توكل كرمان تفكرك بأغبى شخص ممكن تقابله في الوجود.. هو اللي شاف فيلم سينمائي جديد 6 مرات.. و بعدين قرر يشوفه مرة سابعة.. و هو بيعتقد إن نهايته ممكن تتغير

أغبى شخص ممكن تقابله في الوجود.. هو اللي شاف فيلم سينمائي جديد 6 مرات.. و بعدين قرر يشوفه مرة سابعة.. و هو بيعتقد إن نهايته ممكن تتغير.. أو يتفرج على فيلم الفك المفترس 6 مرات مثلا ، ولما يشوفه مرة سابعة..يبقى عنده أمل إن سمكة القرش متاكلش حد المرة دي.....!

.

أخيراً طلعت علينا قائدة الثورة اليمنية وأيقونتها النوبليزمية الفخيمة "توكل كرمان" من فيلتها المكيفة في أسطنبول بتويتة ، بتبكي فيها علي حال اليمن وبتستجدي وتتسول من كل أثرياء العالم إنهم يساعدوا اليمن اللي انتشرت فيها المجاعة وماعادش فيها موظف قادر يصرف مرتبه ...

.

الغريب إن اليمن من الدول اللي نجحت فيها الثورة.. إتشال الحاكم الشرير.. و اتعمل انتخابات و جه حاكم جديد بمباركة الثوار.. و اتحيدت القوات المسلحة اليمنية.. و كل دا بمباركة وفرحة "توكل" و أنصارها من الثوار في العالم العربي..

بس يبدو إن السادة أنصار الربيع العربي لازم يركبهم شخص ما، باعتبارهم نوع من أنواع الدواب اللي بتستخدم للانتقال.. فمرة يقولك "الإخوان ركبوا".. ومرة "الحوثيون ركبوا".. ومرة "داعش ركبوا".. المهم والسيناريو اللي اتكرر كذا مرة إنه فيه حد دايما بيركبهم

المهم إنك لو نبهته و حاولت تنقذه من الدور اللي بيلعبه كبعير بيتركب.. تلاقيه يعمل عليك بني آدم مفكر عميق.. و يبدأ في الكلام الحنجوري الخزعبلي اللي مالوش آخر.. من أول "الثورة الفرنسية نجحت" و مرورا بـ"لازم نهدم الجيش عشان نبنيه على نضافة".. و انتهاء بإنه يروح يتركب مرة أخرى في سعادة.. و يرجع يقولك ..أعمل إيه ..أصلهم "ركبوني"...

.

فين تاني الثورة نجحت ؟ في ليبيا.. قالوالنا "في مصر الرئيس السابق لسه موجود و ده بوظ الثورة و ثورة مضادة وفلول ودولة عميقة ووو... الخ الخ"..

حاضر...

في ليبيا بقى إتلم مجموعة ثوار كيوت طيبين علي القذافي و بعدين ذبحوه و هم بيهتفوا "سلمية".. و بعدها حطوا جثته في معرض بمباركة السفير الأمريكي عشان الناس تتفرج على جثة رمز العهد السابق اللي انتهى... أكاد من فرط السلمية أبيضُ

وحكمت الثورة ليبيا.. و من فرط الديموقراطية بقى فيها 4 حكومات و برلمانين ومصرفين مركزيين و كل الجهات دي بتطلع قرارات عكس بعض.. و اللي عايز حاجة بيعملها.. اللي بيتفسح بدبابة.. واللي راكن تحت بيته راجمة صواريخ.. و لو فيهم حد قرا الكتاب اللي كان مع المرحوم "محمود شكوكو" في فيلم "عنتر و لبلب" بتاع "كيف تهبط الطائرة".. بيروح يقتني مقاتلة يشم بيها الهوا ..

ليبيا اللي كان أهلها بيسموها بلد البنزين والخبزة ( العيش يعني) لأن أرخص حاجة فيها كانت البنزين والخبز ..( لتر البنزين الـ 95 كان ثمنه 15 قرش ، وكنت بربع جنيه بتجيب عيش يكفي أسرة كاملة من خمسة أفراد ).. بعد الثورة الميمونة وحكم الثوار الأطهار، الناس كانت بتقف طوابير باليوم واليومين عشان تمون عربياتها ، والعيش بقوا يقفوا عليه طوابير طولها مئات الأمتار ، وبقى كل واحد هناك ليه حصة معينة من الخبز مايقدرش يتعداها .. مع انها بلد كل تعداد سكانه خمسة مليون نسمة فقط ، مش تسعين مليون زينا.. ومش هنتكلم عن أنابيب الغاز اللي كانت الواحدة منها في عهد الطاغية بتتباع بـ جنيه ونص ، ووصل تمنها في عهد الثورة الديمواقراطية الميونة إلى 70 جنيه ليبي .. وبتتجاب بالواسطة ..

وطبعا مفيش داعي أتكلم عن فقدان الأمن والأمان ، وعيشة الفزع والرعب والجثث اللي بيلاقوها كل يوم على الأرصفة وفي صناديق الزبالة ... لأن دا اصبح من المعلوم من الثورات بالضرورة

.

و في سوريا ، السادة الثوار اللطفاء اللي هُما في الواقع البغال الإرهابية اللي اسمهم "الجيش الحر" سيطروا على الرقة و مرقدة و الحسكة وجرابلس و نص سوريا أكتر من 3 سنين.. أهي نص الدولة السورية حكمت فيها الثورة و سيطرت عليها...

كل حلب الشرقية و أحيائها، منها بستان الشام و مساكن هنانو.. محور اعزاز و ريف أدلب بالكامل...

حد شاف مدرسة اتبنت في الحتت دي؟؟

حد سمع عن مستوصف طبي إتعمل ؟؟

طاب حتى كشك سجاير؟

حد شافها بقت سويسرا؟؟؟

بما انهم كانوا مسيطرين على مصانع و حقول النفط والغاز.. حد شاف طريق بيترصف أسفلت..؟

حد شاف البترول بيتباع والمناطق دي وسكانها بيستفيدوا منه ؟

فككوا مصانع البترول و باعوها لتركيا.. و باعوا النفط نفسه ببخس الثمن (خمسة دولار للبرميل) .. والمواطن اللي في نطاق سيطرتهم بقى مش لاقي الرغيف الحاف..

شفت "عدالة إجتماعية" ؟

شفناهم حاطين ستات في أقفاص.. بيدبحوا أطفال.. بيقتلوا شيوخ.. بيقتلوا علماء.. بيهربوا آثار.. إلخ...

و البهوات المركوبين عندنا في مصر مسميينهم "ثوار" و "معارضة" و "مقاومة"..

هي دي بقى ثوراتكم و أهدافها ؟

.

تونس.. اللي اتقاسمت الحكم مع الإخوان.. و الإرهاب بيضربها في بن قردان و سوسه و بتتفجر فيها الفنادق و انخفضت السياحة للحدود الدنيا و الاحتياطي انحدر لمستويات غير مسبوقة وسرحوا آلاف الموظفين وجمدوا الرواتب ، والبلد بتتمشى علي حافة الإفلاس ، ورئيسهل طالع بيقول مش هقدر اواجه الارهاب ، وحصل انزال بريطانى هناك

.

بس دا مش حايحصل عندنا...

تتنطط.. تقف على دماغك.. تمشي علي الميه.. تقولي ثورة غلابة ثورة جياع.. مش هنسمح بدا يحصل..

ولو متصور إنك ممكن تفهمنا إننا ممكن نمشي وراك و نفكك الجيش.. عشان الغلابة و السكر و العيش.. أحب أقولك إنه عندنا إحنا.. إحنا الأغلبية و الكتلة الصلبة.. احنا اللي مش مخليينك عارف تعتب الشارع من 3 سنين.. احنا بقى عندنا #الجيش_قبل_العيش...

انما تقوللي ثورة.. و تعيد الفيلم الهابط اللي شفناه 100 مرة وانت منتظر نهايته تتغير فجأة.. و بعدين نلاقيك بتكتب لنا تويتة حزن من اسطنبول جنب الأخت "توكل" عشان الوباء و المجاعة و الجرائم و الإرهاب بعدما ثورتك تنجح...

على جثثنا واحد واحد...

بس ماترجعش تزعل..

.

البلد دي ليها أصحاب

واحنا أصحابها

ومش هنسيبها لحد

#الـجـيـــش_قبل_الـعـيــش .

.

----------------------------

By: Alaa Hammouda

*********************

Hassan Margawy

11 ساعة ·

توكل شوكمان صاحبة نوبل فى هدم الأوطان وزعيمة الربيع الأمريكى على عالمنا العربى كتبت ذات يوم عن نجاح ثورتهم وعودة الحكم المدنى وعودة عسكرهم لمعسكرهم وتمنت أن تكون مصر مثلهم اليوم حصدت توكل شوكمان المر والمرار فلا دولة ولاجيش ولالقمة العيش دماء وخراب وأشلاء موتى وجوعى فى كل مكان ...... واليوم تتوت وتستنجد بالعالم فتنادى:

ياأنتم جميعا ايها التحالف الثرى جداً وجميع الرعاة الدوليين :اليمن تعانى من مجاعة شاملة.الموظفون دون رواتب والناس دون غذاء أو دواء..........

لهذه الدرجة .....وماذا تقولين ياربيبة الإستعمار عن مايحدث فى سوريا الشقيقة وماذا ستقولين عن مايحدث فى ليبيا الحبيبة وماذا ستقولين عن ماحدث للعراق ظهير الأمة العربية وحائط الصد المنيع ضد هجمات المستعمرين ماذا ستقولين الأن عن مايحدث لمصر من إرهاب جماعتك ماذا ستقولين لله رب العالمين عندما يسألك عن دماء الضحايا وعن صراخ اليتامى وعن عويل الأرامل لااقول لك إلا حسبنا الله ونعم الوكيل.