خروف بيحرض على الفوضى وقع فى شر أعماله تعالوا شوفوا حصله إيه؟

Mohammed Haffz
‏13‏ ساعة ·

[rtl]#حدث_بالفعل[/rtl] :
المكان: أحد المحلات التجاريه بمدينة المنصورة بعد دفع الحساب .
رجل في منتصف الثلاثينات يقلب فى ورقة الحساب الخاصه به ، ثم يتمتم :
= يا دي القرف يعنى ينفع أشتري السكر ب 8 جنيه !! إيه الهم ده !!
يميل عليه شاب عشريني بلحية خفيفة وابتسامة لزجة كان يقف بجواره هامسا" :
- عيشه بقت تقرف يا باشمهندس.. الناس مابقتش لاقيه تاكل !! أومال الناس هاتنزل من شويه !!
يرد عليه الرجل :
= تنزل فين يا أستاذ ؟ قول يمكن ننزل معاكوا أحسن الواحد بقى مخنوق ومابقتش متحمله .
- بجد ؟! طيب حلو قوي .. أصل أنا ومجموعه من الشباب الشريف اللى مايهموش غير مصلحة البلد ناويين ننزل الشهر الجاي ثورة هاتقوم ما تخلي ، هما بيقولوا عليها " ثورة جياع " بس انا بافضل تسميتها ثورة شعب ضد الطغيان والظلم ..
= إيه إيه !! طيب انا معاكم ومعايا شباب وبنات كتير عاوزين نتقابل علشان ننسق وتبقى ثورة بجد ..!
- بارك الله فيك .. إسم الكريم ؟
= أخوك عبد المنعم .. مدرس ألعاب .
- ماشى يا اخ عبد المنعم معاك ناس قد إيه ؟
= يوووه ييجي 400 .. 500 واحد مابين معارف وطلاب وناس مظلومة وجعانه .
- 500 ؟! دا حلو قوي .. بص نتقابل أنا وأنت وهاجيب معايا بعض الزملاء المسئولين علشان ننسق .. بارك الله فيك . بارك الله فيك .
..........
بعدها بعدة ساعات ، وفى المكان المحدد على احد الكافيهات في وسط المدينة ، يحضر الشاب بتاع ثورة الجياع ومعه 5 بائسين .. تظهر عليهم علامات الضياع والبؤس
= أهلا يا زميل الكفاح
- اهلا يا أخ عبد المنعم .. مش تعرفنا بالجماعة .
= طيب يا اخى دا أنا معرفتش إسمك حتى ؟
- أخوك لؤي ..
= أهلا أخ لؤي .. الجماعة خايفين بس ومش مطمنين إنت عارف القلق ! إتكلم بس ولما يطمنوا هايعرفوك بنفسهم ووظائفهم .. إتفضلوا اقعدوا وإتكلموا
- بصوا يا شباب .. هانطلع يوم الثورة بعد صلاة الظهر من المسجد .. لسه ما اتفقناش من مسجد إيه ! وهاتستلموا اليفط والشعارات ليلتها بالليل وهدفنا هايبقى الميدان والتمكن من الاعتصام .
= طيب إيه الشعارات ؟
- يعنى هاتكون تنديد بالظلم والمطالبة بالإفراج عن المعتقلين و رحيل العسكر ومجلس رئاسى مدني .. يعنى مطالب ثورة يناير اللى ما اتحققتش ..
= الله !! انت مش كنت بتقول ثورة جياع علشان الغلابه والأسعار وكده ؟!
- أيوه يا أخ عبد المنعم .. ما هو مش هانحقق ده الا بإسقاط النظام .. وعودة الرئيس الشرعي المنتخب .
= الله ؟! انت مش لسه قايل مجلس رئاسي مدني !!
- ايوه صحيح ما هو لازم يبقى موجود فى المجلس ويدعو لأنتخابات رئاسية مبكرة ! بإختصار العسكر لازم يتحاسبوا على 63 سنة نهب وسرقة .. والشرطة لازم تنكسر ومنخيرها تيجي الأرض تاني والمره دى مش هانرحمهم ..
= حلو قوي كده يا لولو .... سجلت الكلام يا أمين " ن " ؟.. تمام يا فندم كل حرف متسجل ..
= طيب وبالمناسبة السعيدة دي أحب أعرف الشباب الثوري بزملائهم فى الكفاح .. سيادة الرائد " م . ص " أمن وطنى .. سيادة المقدم " ع . أ " رئيس مباحث ...... .. ومعاك أخوك " ط . ق " اللي بلغ عن أمك يا وسخ منك له ... يالا بينا يا روح أمك .. ال ثورة جياع يا إرهابيين يا كدابين يا ولاد الكلب 3:)
-----------------------
من ملفات الإدارة الشعبية لخذوقة الإخوان والكولجية Very Happy

حدث بالفعل الأسبوع الماضى فى مدينة المنصورة Very Happy

.
-----------------------
By: Tamer Azab

» مليون أه من كيد الزوجة (أقصد كيد النسا) تعالوا شوفوا.
» لشراء خروف سليم أتبع الأتى.
» معالي السيد خروف بن المغيب : تحية طيبة وبعد ... ،،،
» الفوضى الخلاقة ..هى هدف الماسونيين.
» > مذبحة بورسعيد .. صدى أنا أو الفوضى !!