لاتسخر من تهمة انتشر معناها اسمها خلق مناخ تشاؤمي في المجتمع

Islam Abbas
‏2‏ ساعتان ·

فيه ناس بتسخر شوية من موضوع تهمة انتشر معناها اسمها خلق مناخ تشاؤمي في المجتمع .
هحكيلكم حكاية مؤلمة يمكن ناس كتير متعرفهاش .. بعد الحرب الامريكيه الكوريه اللي بدأت في عام ١٩٥٠ لسنة ١٩٥٣ استطاعت كوريا انها تأسر عدد ضخم من الجنود الامريكيين المهم الجنود الاسري دول اتحطوا في معسكر حرب كاسري . فوجئ الامريكان ان فيه معسكر واحد مات منه ١٠٠٠ اسير ووصل معدل الموت ل ٣٨٪ وده كان اضخم رقم لموت نسبة مئوية من الاسري الامريكيين في تاريخ حروب امريكا كلهاز.. ييجي الصليب الاحمر للمعسكرات دي يلاقي ان اقل دوله استخدمت وسائل التعذيب للجنود الامريكييين كانت كوريا وكل يوم تحصل عشرات الوفيات ..
المهم مره في مرة الاسرى يموتوا .. وبعد كده سلموا الاحياء للصليب الاحمر الياباني .. لقوا ان الجنود اللي استلمهم الصليب مش عايزه تتواصل مع بعضها لدرجة ان كانت علاقة الاسير الامريكي بسجانه الكوري احسن من علاقته بزميل دفعته الامريكي .
عمل ايه الكوريين .. الكوريين استخدموا اسلوب قتل نفسي اسمه اليأس المطلق . يعني افضل اسيبك تيأس لغاية ماتصاب بمرض لوحدك فتموت لوحدك من غير ما اتعب في موتك وده كان اول تطبيق لليأس المطلق ..
ايه بقي طرق اليأس المطلق دي ؟
في واحد اسمه الجنرال ماير قال ان كل ده كان بتأثير تكتيكات حرب نفسية شيطانية طبقها بمهارة الكوريون الشماليون لخصها ماير في أربع نقاط:
- التشجيع على الوشاية.
- التشجيع على جلد الذات.
- قتل الروح الوطنية.
- عدم السماح بأي نوع من المساندة العاطفية الإيجابية.
نفس الجنرال قال إن الحرب النفسية التي مارسها الكوريون الشماليون على العسكريين الأمريكيين الأسرى، جعلتهم يعانون من أعراض مرض جديد .. يظهر ع الاسير .. يتعب شوية .. ميقاومش لانه يأس يأس مطلق فيموت بمنتهى السهولة.
كلمة خلق جو تشاؤمي ممكن تكون جديده .. كوميديه مغلفه بسخرية .. لكن جواها قاتل . احذروا ده .