ليه سيناء ؟ وليه سوريا ؟ وليه أردوغان واخد الموضوع بشكل شخصي؟ ليه قطر عندها مشكلة معانا

ليه سيناء ؟ وليه سوريا ؟ وليه أردوغان واخد الموضوع بشكل شخصي؟ ليه قطر عندها مشكلة معانا
ليه مرسي .. وليه السيسي
الموضوع مهم ومحتاج فنجان قهوة .. خصوصا وإحنا داخلين على يناير .. والإخوان عايزين يعملوا فيها ثوار .. وتقريبا فى حرب عالمية على الأبواب
سنة 2009 .. قطر عرضت على سوريا إنهم يمدوا خط أنابيب غاز يبتدي من قطر .. يعدي على السعوديه .. وينتهي في سوريا
ده رابط للتفاصيل
http://www.armedforcesjournal.com/pipeline-politics-in-syr…/
سوريا رفضت العرض القطري .. لأن قطر هي أكبر منافس لروسيا في تصدير الغاز
روسيا بتحاول تستعيد مكانها وسيطرتها على أوروبا عن طريق الغاز .. وده هنرجعلة كمان شويه
وعلشان التحالف بين روسيا وسوريا .. سوريا قررت تتجاهل العرض القطري
ومش بس تجاهلوا العرض القطري .. دول كمان وافقوا على عرض إيراني إن هم يعملوا خط غاز من إيران – يعدي على العراق – لسوريا
ده خبر بتاريخ يناير 2011 .. قبل الريع العربي ما يقرب لسوريا بمراحل
http://www.wsj.com/…/SB100014240531119035911045764676312892…
https://www.youtube.com/watch?v=nyAdyuKyxhc
وهنا بدأت الدربكة .
الغاز الإيراني مصدرة نفس حقل الغاز القطري .. ده حقل في الخليج (العربي \الفارسي) إسمة بارس .. من أكبر حقول الغاز في العالم
نصه في المياه الإقليميه الإيرانية .. ونصه في قطر ... تخيل كاس ميه كبير وإتنين بيشفطوا من نفس المية بشافاطين
وصول الغاز الإيراني لسوريا معناه كسر الحصار الإقتصادي إللي فرضته أمريكا على إيران
ومعناه برضوا إن قطر مش هتفضل مهمه (كأكبر مورد للغاز المسال في العالم ) لأن الغاز الإيراني هيكون أقرب لأوروبا وأرخص
خلونا نقف دقيقة هنا علشان نفهم خريطة الغار في العالم .. وأهميتة الغاز
بعد كارثة مفاعل فوكوشيما .. قل التخطيط للإعتماد على الطاقة النوويه .. وبسبب الإحتباس الحراري .. الإتجاه العام دلوقتي برضو لتقليل الإعتماد على البترول والفخم
الغاز أرخص .. ,اقل تلويثا للبيئه
علشان تنقل الغاز محتاج طريقة من إتنين .. أولا أنابيب ( ودي أرخص على المدى الطويل) بس محتاجه إستقرار في خط سير الأنبوب
وثانيا .. الإسالة .. وقطر هي أكبر دولة مورده للغاز المسال في العالم .. بس الغاز المسال أغلى .. ومحتاج إنشاء مستودعات إسالة ,ناقلات عملاقة
علشان كده الأنابيب أحسن
أكبر دول منتجة للغاز هما روسيا .. قطر .. إيران .. ومؤخرا ... سوريا وهتعرف أثر ده على الأزمه دلوقتي
غرب أوروبا من أكبر المستوردين للغاز .. بيشكل تقريبا تلت أستهلاكهم للطاقة
وطبعا الدول الصناعية في جنوب شرق أسيا
** عندك طاقة روسيه بتييجي من البحر الأسود علشان توصل إسيا **
** وطاقة روسيه المفروض توصل أوروبا **
**عندك طاقة قطرية عايزه توصل إوروبا .. عن طريق أي ممر يخليها تنافس روسيا **
**عندك طاقة إيرانيه .. بتوصل الصين .. لكن مش بتوصل إوروبا **
ضيف لده
** الطاقة المكتشفه حديثا في البحر المتوسط .. وهنتكلم عن أثرها **
** ضيف إن أمريكا كان عندها مشكله .. إن عندها بترول مش بتقدر تستخرجه لأنه محصور في طبقات صخريه ... وأخيرا نجحوا في إيجاد طرق لإستخراجه .. فلأول مره أمريكا مش هتحتاج تستورد طاقة .. بل وهتبتدي تصدر**
** نفس الموضوع بالنسبه لإسرائيل .. وإكتشافها حقول المتوسط .. ولأول مره برضو هتبتدي تصدر**
النقط إللي فوق دي هي إللي عملت أزمة ممرات الطاقة ..
الغاز أو البترول علشان يروح من الشرق للغرب والعكس .. محتاج ممر .. محتاج أنبوبه
وعلشان الأنابيب تعدي في أرضك .,.لازم تكون أنت الخيار الوحيد لمسار الأنبوب
وجود ممر طاقة في أرضك .. بغض النظر عن العائد المادي .. معناه إن كل الدول الشريكة و الستفيدة من الممر ده .. سواء مصدرة أو مستورده .. هتدعم إستقرار نظامك .. لأنه يعني إستقرار مسار الطاقة
وهنا يأتي دور تركيا .. وسينا ... وسوريا .. وداعش .. والعك ده كله
دي صفحة من وزارة الطاقة التركيه .. بتتكلم عن خطتهم من 2010 ل 2014 في إنهم يكونوا أهم ممر للطاقة في العالم
http://www.enerji.gov.tr/…/ETKB_2010_2014_Stratejik_Plani_E…
الصفحة لسبب ما إتشالت .. بس إللي متشالش ... المقال دع إللي ذاكر الموضوع بالتفصيل .. لاحظ إن توقيت نشر المقال كان 2010 .. يعني قبل الربيع العربي بسنة
http://positivity.wordpress.com/…/turkeys-five-year-energy…/
مشكلة تركيا .. إن مواردها للطاقة ضعيفه .. سعر الغاز عندها هو أعلى سعر غاز في العالم
وطبعا ده معناه إنها ماتقدرش تعمل صناعة تطلع بيها منتج رخيص تنافس بيه
علشان كده .. ختطهم .. إن كل الغاز إللي جاي من وسط أسيا .. ومن الخليج .. يعدي عليهم .. وبعدين يتوزع لأوروبا
وده سبب الحلف إللي عملوه مع قطر والأخوان
ولأن تنفيذ خط الغاز (إيران العراق سوريا) معناه تصدير الغاز لجنوب إوروبا عن طريق مد نفس الخط لقبرص (إللي عندها مشاكل مع تركيا ) وتحاشي المرور على الأراضي التركيه
كان لازم تركيا بالتعاون مع قطر إنهم يدمرو أي فرصه لإنشاء الخط ده .. عن طريق داعش
أماكن تمركز داعش في سوريا والعراق .. هي أهم محطات تجميع وتوزيع الغاز في سوريا
إللي زود الكارثه .. إنه تم الكشف عن حقول غاز ونفط داخل المياه الإقليميه السوريه .. تخلي مكان سوريا على خريطه النفط زي الكويت
وطبعا مستحيل الغرب يسمح لسوريا بالتحصل على الموارد دي لأنها حليفة للروس
وعلشان تفهم أكتر دور تركيا لازم تعرف التالي
روسيا أنشأت خط غاز إسمه "نورد ستريم"أول "السيل الشمالي" بيوصل من شمال روسيا .. لألمانيا .. كقاعدة توزيع الغاز لشمال إوروبا
وبدأت تخطط لخط خاذ تاني "ساوث ستريم" أو "السيل الجنوبي" كان المفروض يوصل لجنوب أوروبا
لاحظ في الصور إللي مع البوست .. إن "السيل الجنوبي" مكانش هيعدي على تركيا برضو
لاحظ إن الغاز الروسي كان بيوصل جنوب إوروبا عن طريق أوكرانيا
وده يفسرلك ليه حصلت ثوره في أوكرانيا بالذات
أمريكا علشان تحارب توغل الطاقة الروسية في أوروبا .. قررت تبني خط غاز إسمه " نابوبكو" الخط ده كان هينقل الغاز من منطقة إذربيجان ويعدي في في تركيا وبعدين جنوب إوروبا
علشان كده تركيا كانت متحمسة جدا.. وبيعملوا أي حاجه أمريكا تطلبها
لكن روسيا .. وبصياعة شديده .. إشترت إنتاج الغاز من أذربيجان للعشر سنين الجاين
طيب .. إيه علاقة ده كله بسينا
علشان تفهم تفجيرات سينا وأنصار بيت المقدس لازم تفهم دور إسرائيل
إسرائيل وسط ده كله .. عايزة تكون جزء من الممر .. وعلشان تكون جزء من الممر لازم كل الممرات البديله تدمر ومايكونش فيها إستقرار
الدور ده قامت بيه داعش في سوريا
وبيقوموا بيه أنصار بيت المقدس في سينا
لاحظ إن خط الغاز إللي عمالين يفجروه في سينا كل شويه .. مش ده إللي بيودي غاز لإسرائيل .. ده كان بيودي غاز للأردن .. شوف الخريطه
وده مثال لأحد التفجيرات إللي ديما بيتسهدف خط غاز العريش الأردن
http://www.aljazeera.com/…/m…/2011/02/20112572657906674.html
إسرائيل عايزة نافلات النفط والغاز يستخدموا خطوط الأنبابيب بين مينا إيلات ومينا أشكيلون على البحر المتوسط .. وبأسعار أقل من البديل وهو عبور الناقلات لقناة السويس .. خصوصا لما جت فترة إنتشر فيها فيديوهات لبيت المقدس بيضربوا السفن في قناة السويس
https://www.youtube.com/watch?v=63hBG_gsme0
مرسي كان جزء من الإتفاق القطري التركي الإسرائيلي .. وبرحيله وتوسيع وتأمين قناة السويس .. مكان إسرائيل كممر طاقة هيتأثر
طيب إيه سبب الخلاف السعودي القطري .. بعد ما إتفق الإتين على قضية واحده وهي خلع النظام السوري وتعطيل ممر الطاقة إيران – العراق – سوريا
السبب إن مؤخرا تم الكشف عن حقول غاز عملاقة غرب السعوديه .. ترجع السعودية تاني لخريطة تصدير الغاز
قطر كانت عايزة تبني خط الأنابيب بتاعها يمر شمال غرب السعوديه .. والسعودية رفضت
فكان الحل القطري .. هو تذكية الصراع الشيعي في غرب السعوديه .. ودفعهم للإنفصال ( شوف خريطة تقسيم السعودية) هتلاحظ إن الدولة الإنفصالية الجديدة .. حدودها هتمتد بشكل يسمح بإقامة خط غاز من قطر.. لكوردستان .. لتركيا في المستقبل
ومؤخرا من تلات أسابيع .. روسيا قررت تلغي خط السيل الجنوبي .. وتعمل خط غاز من تركيا
في نفس الوقت الجزيره أعلنت إن دي بوادر إتفاق على الإزمة السوريه
في نفس الإسبوع إللي رئيس تركيا يعلن إنه هيسعى لإصلاح العلاقات مع مصر
وتحصل مصالحه مصريه قطريه
مصر وسينا .. جزء من خريطة الطاقة المعقده .. الموضوع أكبر بكتير من رابعة ومرسي
مبارك إستنزف مصر 30 سنه .. ومصر في حالة المفعول به
ياريت قبل قبل ما نفكر نوقع بلدنا .. نحاول نفهم حجم الموضوع