كيف يحدث الشد العضلى

تمت مشاركة ‏رابط‏ مع المجموعة ‏إدارة السكرى .. ما قل و دل‏ من قبل ‏‎Adel Ansary‎‏.

****

#كل_سؤال_له_إجابة

سؤال:

السلام عليكم ورحمت الله وبركاته ..

- انا باخد امجالاست 4 ؛ كنت باخده بعد الاكل ، و الصيدلى قالى قبل الاكل نصف ساعه وباخد معاه جلوكوفاج xr 1000 بعد العشاء ، وسكرى اخر تحليل صايم 190

- و انا تعبانه جدا من رجلى اليمين ، و عندى تنميل جامد و مستمر فى كف رجلينى الاثنين بحرقان فى رجلى من تحت

- من شهرين كنت تعبانه والدكتور لغى التيجرتول وقالى دا علاج سرع وقالى معتيش تخدى حقن الفيتامينات مبتعملش حاجه

- هل هو فعلاً فى علاج يحمى الكبد من اثر السكر عليه؟! .. رجلى تقيله خالص و تعبانى رأيك أروح عظام (علما بانى من سنتين كانت الرجل اليمين تعبانى و وارمه ، و تابعت مع دكتور عظام ، و عمل اشعه ، و قال لى: "دى بداية غضاريف فى الرقبه و مأثره على رجلى ، وهى من اكتر من شهر فيها الم و اخدت علاج ، و مازل الالم موجود زائد التنميل .. و الحرقان فى كف الرجلين ؛ زائد الم فى اعلى الفخد .. ما بافدرش انزل رجلى من الاعلى للاسفل ؛ إلا وانا سنداها بايدى

- عمرى 43 سنه ، و الطول 124 ، و الوزن 175 ، السكر من 6 سنين و حاولت كتير انزل وزنى ؛ بس ما نجحتش .. هل لو أخذنا مسكنات خطر ، و لا لأ

- لو سمحت يادكتور انا عارفه انى اثقلت عليك بس غصب عنى ؛ لانى مسافره ورجلى تعبانى اوى انا مش عاوزه انكد على اولادى .. عاوزه اى حاجه تريحنى على ما ارجع من المصيف

- و الغده الدرقيه كنت محللة ، و عرفت انها فيها كسل شويه .. و النقرس ٦.٣ ، و شوية املاح

- حضرتك قولت لى على رجلى انها التهاب فى الاعصاب الطرفيه السكر التراكمى 6 حضرتك فسرلى الدنيا دى شويه

جواب:

- اغلبنا بسبب الضغوط اليوميه الكبيره ؛ ب نعانى من مشكلة الشد العضلى والتشنجات بأنواعها ، أو مفيش نوم لساعات كفايه باليل

- و كمان فى ناس بتقف ساعات طويله ؛ بسبب شغلهم أو شغل البيت .. و غيرها من متاعب ؛ علشان كده دائماً بيحاول الناس دول يدوروا على طريقه أو وسيله يقدوروا بيها يقضوا على الوجع ده أو مجموعة المتاعب اللى بيعانوا منها

- و منهم اللى بيعالج ده بانه ياخد ادويه ، و منهم إللى بيعمل مساج للمنطقه دى من جسمه اللى بيحسوا بانها مرهقه وتعبانه ؛ و هو ده الاختيار الافضل صحياً .. لأن اتثبت عن طريق نتايج ابحاث طبيه كتيره وحديثه ؛ إن للمساج فوايد صحيه مهمه للجسم البشرى.

أهم الفوائد الصحية الخاصة بالمساج للجسم ، و من بين الفوائد دى:-

1. المساج بيعزز الاداء الخاص بالجهاز المناعى وده عن طريق قيامه بزيادة العدد الخاص بخلايا الدم البيضا واللى بتحمى الجسم من الامراض الكتيره اللى بتصيبه.

2.المساج بيقلل النسبه الخاصه بالاحساس بالتعب أو الاجهاد وكمان بيقلل الاحساس بالأرق وكمان ليه دور مهم فى راحة الاعصاب والمساعده على النوم الهادى طول الليل علشان كده يكون احسن نعمل المساج قبل النوم على طول .

3. المساج بيقضى على الوجع اللى بسبب الاصابه بالتوتر فى منطقة الراس واكدت دراسات كتير طبيه حديثه ان المساج لمدة ساعه واحده بيقضى وبشكل نهائى على الوجع ده الخاص بالراس.

4. للمساج دور عالى فى زيادة قوة العضلات الخاصه بالجسم وده لانه بيخلصه من السموم والفضلات وعلشان كده عادة بيتم نصح الرياضيين بانهم يعملوا المساج ولو لفترة زمنيه قصيره بعد مايخلصوا ممارسة التمارين الرياضيه القاسيه او الصعبه وده هيكون مفيد ليهم فى التخفيف من الشد العضلى.

5. للمساج دور كبير فى التخلص من الوجع الخاص بمنطقة الضهر واللى بيتعرض ليه اشخاص كتير.

6. للمساج فايده كبيره للحاله النفسيه الخاصه بالانسان لانه بيخلص الجسم من الاحساس بالاكتئاب او الطاقه السلبيه الموجوده جواه بسبب مشاكل الحياه المتنوعه والمساج بيدخل الهدوء للنفس البشريه.

7. للمساج دور مهم جدا فى التخلص من الامراض او المشاكل الصحيه المرتبطه بالمعده زى الامساك او الاسهال لان المساج ليه دور عالى فى تحسين عملية الهضم .

8. المساج بيخلصنا من الخلايا الميته او التالفه من الجلد وبيكون خلايا تانيه وبالتالى بيخلصنا من كل العيوب المزعجه فى الجلد.

9. المساج بيعافى العضلات المنهكه فى الجسم عن طريق ازالة حمض اللاكيتك منها.

10. للمساج دور كبير فى المساهمه فى عملية شد الجسم وبالتالى تقليل وزنه.

11. للمساج فايده كبيره فى زيادة نعومة الجلد.

12. للمساج دور فى تنشيط عمل الكليتين وبالتالى الحفاظ على توازن الميه والاملاح فى الجسم.

13. للمساج دور كبير فى منع ضمور العضلات اللى بسبب الخمول مع التقدم فى السن.

14. المساج بيحسن عملية الأيض والمسئوله فى الاساس عن انتاج الطاقه داخل الجسم.

15. للمساج دور عالى فى تنشيط الكبد واللى يعتبر المسئول الأول عن تنظيم مستويات السكر فى الدم.

16. بيساهم المساج بشكل كبير فى راحة العضلات والانسجه فى منطقة الرحم عند الست الحامل وبالتالى بيسهل عملية الولاده.

أهم موانع عمل المساج: فيه شوية أمور وموانع صحيه اللى بتمنع عمل المساج ومنها :

اولا : معاناة الشخص من وجود اصابه فى منطقة العمود الفقرى او وجود تمزق فى العضلات عنده.

ثانيا : الاصابه بمرض السرطان او مرض الصرع او وجود صعوبه عند الشخص فى عملية التنفس او معاناة الشخص من نزيف فى اعضاء القلب او فى المخ او الرئتين.

ثالثا : وجود ارتفاع فى درجة حرارة الجسم عند الشخص.

رابعا : اصابة الشخص بمرض دوالى الساقين او الجلطات الخاصه بالاورده.

[ندعوك للتسجيل في المنتدى أو التعريف بنفسك لمعاينة هذا الرابط]

» أسباب الشد العضلي وطرق الوقاية **
» "لغط القلب" وكيف يحدث؟.
» كيف يحدث التهاب ثدى المراهقة؟
» ماذا يحدث عندما يغضب جون سينا
» ماذا يحدث لوالديك عند زيارة قبرهما ؟