الحروب النفسية الإعلامية

‏‎Mohammed Haffz‎‏.

*********

الحروب النفسية الإعلامية

==============

■ ركز معايا كده للأخر علشان تشوف الشغل اللي بيتعمل عليك من أعدائك وأعداء بلدك :

● المنظمة الدولية لحقوق الانسان تنتقد ملف حقوق الأنسان في مصر وتقول أنها الأسوأ على الإطلاق .

● المنظمة الأمريكية الأوروبية لحقوق الانسان تدين اعدام 9 مصريين تحت محاكمات جائرة

● المفوضية السامية لحقوق الانسان تقول أن حقوق الأنسان في مصر في أدنى مستوياتها.

● المنظمة الأورومتوسطية الدولية لحقوق الانسان تنتقد ملف حقوق الأنسان وتطالب بفتح تحقيق في الموضوع .

● الهيئة العالمية الاقليمية العليا لحقوق الأنسان تطالب مصر بأحترام حقوق الأنسان .

.

•• طبعاً اتخضيت من الأسماء الرنانة دي وجالك أحساس أن العالم كله بمنظماته الدولية ضد بلدك وبينتقدها ؟؟

■ وهي دي بالظبط اللعبة اللي بتتعمل عليك من «قـطــر» اللي بتقوم بتأجير شقق لبعض الأشخاص العاديين ، وفي الغالب بيكون مقر الشقق دي «انجلترا» أو قطر نفسها، وغني عن الذكر ان المنظمات والهيئات الوهمية دي بتفتقد لأي صفة رسمية أو حتى مجتمعية ، وبعد كده يقوموا حاطين عليها يافطة يضربوا عليها أي أسم "عميق" فخيم رنان زي الأسماء اللي انت شوفتها كده بشرط انه ينتهي بجملة "لحقوق الأنسان" ، وبكده تبقى عدة النصب اكتملت ، ويبقي كل دور المنظمات والهيئات الوهمية دي أنها تتكلم عن مصر فقط دون غيرها وتهاجمها ، وقناة الجزيرة تاخد التصريح اللي طالع من مجرد شقة مفروشة تحت بير السلم إيجارها بتدفعه قطر وتقوم بإذاعته كخبر أول في نشراتها وعلى موقعها لسببين :-

● السبب الأول علشان توصلك إحساس أن العالم كله واقف ضدك ، وانك لوحدك ، وبالتالي تصاب بحالة من اليأس والاحباط وفقدان الثقة في نفسك وفي دولتك

● السبب التاني رفع الروح المعنوية لأتباعها في الداخل عن طريق الإيحاء لهم بأن المجتمع الدولي كله واقف ومتضامن معاهم !! .

.

◆ قطر مش بس بتعمل موضوع المنظمات أو الشقق الإيجار دي في مجال حقوق الأنسان ، لأ خالص دي بتعملها في كل المجالات تقريباً سواء في التعليم عن طريق شقة بدون ترخيص مالهاش أي صفة رسمية يتقال عليها أنها منظمة أكاديمية دولية مختصة بمجال التعليم وكل مهمتها أنها تطلع تصريح أن مصر في المركز الأخير في التعليم !! ، أو في مجال الأقتصاد علشان تهاجم إجراءات الاصلاح الأقتصادي !! أو في مجال الإعلام .. زي مثلا لما تلاقي الخنزيرة تقول خبر معين نقلا عن موقع بريطاني اسمه «ميدل إيست أي» ، ولما تبحث عن موقع «ميدل إيست أي» هتكتشف انه موقع قطري غير واسع الانتشار تم تدشينه عام 2014 ويبث من بريطانيا .. ومملوك لمؤسسة #الجزيرة نفسها !! ..يعني الصيغة الصحيحة للخبر هي كالتالي : قالت الجزيرة للجزيرة نقلا عن الجزيرة إن الجزيرة تؤكد ...إلــــخ

•• وغيرها كتير من المجالات .

.

● والحقيقة على أرض الواقع بكامل تفاصيلها ونظرة المجتمع الدولي لمصر ورئيسها عكس كده تماماً وواضحة قدامك من خلال دعوة الرئيس السيسي لكل المؤتمرات الدولية زي مؤتمر ميونخ الأخير ، والقمة العربية الأوروبية الأخيرة في شرم الشيخ اللي تم الإشادة فيها من جميع زعماء أوروبا بجهود الرئيس في مجال مكافحة الإرهاب ... وأخيراً دعوة رئيس فرنسا للسيسي لحضور قمة الدول الصناعية الـ7 الكبار، ودعودة رئيس وزراء اليابان #الرئيس_السيسي لحضور قمة الـ 20 الأقتصادية اللي بتتولي اليابان رئاستها واللي سبب دعوتها للرئيس هو نجاح مصر في تجربة الإصلاح الأقتصادى ، وهو ده المجتمع الدولي الحقيقي اللي تقيس بيه الموضوع مش بشقة مفروشة متأجرة تحت بير السلم من أعداء بلدك لمهمة محددة .

#شقق_حقوق_الأنسان .

.

-----------------------------

By: Mohamed Ibrahim

» الحرب الإعلامية ودورها فى حروب العصر الحديث.
» الجيل الخامس من الحروب
» الأجيال الجديدة من الحروب .
» التاريخ الإسـلامي و الحروب الصليبية**
» ما أسباب الاضطرابات النفسية؟