يا حضرة المنظراتي....أيوه إنت يا عم عمرو حمزاوي ...

ohammed Haffzm
12 ساعة ·

يا حضرة المنظراتي....أيوه إنت يا عم عمرو حمزاوي ...
أيوه إنت يا خواجه والاسم مصري... يا عضو كارنيجي أحد واجهات المخابرات الأمريكية ومراكز صنع القرار الأمريكي... قريت مقالك في الشروق اللي بتقارن فيه بين ما حدث في المانيا على يد هتلر ووزير دعايته جوبلز من حشد الناس للفكر النازي ثم صحوة الألمان على هزيمة مروعة في الحرب العالمية التانية، وبين ما يحدث في مصر الأن بعد 30 يونيو 2013 ووصفك ًالمرحلة بأنها حكم "الجنرالات" الخادع لفئة غير قليلة من المصريين عبر اعلاميين وكُتّاب يساندون حكم الجنرالات... وتساؤلك اللوذعي عن كيفية محاسبة الاعلاميين اللي بيساندوا الحكم دلوقت بعد الانتفاض على الحكم ده ؟ ؟؟؟ معلهش اسمح لي أفند كلامك بحكم المنطق لا بحكم الحجر الذي تمارسونه.
.
أولا : ازاي تقارن بين حكم هتلر اللي قاد المانيا والعالم لحرب عالمية مدمرة وبين السيسي اللي ما قدمش لمصر من يوم ما جه غير كل قرار جبن عن اتخاذه من سبقه استثمارا لكل فرصة اقتصادية وسياسية الى حد اعلان البنك الدولي تقدم مصر على اقتصاد جنوب افريقيا بنسبة نمو زادت في عامين من 2.5 % الى 4.2 % في ظل كل الظروف دي؟ مع حل ازمة كهرباء وغاز ومشاريع للمستقبل في الزراعة والطاقة وتحلية المياه ، واهتمام بالعدالة وفق معدلات لا تتحملها دول اكثر منا استقرارا
.
ثانياً: هتلر ما كانش جنرال يا دكتور عمرو ... هتلر كان نازي سادي دمر ألمانيا و ناسها قبل ما يدمر العالم واختاره الألمان بعد فترة كساد وأزمات اقتصادية ضربت العالم في أواخر العشرينيات وافتكروه الأمل بالظبط زي الأخوان في 2011 و انت الأدرى مني بالسياسة و ايديولوجياتها... لكن السيسي رجل عسكري حر مستقل القرار عارف معنى الأرض و العرض والجنسية و الرجولة ارتضينا حكمه بعد ما فشلت افكاركم النظرية في حماية مصر من خطر التتار الاخواني الصهيو أمريكي، بعد ما وقفتم تتفرجوا علينا من بلكونات الفنادق و على شاشات التلفزيون وانتم بتنظّروا و تتكلموا بس، بعد ما لقيناكم بتقعدوا مع آن باترسون تسألوها حتعملوا ايه معانا وردت عليكم وقالت لكم ليلة 4 ديسمبر 2012 ليلة مظاهراتنا عند الاتحادية- ان تاثيركم كنخب لا يتعدى 10% في الشارع، وانهم مستمرين في دعم الاخوان وعشان كده ما نزلتوش المسيرات دي. السيسي ما اخدش رأي الامريكان يعمل ايه يوم 23 يونيو ويوم 30 يونيو ويوم 3 يوليو - السيسي خد قرار الرجل الحر المسئول.
.
ثالثا: عارف مشكلتكم ايه يا دكتور؟ انكم فاكرين ان ليكم تأثير قادر على دعم انتفاضة جديدة ، وكأن الناس ما اتعلمتش من غلطها لما صدقت تنظيركم... ثم ده انت واحد من الناس اللي فشلت تقنع أعضاء حزبك بأفكارك واستقلت من الحزب وإنهار ومش سامعين عنه....
.
رابعاً: خليني أرد على سؤالك اللي بتقول فيه نحاكم ازاي الاعلاميين المؤيدين للسيسي بعد انتهاء الحكم !!!! هو احنا كنا حاكمناكم على تاييدكم الفاسد للاخوان؟ هو احنا حاسبناكم على خداعكم للشعب بكلمات وشعارات أثبتت الايام انكم مش قدها؟ هو احنا حاكمناكم على عمالتكم وعلاقاتكم بالغرب بشكل مقزز وعدم ادراككم أو إغفالكم لحق البلد في انها تحمي نفسها؟؟؟
ثم الحقيقة من أنتم عشان تحاكمونا؟ المفروض انك راجل ليبرالي يؤمن بحرية الفكر وقبول الأخر أيا كان فكره؟ يا أخي ده انتم ما وقفتوش للأخوان لما مدوا ايديهم على ستات مصر في الشوارع...ولا لما حاولوا يبيعوا مصر لقطر و تركيا أيادي الصهيونية الأمريكية اللي بتمول كارنيجي في واشنطن.... اعتبرنا زي الأخوان يا أخي.... وبعدين هو مش من حقي اؤمن بفكرة وأدافع عنها زيك كده؟ وبالمناسبة أنا أخدت تمن دعمي لبلادي ... عارف ايه ؟ استقرارها و محاولتها النهوض ويا بخت من سند أمه في أزمتها...
.
لتاني مرة حاقولك عيب... فاكر المرة الأولى؟ افكرك ... لما نجحت في برلمان الاخوان وللأسف كنت أحد من منحك صوته ، ولقيت مديرة مكتبك بتتصل بيا في أول مولد نبي بتقولي ممكن تديني العنوان...فسألتها ليه؟ قالت لي دكتور عمرو باعت للصحفيين علبة حلاوة المولد وعايز يبعت لك واحدة !!!! فكان ردي عليها : عيب لا باخد حاجة من حد ولا يعجبني إن عمرو حمزاوي عضو البرلمان يتصرف زي الاخوان والحزب الوطني ويشتري الصحفيين بحلاوة....
يا خسارة .
.
-------------------------
الصحفية / نشوى الحوفي

يا حضرة المنظراتي....أيوه إنت يا عم عمرو حمزاوي ... 13241364_1714032998844611_5304268153040489763_n

يا حضرة المنظراتي....أيوه إنت يا عم عمرو حمزاوي ... 13241364_1714032998844611_5304268153040489763_n

أعجبني

أحببته

هاهاها

واااو

أحزنني

أغضبني