Mohammed Haffz
22 ديسمبر، الساعة 12:39 ص ·
الكلام المرة دي جاي من الغرب نفسه
يعني مش كلام دولجية مصريين مسكونين بنظرية المؤامرة
فاكرين..؟ مش هو دا نفس الكلام اللي قلناه وكررناه كتير في مقالات سابقة على مدى السنوات الماضية ؟
ووقتها محدش كان بيصدقنا ..
قلنا كتير إن السر وراء كل ما يحدث في المنطقة هو الصراع على منابع الغاز
وإن ما يحدث في سوريا تحديدا سببه الرئيسي وكلمة السر فيه هي خط أنابيب غاز نابوكو
الموضوع ده بالذات اتكلمنا عنه بالتفصيل في دراسة مطولة منشورة هنا على الصفحة منذ عام 2014 بعنوان "حرب أنابيب الغاز : الوجه الآخر للصراع في الشرق الأوسط "
(لينك المقال أول كومنت)
وعشان نفهم الحكاية ، لازم نجيبها من البداية
ماسورة الغاز الأم اللى بتغذي أوروبا حاليا جايه من روسيا ....
و الحاج بوتين لو زعل بس و حط ايده على محبس الغاز .... تترعب الحكومات الأوروبية لأن المواطن الأوروبي هيموت متجمد من البرد في الشتا و المصانع هناك هتقف.
• فكان البديل أن يتم استبدال روسيا كمصدَر للطاقة عن طريق مد خط غاز من قطر عبر الشمال السعودية ومنها إلى سوريا ثم تركيا ....تحت اسم خط غاز نابوكو .....
لكن نظام بشار عمره ما كان هيوافق على مرور خط الغاز القطري ده عبر أراضيه ، لأن ده يعتبر ضربة مباشرة لحليفه الروسي الاستراتيجي
عشان كده كان لازم يتغير النظام في سوريا لأنها متحالفة مع روسيا و مش هتسمح بالخطة دي ....
فكان لابد من تدميرها و تغيير النظام فيها واستبداله بنظام حليف للغرب ... و ده سبب استماتة روسيا في الدفاع عن سوريا و دعم بشار و النظام السوري .... لأن ما يحدث لسوريا موجه أصلا الى روسيا .....
• و زي ماهو باين من الخريطة اللي في الفيديو كده
الخط ده بيبتدي من قطر ويمر في الأراضي السعودية ليدخل إلى سوريا ومنها إلى تركيا ثم ينتقل منها الى أوروبا .....
• كل الدول اللي بينبع منها الخط أو بيمر في أراضيها من مصلحتها ضرب المصالح الروسية في أوروبا .. إلا سوريا.. وهنا كانت العقدة والأزمة
• محاولة تغيير مسار الخط المزعوم بتمريره عبر الأردن أو اسرائيل مثلا كانت هتتطلب إن الأنبوب ده يمر في مياه البحر المتوسط ومنه إلى اليونان ( العدو التاريخي لتركيا) ، وبالاضافة لكده كان هيخلي تكلفته عالية جدا ، دا غير انه كان هيحرم تركيا من الميزات الاقتصادية والاستراتيجية اللي هتجنيها نتيجة مرور خط الغاز عبر أراضيها ....
• وأيضا محاولة تعديل مساره ليمر عبر العراق شمالا ثم إلى تركيا كان أولا يعني مروره في مناطق نفوذ إيرانية ، وأيضا هيتطلب عبوره لمناطق الأكراد ، وده كان هيديهم ميزات اقتصادية واستراتيجية هائلة ، والأهم كان هيديهم ميزة تفاوضية في وجه الأتراك بما يعني انفصالهم رسميا عن تركيا والاعلان عن قيام دولتهم المستقلة ، وده مش ممكن تسمح بيه تركيا أبدا مهما كانت المكاسب
إذن فخط الغاز القطري لا طريق له نحو أوروبا إلا عبر سوريا
فقاموا بتطبيق خطة التخريف العربي و تخليق ثورة مزعومة في سوريا تحت شعارات الحرية والديموقراطية تارة ، أو تحت رايات مذهبية وطائفية تارة أخرى علشان تيجي حكومة حليفة للغرب وينجح مشروعهم في حصار الدب الروسي من جهة ، ومن جهة أخرى يجنوا من وراءه مكاسب اقتصادية هائلة تقدر بمئات المليارات من الدولارات
كانت ومازالت وستظل كلمة السر في كل ما يجري في سوريا هي كلمة "نابوكو"
شير من فضلك