مصر هي البوابة و هي رمانة ميزان العالم .. لذلك كانت وستظل هي الجائزة الكبري .

Mohammed Haffz
ساعة واحدة ·

من أكتر من 7000 سنة و مصر موجودة و هي مركز العالم أجمع ..بالجغرافيا وبالتاريخ وبالقوة الناعمة وبالثقل السياسي .. لذلك كانت وستظل هي الجائزة الكبري .... و دائما و أبدا هي مستهدفة .... فمن يتحكم فيها أو يتحالف مع ارادتها فقد ضمن تواجد نفوذه في أقدم مناطق العالم و هي الشرق الأوسط .
.
و حتي في التاريخ الحديث ... نجد أن روسيا قد دخلت المنطقة في الخمسينات عن طريق مصر ... وخرجت من المنطقة عن طريق مصر....و حلت محلها أمريكا أيضا عن طريق مصر .... و الآن يتقلص النفوذ الأمريكي بسبب مصر ... وهاهي روسيا تدخل للمنطقة مرة أخرى عن طريق مصر.
.
فمصر هي البوابة و هي رمانة ميزان العالم .... فكان تفتيت الاتحاد السوفيتي سابقا و القضاء على الامبراطورية الشيوعية بأيدولوجيتها مهمة سهلة بالنسبه للغرب بمجرد تقطع أواصر العلاقة بين السوفييت وبين مصر .... و كانت المهمة أكثر سهولة لتفتيت الشرق الأوسط بداية بالعراق و سوريا و اليمن و ليبيا .... و لكن الرقم الصعب كان هنا في مصر ... فمصر هي من إستعصت على الغرب و وقفت و أحبطت مخططاته التي تم اعدادها من عشرات السنين.
يبقي سر مصر و اللوغاريتم اللى محدش عرف يحله هو انتم يا مصريين ... السر العجيب في تكاتف و تماسك المصريين خلف قيادتهم و خلف جيشهم في أي خطر يقترب من أرضهم ... فبالرغم من ان الغرب عرف السر ده ... و كان كل تركيزه أنه يفتت المجتمع الداخلي .... و أنه يخلق الفتن و الانفلات و التناحر ..... و نجح بالفعل بالتوغل في عقول بعض الشباب المغيب و رجال الأعمال الخونة اللى استولوا على وسائل الإعلام .... فبدأوا في التركيز على نشر الاشاعات و نشر الروح الإنهزامية و الكآبة على الشعب ... و لكن كل مرة يقف اللوغاريتم التاريخي لتلاحم الشعب المصري حائط صد منيع يحطم و يحبط مخططاتهم.
دائما و أبدا خلال الفترة السابقة تلاقي كمية اشاعات رهيبة و بتركيز رهيب و بشماتة سافلة في حق الوطن .... و عامة .... الناس دي متدربه كويس .... و بتشتغل على موضوع البرمجة العصبية للوعي الجمعي .... يعني ايه ؟ .
هو مش بيحاول يقنعك بالشائعة .... و لكن اللى بيشتغل عليه إنه يقنعك ان كل الناس مصدقه الكلام الفارغ ده ... وانك انت الوحيد اللى مش مصدق ... وبالتالي فانت لوحدك .... وبما أنك لوحدك فمش حتقدر تتصدي للكلام ده .... فبيصيبك باليأس و تبيع القضية و متحاولش تشارك في الدفاع عن بلدك .... فيا إما تسيب بلدك و تطلع لاجىء على الحدود .... أو تكفي خيرك شرك و تسيب الموضوع خاااالص.
ةالأمثلة على كده كتييييير بس للأسف احنا بننسى.... و خلونا نفتكر شوية أمثلة :
شعار ...."الشعب يريد"... اللي طلعوا بيه أيام النصباية الكبرى على المنطقة و بداية تفتيتها اللي اتنصب بيه على شعوب بلاد كتير هو أكبر مثلال على كده .... فحضرتك لو اعترضت على اللى بيحصل أو حتي موافق لكن معترض على الأسلوب ... فيقولك اسكت انت مش فاهم ... الشعب هو اللى عايز كده .... طب مين هو الشعب ؟ و عرفت منين ان الشعب كله عايز كده ؟؟ .... متعرفش !!
.
مثال تاني .... اسكندريه غرقت مرتين .... الدنيا تقوم و تقعد على الفساد و فشل الإدارة و القطاع المدني في الوقاية أو ادارة الأزمة..... طب حضرتك متعرفش إن فلسطين و اسرائيل و الاردن و العراق و الكويت و شمال السعودية وأخيرا ‫#‏قطر‬ كانت غرقانة بشكل أكتر من اسكندرية بكتيييير في نفس الوقت و فيه حالات وفيات أكتر من اللى تم تسجيلها في مصر ؟؟ .... و بالرغم إنه لأول مره تكون فيه ادارة أزمة حقيقية في مصر قام بها الجيش المصري و قام بالتعامل مع الكارثة وعمل على إزالة آثارها باسرع مما حدث في اسرائيل و أي دوله في المنطقة .... تلاقي محدش بيتكلم عن ده !!! و لكن الكلام كله عن فساد المحليات و الكلام الكتير ده .... طب حضرتك شوفت أي صفحات على الفيس أو نوشتاء من اسرائيل أو اعلاميين من الكويت أو العراق أو أي برنامج من اسرائيل طلع عمل اللي اتعمل في مصر ؟؟؟ ..... أكيد لأ .... طب ليه .... لأن التركيز على حضرتك انت
.
مثال تالت ....و عشان تعرف قد إيه الحرب النفسية مهمة جداااا فيما نواجهه ، و قد إيه حضرتك دورك مهم و انت قاعد في بيتك ..... تطلع اشاعات كبيرة إن داعش جايه مصر .... و تطلع أغنيه صليل الصوارم اللى كانت بترعب أي حد بيسمعها في أي بلد .... و يتوزع فيديوهات تقول إن داعش جايه تفتح مصر .... فحضرتك تواجه ده من غير ما تحس .... و تستخدم نفس السلاح اللي كانوا بيستخدموه ضدنا ، ألا و هو السخرية ... و تطلع نكته "طب خاللى داعش تيجي بس و نشوف مين اللي حيفتح التاني " ... و يتحول فيديو صليل الصوارم من فيديو يبث الرعب في القلوب ... الى رنة تليفون و فيديوهات كوميدية ... و من ساعتها متسمعش و لا بتشوف أي فيديوهات مرعبة عن الكلاب دول ... ده كان بسبب رد فعل حضرتك
.
مثال رابع على أهمية دور حضرتك .... حادثة طيارة تحدث في مصر .... تطلع اشاعات كبيييرة و كلام بتركيز ان داعش هي من أسقطت الطيارة .... و بالرغم ان محدش فكر ليه داعش ما أسقطتش أي طيارة غربية فوق ليبيا أو سوريا أو العراق أو اليمن بالرغم من انهم متواجدين على الأرض هناك، و لكن جم يسقطوا الطياره بصواريخ من عندنا ... وبعدها يطلع طيار بريطاني من شركة الخطوط البريطانية يقول انه تعرض لصاروخ و لكن رب العرش نجاه بعد الامبليه الشهير اللي عمله و تفادي بيه الصاروخ .
.
و لو تلاحظوا ان الخبر انتشر لمدة يومين كاملين و محدش رد عليه رسميا .... لكن حضرتك اللي رديت ..... وكان الرد بالنكت ....كمية النكت و التريقة و عدم تصديق الاشاعة أجبرت الحكومة البريطانية انها تنزل تكذيب رسمي للكلام الفارغ ده.... لو حضرتك معملتش كده و كنت صدقت الاشاعة ..... كانت الاشاعة حتتساب تكبر و يتبني عليها ... و يتاخد عليها قرارات رسمية كمان ‏‎smile‎‏ رمز تعبيري
.
دائما و أبدا حضرتك الهدف ..... و كتيييير جدا ناس تبعتلنا و تسألنا ازاي نشارك و نحافظ على بلدنا .... نحب نقولكم أضعف الايمان هو عدم تصديق الاشاعات .... لأن هو مستهدفك و مش عايزك تشتغل ... لكن عايزك تفضل يائس من أي محاولة ممكن تعملها عشان تنجح ... دائما و ابدا عايز يصيبك بالاحباط ... و اليأس .... عشان متقفش مع بلدك ....
.
إحنا قلنالكم قبل كده احنا في الفيناله ... و المعلم الكبير نزل يواجهنا بنفسه .... بعد فشل صبيانه طوال الأربع سنوات السابقة في تحقيق أي نجاح .... احنا دلوقتي بنواجه الشيطان الأعظم .... فستزيد الاشاعات بشكل كبيييير الفترة القادمة ... متتهزش .... سلاحنا هو وحدتنا .... اختلف زي ما انت عايز ... لكن متختلفش على بلدك .... أوعى يصيبك اليأس أو تخاف على بلدك .... مصر في أيدي أمينة ... اعمل بس اللى عليك و خليك في ضهرها و اشتغل و خاللي روحك المعنويه عالية .
.
مصر دائما و أبداً لن ينطفىء نورها ، لأنها تمتلك السلاح الوحيد اللي محدش يقدر يكسره هو تلاحم الشعب مع جيشه و مع مؤسسات بلده .... لن ينطفىء نور مصر لأن حضرتك موجود و لن تتخلي عنها وربنا معانا يألف بين قلوبنا ويهدينا وياخد بايدينا.
.
.
‫#‏تحيا_مصر‬
‫#‏لن_ينطفىء_نور_مصر‬
‫#‏تحيا_مصر_ماحدش_تانى‬
‫#‏الشعب_يدعم_الرئيس‬
‫#‏مصر_أم_الدنيا_وهتبقى_قد_الدنيا‬
‫#‏مصر_قلب_النظام_العالمى_الجديد‬
‫#‏كلام_في_الصميم‬
نقلاً عن صفحة ‫#‏كلام_فى_الصميم‬