الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !!

من قبل ‏‎Mohammed Haffz‎‏.

16 ساعة ·

كلنا بنتفرج على أعاصير وسيول وفيضانات أمريكا وبريطانيا والسعودية ، وتوسونامى دول آسيا ، وزلازل اليابان ، وبراكين بلاد واق الواق اللي بيروح فيها آلاف الضحايا والمشردين ،، وساعتها بنقعد نضرب كف على كف ونقول واحنا بنخشع وبنمصمص شفايفنا ونقول " محدش يقدر يقف أمام قدرة الله وغضب الطبيعة ، رغم قدراتهم المالية والمادية الرهيبة وأجهزتهم المتقدمة الجبارة اللى بتتنبأ بكل ده قبلها بكام يوم ، و بعدين نختم جو الخشوع والإيمانيات ده بكلمة سبحان الله .. ويمكن حد فينا يزود عليها صورة لواحد شايل طشت وحاطت فيه مراته أو عيل من عياله وبيعوم فى السيول فى دولة مانغوليا العظمى ويكتب تحتها إذا لم تقل ربنا ينجده ويساعده فأعلم أن الشيطان منعك ..... كلنا مثلا شوفنا لما السيول ضربت لندن الصيف اللي فات ، وشوفنا الجيش البريطاني لما نزل للمناطق المنكوبة وشوفنا البريطانيين وهما بيعوموا في الشوارع وبيسكنوا في خيام الإيواء ، وشوفنا بيوتهم ( اللي هي أحسن طبعا من بيوتنا في القرى ) اللي غرقت وإنهار العديد منها برغم إن شوارعهم وبنيتهم التحتية أحسن مننا بمراحل ( مات فيها 150 مواطن بريطاني )

.

كلنا شوفنا وبنشوف الكوارث الطبيعية دي في دول كتير ، وساعتها بس بنفتكر ونقول إن الطبيعة لما تغضب فمفيش أي مخلوق يقدر يقف قدامها ، وبنقول أي حاجة غير اننا نتهم حكومات الدول دي بالفشل أو بالعجز والتقصير ... " بس نيجي على أي ظاهرة طبيعية تحصل فى مصر زي السيول مثلا أو سقوط صخور من الجبال ونتحول فجأة لداروينيين المنطق والفلسفة وأساتذة التنظير ويختفى من دماغنا كل كلامنا عن غضب الطبيعة وقدرة الله و الإيمانيات الجامدة دي وتبقى الحكومة هي المسئولة الأولى والأخيرة عن موت الناس من السيول !!

تحس أننا بنطبطب على كتاف العالم كله الا كتافنا احنا !! بنجيب طين ونحط عليها !!

ملحوظة: الصور من بريطانيا العظمى

.

-------------------------

By: Tamer Azab

الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !! 14650286_1780629852184925_2532132032348783951_n

الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !! 14573001_1780630292184881_4951809648595519038_n

الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !! 14915435_1780630672184843_859211649253838385_n

الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !! 14908224_1780630888851488_4612406961043709138_n

الكوارث الطبيعية فى بلاد بره ربنا معاهم وعندنا أساتذة فى التنظير نطبطب على كتاف العالم كله الا كتافنا احنا !! بنجيب طين ونحط عليها !! 14639788_1780630485518195_6128930763807124708_n

Hassan Margawy فى حوار لا بل فى حرب كلام بين اللواء رئيس مدينة سفاجا والسيد اللولبى عضو مجلس النواب عن الدائرة افرغ عضو المجلس كل طلقات الفشخرة الكدابة على رأس رئيس مجلس المدينة وأعترض على جملة مساكن إيواء داخل مدرسة التنمية الفكرية وهى مدرسة مجهزة بحجرات مفروشة ومطابخ وخلافه وأعترض السيد العضو قائلا ليه يكونش بتسكنوا حيوانات أحمل المحافظ ورئيس مجلس المدينة بل أحمل الحكومة كلها المسئولية كاملة كنتم فين ياسادة قبل حدوث الكارثة ماذا أعددتم لها ويحاول رئيس مجلس المدينة أن يفهمه بأن ماحدث هو طوفان وليس بقدرة الدولة كلها مواجهته فى حينه رد بأنكم فشلة وعليكم بتقديم الإستقالة فورا وسأتقدم بأستجواب عاجل غدا لنعرف من المقصر فى حق المتضررين يقول له أن السيل جرف ألاف الأطنان من الطمى والطفلة وسد الشوارع الضيقة بأرتفاع يصل لمترين ممايعيق الحركة يرد لايمكن لماذا لم تطلبوا المساعدة من الجيش ياسيدى أمكاناتنا بسيطة وهى ألة واحدة فقط من كل نوع وهى لاتستطيع مجابهة أنهيار عمارة فمابالك بمدينة يرد لالا لماذا لم تطلبوا من المحافظ بل من الحكومة تزويدكم بالمعدات اللازمة ...ياسيدى على وجه السرعة تحركنا وطلبنا مساعدة شركات البترول التى حضرت بكامل معداتها ولولاها لكانت الكارثة اشد هذا تقصير وعليكم بتقديم أستقالتكم بل وتقديمكم للقضاء ياسيدى أعطنى فرصة اتكلم أنت تسكن فى الغردقة ولايراك شعب سفاجا لا بل أنا متواجد بينهم منذ الكارثة أنا لم اراك بل انا الذى لم أراك ياسيدى أنا المسئول التنفيذى عن المدينة لا بل أنا عضو مجلس النواب المسئول عن الشعب الذى انتخبنى .. وهنا المزايدة وركوب الموجة والتنطيط على حساب الغلابة .... وهنا السكن المؤقت فى مدرسة مفروشة يبقى بتسكنوا حيوانات وماشفش بريطانيا العظمى وهى بتسكن فى خيام منتهى جلد الذات