القرارات الإقتصادية الصعبة من أجل الإصلاح و...#هوامش_على_دفتر_الأزمة

Mohammed Haffz

************

#هوامش_على_دفتر_الأزمة

================

1- مصر بتستورد بنزين وسولار بسعر البنك الرسمي بالدولار، وبالأمس ارتفع الدولار رسميا حوالي 50% وكان من الطبيعي رفع سعر المحروقات

وعلي فكرة ما زال الدعم موجودا وبنسبة أكبر ( سنة 2010 كان لتر بنزين 92 بـ 185 قرش يعني تمنه كان يساوي تلت دولار بسعر الدولار وقتها .. والآن سعره 350 قرش يعني تمنه أقل من ربع دولار بسعر الأيام دي ) ..يعني البنزين دلوقت بعد الزيادة مدعوم بنسبة أكبر

.

2- اللي بيقول كنا نأجل القرار ده شوية ..لازم يعرف انه كده كده مع تحرير سعر الصرف الأسعار كلها هتزيد دلوقت ...

ولو اجلنا زيادة سعر البنزين والسولار لفترة كانت الأسعار هتزيد تاني وقتها برضه بحجة زيادة سعر البنزين وقت تطبيق الزيادة سواء بعد شهر أو حتى بعد سنة من دلوقت

قرارات الأمس كلها اضطرارية ولابد منها ولابديل عنها ولا مجال لتأخيرها أكثر من ذلك

.

3- الملك سلمان للأسف الشديد ، و ردّاً علي رفض السيسي المشاركة بجيشنا في تدمير سوريا واليمن والتقارب المصري مع روسيا ... أمر شركة ارامكو بعدم توريد حصة مصر لشهر اكتوبر بدون ابداء أسباب (رغم وجود اتفاق لمدة 5 سنوات بتسهيلات ائتماتية كبيرة) ، ولم تعترض مصر حتي لا تزيد توتر العلاقات ، ولأن مصر لا تنسي مواقف السعودية الداعمة سابقا

ولما طلبت مصر من الجزاير والكويت توريد نفس الكمية وافقوا ولكن بشرط السداد كاش وفورا وبالدولار.

.

4- قلت مراراً وتكراراً إن مصر بتواجه أكبر حصار اقتصادي في تاريخها وبتدفع تمن استقلالها ورفضها أن تكون أفغانستان أخرى وتبقي منفي اختياري لكل ارهابيين العالم وترويضهم بواسطة الاخوان الموجودين في حكم مصر .

.

5- و الآن .. لو مصر أرسلت جيشها لليمن وسوريا وطلعت الاخوان الارهابيين القتلة من السجون وقطعت علاقتها بروسيا والصين وألغت مشروع الضبعة النووي وتخلت عن ليبيا وجيشها ورجعت تدور في فلك امريكا ... معظم مشاكلنا الاقتصادية هتتحسن والحصار الاقتصادي غير المعلن هينتهي فورا ، وهناكل ونشرب ونستمتع ونأنتخ سنتين تلاته قبل الخراب الشامل المستعجل

لكن مصر العظيمة مستحيل تعمل كده

.

6- اللي خايف من اندلاع ثورة بسبب قرارات الأمس واهم

مفيش ثورة هتحصل وقيادات الاخوان في السجون وبره مصر وانفاق حماس تحت السيطرة وامريكا مشغولة بانتخاباتها وأردوغان مشغول باطفاء مؤخرته المحترقة داخل تركيا (لأن هما دول اللي عملوا 25 يناير المجيدة )

مصر الآن أقوى مما يتخيل أعداؤها

.

7- رغم كل شئ ..فأنا لم أكن أكثر تفاؤلا مما انا عليه الآن

لأول مرة بنواجه مشاكلنا الاقتصادية بجرأة وشجاعة ودون مسكنات ، وهنتعب وهنستحمل عشان نبني مستقبل أفضل لولادنا وأحفادنا

كل الدول اللي كانت زينا لما قررت تتقدم مرت بنفس الصعوبات اللي احنا بنمر بيها دلوقت ... والتاريخ ملئ بالنماذج الشبيهة

.

8- السيسي اللي شال روحه على كفه في 30 يونيو .. دلوقت شايل شعبيته على كفه وبيدفعها تمن لاتخاذ أصعب قرارات اقتصادية تأخرنا فيها كثيرا ... منذ السبعينات

.

#لم_تخذلنا_يوما_ولن_نخذلك_أبدا

#المجد_للثابتين

#الدواء_المر

##الله_أكبر_وتحيا_مصر