى شركات الأسمنت بيتعبى ويتباع لوطات ويخش تجار يشتروه بأبخث الأثمان ويتباع لنا على إنه أسمنت وهو معبأ فى شكائر الشركة تماما أقوم أرجع للراجل يقولى طب أعملك إيه انضحك عليه عموما خد 4 كيلو بدلهم ب 5 جنيه عملت معاك واجب قلت له واجب ياعم ده معناه الطن ب 1250 جنيه والكيلو المفروص ب 85 قرش أنت مدهولى ب 125 قرش قال مش فى اكياس تعبئة يعنى شنطة بلاستيك خفيف تعمل الفرق ده منتهى الجشع ليه عشان مفيش رقابة ومفيش ضمير.

فى ناس عندها ضمير وبتبيع وتكسب بالحلال لما تلاقى خضرى الناس بتنتظر السيارة القادمة من سوق العبور عقب صلاة المغرب ويستقبلونها بالزغاريد ويبيع أقل من أسعار السوق ب 30% وأكتر كمان لما تلاقى البط\طس بتتباع ب 14 و ب 15 والراجل المحترم ده بيبعها للناس وفرز أول ب 10 جنيه وكل الأصناف عنده بنصف اسعار السوق وبنوعية ممتازة يبقى نقدر نقول لأ فى جشع وفى أحتكار وفى نصب على الناس عشان مفيش ضمير.

الضمير ياجماعة صنف مابيتعلمش فى مدارس الضمير قطعة جوهرية داخل الإنسان اللى عارف ربنا وعارف إن فى يوم للحساب حيتسأل فيه عن ماله من أين أكتسبه وفيما أنفقه.. الضمير هو أكسير الحياة هو الفارق بين الحق والباطل هو السيف الذى يقهر به الإنسان نفسه الأمارة بالسوء هو الخوف من الله إن لم تجده فلا رحمة ولاعدل ولادين ولاخلق وهنا فصلت قوانين الدنيا لتلاحق المفسدون فى الأرض أكلة لحوم البشر فعليهم اللعنة فى الدنيا والأخرة.