هذا إنسان مصرى أصيل وأمين سائق تاكسى مطلوب البحث عنه وأن يكرمه كل الفيس ابحث عن صاحب التاكسى وأعمل على تكريمة فالأمناء لايقدرون بثمن فهم اناس شح الزمان وجودهم ومن هنا فإننا نطلب كل من يعرف صاحب الصورة أن يدلى بمعلومات عن صاحبها مطلوب أن يكرمه الإعلام والمسئولين وان تكون له شهادة من المرور كسائق أمين نحترمه ونقدره التاكسى رقم 468
من قبل ايمن عبد الله شقير.
22 سبتمبر، الساعة 03:44 مساءً · الجيزة، محافظة الجيزة
الحمدلله رب العالمين
النهاردة وانا فى شارع مصدق بالدقى ركبت تاكسي
ونسيت الشنطة الشخصية بتاعتى
وكانت فيها 2 موبايل 2 فيزا ونظارة شمس ورخصة قيادة ومفاتيح ومبلغ مالى محترم
المهم افتكرت انى نسيت الشنطة فى التاكسى بعد ربع ساعة
المهم كان معايا محمد صاحبى راح اتصل على الموبايل بتاعى طبعا متأكد انه اتفقل
بس والله العظيم رد عليه صاحب التاكسي بفترة
تقريبا ماكنشى سامع التليفون
وقالى حاجتك يا استاذ فى أمان أن شاء الله 20 دقيقة وهكون عندك قولتلى مستنيك أن شاء الله فى المكان اللى نزلت فيه
المهم خلصت المكالمة مع صاحب التاكسي وقولت لمحمد كدة شكرا
بس أقسم بالله العظيم لاقيتة قدامى فى نفس المكان اللى نزلنى فيه وقالى حاجتك كلها يا استاذ
خدتها منه وانا والله العظيم مش مصدق
المهم انا صممت انى اصوره
ربنا يكرمك ويوسع فى رزقك ويباركيلك فى أولادك واسرتك كلها
الحمد الله رب العالمين
وكرم كبير اوي من عند ربنا
موضوع: الخير فى وفى أمتى إلى يوم القيامة كرموا الشرفاء الأمناء سائق تاكسى يرد شنطة لراكب بها متعلقاته بعد أن تركها فى السيارة 
السبت سبتمبر 24, 2016 1:25 am
