ماذا قال الرائد " كريم بدر " .. اللى اتكلم فى الندوة التثقيفية للجيش عن تفاصيل معركة " كمين الرفاعي "

Mohammed Haffz

‏8‏ ساعات ·

الرائد " كريم بدر " .. اللى اتكلم فى الندوة التثقيفية للجيش عن تفاصيل معركة " كمين الرفاعي " .. اللى كانت واحدة من المعارك الفاصلة فى الحرب على الارهاب .. لأن الخطة كانت احتلال الشيخ زويد تحت أي ظرف من الظروف ، و مهما كانت التكلفة ، و التمسك بالارض لاعلان الشيخ زويد امارة اسلامية ، وقد تم مهاجمة جميع الكمائن الموجودة بالشيخ زويد بشمال سيناء فى وقت واحد تقريبًا، واشترك في هذه المعركة حوالى 1000 ارهابى ، و قٌتل منهم 300 و اصيب تقريبا قدهم و الباقى هرب .. ( فاكرين الرسالة اللي كانت بيبثها كلاب بيت المقدس وهما بيستغيثوا من العلقة اللى اخدوها ؟ فاكرين الحجونا الحجونا احنا مصابين ؟)

فشل المعركة دي كانت مصيبة كبرى بالنسبة لقطر و تركيا و الاخوان اللي صرفت مليارات تمويل و امداد بالسلاح و تدريب فى غزة

الرائد كريم بدر كان فى قوة الدعم اللى خرجت لمساعدة الكمائن فى الشيخ زويد بعد الهجوم عليها ، و-ملخص اللى عمله هو عملية ابادة و تحويل مجموعات كاملة من الارهابيين الى اشلاء و تعمد ضرب كل عربيات الدفع الرباعى لمنعهم من الهروب و استمر فى القتال حتى بعد اصابته

البطل ده فقد ذراعه في المعركة .. وكان بيقول لقيت دراعى مش موجود معايا ...شيلته وحطيته على سطح المركبة واستخدمت سلاحى الشخصى وكملت التعامل مع العدو ، و قلت للجنود الأبطال اللى كانوا معايا: في الوقت اللي انت هتحس فيه انى هكون تقيل عليك ومش هتقدر تخلينى من الموقع ، أنا عايز طلقة في دماغي علشان محدش ياخدنى وأنا مصاب كده "

البطل ده وغيره كتير من مصابى قواتنا المسلحة وشهدائها اللي فقدوا حياتهم فى سبيل الدفاع عنك وعن الأرض والوطن .. السؤال بقى : ياترى دراع البطل ده ممكن يساوى كم كيلو سكر ؟ .. طب كم كيلو زيت ؟ ..طب كم جنيه بيدفع فرق اسعار ؟؟ .. طيب زميله اللى استشهد علشان نعيش فى أمان يا ترى نقدر نعوض أمه عن فقدانه ؟؟ .. طيب يا ترى حياته اللى راحت تساوى كام ؟؟ طيب ياترى ازاي أمه قادرة تتحمل فراقه واحنا مش قادرين نتحمل غلا كيلو السكر ؟؟ .. فعلا ياريس كتير من المصريين مش عارف أبطال القوات المسلحة بيعملوا إيه .. وبيدفعوا تمن إيه !! .. قاعدين بس نولول على نسكافيه وقهوة غلت .. لا سكر مش موجود .. لا زيت مش عارف أيه .. لا والعجيب انه بنسمح باستغلال وطمع وجشع .. وبنشترى ونقعد بعدها نشتكى وبس .. لكن دور وفعل مافيش !! .. أبطال قواتنا المسلحة قد إيه حجم العقيدة .. وقد إيه حجم الايمان بالوطن والأرض .. أقسم بالله العلى العظيم .. ما يقدمونه من تضحيات لا يمكن أن يقدر بتمن !! .. ياريت نحس ونشعر ونتحمل مسؤولية .. تحية شكر وتقدير لأبطال قواتنا المسلحة والشرطة فى مهمتهم للحفاظ على الوطن والمواطن

#الجند_الغربي

.

-----------------------------------------------

By: Haithem Essam & Ali Mohamed

ماذا قال الرائد " كريم بدر " .. اللى اتكلم فى الندوة التثقيفية للجيش عن تفاصيل معركة " كمين الرفاعي " 16602883_1827258404188736_434277728851590566_n

» بطل من مصر ابن مصر (ملحمة بطوله كمين الرفاعي)
» على هامش أحداث الأمس أثناء إنعقاد الندوة التثقيفية للقوات المسلحة بمناسبة يوم الشهيد
» تفاصيل حديث مبارك لمرافقيه تعليقاً على 30 يونيو .. المخلوع: الناس اللى خرجت فى الشوارع أكتر من اللى خرجوا فى يناير.. والجيش فى مصر له وضع خاص ولا يمكن أن يرفض الاستجابة للشعب
» تصريحات الفريق أول / عبد الفتاح السيسى القائد العام للقوات المسلحة وزير الدفاع والإنتاج الحربى أثناء حضور الندوة التثقيفية الخامسة التى نظمتها القوات المسلحة اليوم بمسرح الجلاء . ــــــــــــــــــــــــــــــــــــــــــــــــــــــــــــــــــــــــــــ
» المتحدث العسكرى يكشف جانب من تفاصيل معركة الأمس: قواتنا هاجمت الإرهابيين جنوب "التومة" بالشيخ زويد فى عملية نوعية..ومقتل وإصابة 25 وتدمير مخزن ذخيرة..ونحرص على عدم نشر كل التفاصيل حرصا على السرية**