خطأ يحتمل الصواب لماذا لانتفق على هدف واحد؟ لماذا لايكون وفاقنا على وحدة تراب البلد؟

الإختلاف فى الرأى لايفسد للود قضية
*****************************
ليه تختلف معايا مع إنى بأحبك بحترمك بوقرك
الأمام الشافعى إمام أهل السنة والجماعة وصاحب أحد المذاهب الفقهية الأربعة المشهورة وهو المذهب الشافعى قال: رأيى صواب يحتمل الخطأ ورأى غيرى خطأ يحتمل الصواب
لماذا لانتفق على هدف واحد؟
لماذا لايكون وفاقنا على وحدة تراب البلد؟
يا أخى لك رأى ولى رأى أحترمنى كما احترمك خد مثلاً:
أنا زملكاوى وأنت أهلاوى أو مع أى فريق مصرى أخر لماذا لانتفق على هدف واحد وهو فريق مصر القومى وننحى أختلافنا جانباً
بنختلف على ثورة يناير ليه واحد يقول ثورة والتانى يقول مؤامرة طيب نزعل من بعض ليه كل واحد شايفها من نحيته وكل واحد عنده مبرراته التى تدعم أرائه ياحبيبى منك له الثورة مش أنت اللى حتقيمها الثورة حتقم بعد 50 سنة من أجيال تانية ليس لها هوى وليس لها مغارم أو مكاسب كل واحد يدافع عن مصالحه فيها بس مانختلفش انا وأنت على مصر مانختلفش على البلد ولما تختلف معايا ماترفعش على السلاح وتخلى البلد فوضى البلد ياحبيبى فوقك وفوقى فاهم البلد أهم منى ومنك خد بالك
أنا ليبرالى وأنت أخوانى أنا علمانى أنت سلفى أنا يسارى أنت تكفيرى جهادى أنايمينى أنت جهادى متطرف طيب أنا وطنى مصرى حضرتك مين؟
أنا مسلم سنى شافعى المذهب أنت حنبلى او مالكى أو حنفى مش كلنا نتفق إن أحنا مسلمين ليه تكفرنى هو ربنا سبحانه وتعالى أعطاك صك الغفران ومفتاح الجنة مش يمكن أكون عند ربنا افضل منك أنا حافظ القرءان مش يمكن حضرتك مش حافظة أنا حجيت بيت الله مش يمكن حضرتك ماحجتش أنا أصلى الفجر يوميا فى جماعة حضرتك بتصلى الفجر يبقى ماتزايدش على إسلامى يبقى ماتكفرنيش وتطلع نفسك ولى من أولياء الله الصالحين
أنا مع بلدى وجيشها وشرطتها أنا مع اللى يبنى بلدى واللى بيخاف عليها أنا ضد كل إرهابى خسيس بيقتل ولاد بلدى ده مزعل حضرتك
طيب لو حضرتك مش عجبك أرائى ولا أفكارى تتفضل من غير مطرود أعملى بلوك وحأكون فى منتهى السعادة إنك خلصتنى منك بإيدك أنت عشان ماتبقاش صداقتنا على غش وكل واحد يروح لحاله والله يسهلك ياعم حتى لو كنت أخويا مش صديقى مصر فوق راسى وهى عمرى وحياتى مش حمسك فيك وأسيب البلد