الإرهابية تزرع القنابل فوق سطح مسجد لتدمر الكنيسة ولكن الله سلم

Hassan Margawy

‏********************

وإيه يعنى ماهم عارفين كويس قوى بإن عمليتهم القذرة بوضع عبوات ناسفة فوق سطح المسجد المجاور للكنيسة سيهدم المسجد نفسه ويقتل من فيه ويدمر المنطقة بأكملها ده شيئ عادى فى ابجديات جماعة الشر الإرهابية معندهمش مانع من هدم الكعبة ذاتها فى سبيل تحقيق هدف القطيع \

وكان الهدف إيه من فعلتهم السودة دى

1ـ قتل أكبر عدد من البشروالإستهزاء والتهوين من الإجراءات الأمنية المشددة لحماية الكنائس وبالتالى توجه السهام والنقد لرجال الأمن على تقصيرهم فى الحماية

2ـ قتل المسيحيين داخل كنيستهم وفى يوم عيدهم

3ـالتأكيد على أنهم موجودين وعلى الساحة ولم ينتهوا

4ـ عمل بروباجندا عالمية لتشويه سمعة مصر الأمنية

5ـ عمل فتنة ووقيعة بين المسلمين والمسيحيين ووضع المسجد فى موقف الشبهة بأن الضرب جاء من المسجد على الكنيسة وبالتالى تقليب الطوائف وأحداث فتنة طائفية لايحمد عقباها ولايعلم منتهاها إلا الله ربما تستغل عالميا وبالتالى يتدخل فى شئوننا كل من هب ودب بدعوى حماية الأقليات ــــــــــ جماعة الشر الإرهابية لاأمان لها ولامكان لها بيننا حاليا ومستقبلا بالسيسى بدون السيسى لامكان لهم بيننا فقد تركوا فى طيات وجينات شعبنا تجاههم كل ماهو سيئ فهم وحزب الشيطان سواء

عشان كده الرئيس السيسى قال إيه فى كلمته من داخل الكتدرائية قال خلوا بالكم من الوطن دول حرقوا الكنايس فى 2013 وأحنا أعادنا عمارتها لكن بتمسكنا بالوطن مابقناش بنرمم اللى أدمر لا بقينا بنبنى ونعمر ووجه كلامه للبابا وقاله انا مش جأنسى كلمتك لما قلت وطن بلا كنائس خير من كنائس بلا وطن الوطن هو كل شيئ لنا فى الحياة فلنحافظ على وطنناـــــــــــــــــــ موتوا بغيظكم لن تنالوا من مصر إلا كما تنال الشعرة من ماء البحر

حمى الله مصر

حمى الله الوطن

حمى الله شغب مصر

حمى الله جيش مصر

حمى الله شرطة وأمن مصر

وتحيا مصر