Mohammed Haffz
ساعة واحدة ·
بتحاسبوا الراجل على الدولار وارتفاع الأسعار ! .. وماله .. طاب ما تيجي نتحاسب ونفتح الدفاتر ونشوف الحساب على مين ..
لما عملتوا ثورة في 2011 كان احتياطي النقد الأجنبي 35 مليار وسعر صرف الدولار 5.80 جنيه ..و بعد ثورتك المجيدة ووقفاتكم الاحتجاجية والفئوية اللي كانت بتتعمل بشكل شبه يومي ، السياحة انضربت ، وأكتر من 5000 مصنع قفل وسرح عماله .. والنتيجة كانت أن الإحتياطي النقدي انخفض ووصل إلى 15 مليار والدولار سعره نط ووصل إلى 6.20 جنيه .. في أيام المخفي مرسي نط الدولار تاني وبقى 7.30 جنيه .. دلوقتي الاحتياطي النقدي وصل 19 مليار وده بعد ما دفعنا فلوس قطر وسددنا الديون اللي علينا لنادي باريس ولشركات التنقيب عن البترول ( للعلم الديون دي كان متراكمة علينا من عام 2010 ).. وسعر الدولار في البنك الرسمي حتى الآن 8.80 جنيه والسوق السودة بيتقال داخل على 15 جنيه ومش هجادلك في صحتها .. بس متقولي كده يا فلتة عصرك وأوانك في رأيك إيه اﻷسباب .. ؟؟!!!
أقولك أنا ..
- فاكر لما السياحة انضربت تاني بسب الارهاب .. كنا بنعمل حملات ترويج وتشجيع للسياحة .. وانت يابن الحرام كنت بتدخل على الحملات دي وتحط صور المجاري اللي طافحة والزبالة اللي في الشوارع وتقولهم أوعوا تيجوا مصر دي بلد معفنة وغير أمنه ..
.
- فاكر حادثة الشاب ريجيني .. كنت انت نفسك يا لقيط بتطلع تجري على المواقع الأجنبية والاخبارية وتقولهم الحكومة بتاعتنا هي اللي قتلته ومتسبوش حقكم .. والحكومة الأيطالية قالت بنفسها إنها اعتمدت في اتهامها لمصر على ما كانت تذيعه وسائل الإعلام المصرية وعلى ما قاله النشطاء اللقطاء من الصراصير الإلكترونية السارحة في مراحيض السوشيال ميديا .
عارف اللي عملته ده اتسبب في تعطيل كام مشروع وإلغاء كام صفقة تجارية كانوا ممكن يزودوا حجم النقد في البلد ده غير الاستثمارات اللي اتلغت .. ؟
.
- فاكر ساعة حادثة الطائرة الروسية .. مش انت برضه اللي طلعت تجري وقلت لكل العالم إن الطيارة وقعت بسبب اهمال الشرطة ورحت على المواقع الروسية تقولهم متسيبوش حق ولادكم ومتبعتوش سياح تاني عشان مصر غير آمنه .. عارف عمايلك الوسخة دي قفلت كام بيت وشردت كام أسرة ؟
.
- طب هنروح بعيد ليه .. فاكر من شهر فات لما الخرفان طلعوا اشاعة أن أمريكا منعت استيراد المحاصيل الزراعية من مصر عشان ملوثة بفيروسات وبتجيب استبحس وسكسكة في اللابوريا .. مش انت اللي ساعتها طلعت تزيط في كل حتة وتقول أه أصلنا بنسقي الزرع بمية مجاري ومسبتش موقع أجنبي ولا خبر إلا وقعدت تبخ فيه سمومك ؟ والنتيجة كانت ان روسيا وحتى السودان ودول تانية وقفوا استيراد المحاصيل الزراعية من مصر لحد ما يتطمنوا على سلامتها ..( الرئيس السوداني قال بنفسه انه اعتمد على اللي بتقوله وسائل الإعلام المصرية لما أخد قراره بمنع استيراد المنتجات المصرية ..يعني كل ده كان بسببك انت وبسبب عمايلك الوسخة انت واللي مشغلينك واللي ماشيين وراك )
عملت دا كله ليه يا ابن الزواني ؟.. عشان بس تقول أن السيسي فاشل وخرب البلد حتى لو كان التمن أن أهل البلد دي كلهم هيشيلوا الطين وهيسفوا التراب وميلاقوش اللقمة ..
.
بقالكوا 5 سنين بتخربوا في البلد وبعتوها لطوب الأرض وقبضتو تمنها دولارات ويورهات ، وبالتمن ركبتوا العربيات وسكنتوا في الكومباوندات وبقيتوا بتصيفوا في أوروبا وبتروحوا مؤتمرات دولية عشان تقولوا عليها ماسر وعلى جيشها عسكر وعلى شعبها جيل عرة وعبيد بيادة ونسائها راقصات وبتروجوا لشائعات كفيله انها تدمر قارة بحالها ، ودلوقتي عاملين نفسكو خايفين عليها ؟ ..يالنطاعتكم
.
الغريبة يا أخي ان عندك قدر هائل من النطاعة والبجاحة يخليك دلوقت عامل فيها خايف على الغلابة وقاعد تمصمص شفايفك وبتقول الدولار ارتفع والناس جعانة ومش لاقية والبلد بتخرب .. لا وكمان بتقول بمنتهى الوساخة إن الحل أننا نعمل ثورة جديدة وياللا بينا يا رمان على بعضتشينا ..
نفسي بس تتحلى بقدر بسيط من الشجاعة وتقول للناس توقعاتك اللوذعية للدولار هيبقى بكام بعد ثورتك الموهومة ...
.
-------------------------
By: Adham El Sharkawy