Mohammed Haffz
*******************
الهري ابتدى
الحق .. السيسي كان علي علم بضرب سوريا
الحق .. السيسي كان رايح امريكا عشان يتعرض عليه ضرب سوريا ووافق
الحق .. الصواريخ اللي انضربت علي سوريا السيسي هو اللي مجمعها في الحرفيين و مربطها بنفسه !!!
هري هري هري هري
شوف يابني
أولا ..أمريكا مش مستنيه اذنك عشان تضرب أي مكان في العالم
ثانيا .. ليا الشرف ان رئيس بلدي كان واضح من أول يوم انه مش هايوافق علي ضرب الجيش السوري وانه لازم حل سلمي، وكان واضح ان رئيسي اللي جاي من الجيش المصري مازال فاكر معني كلمة الجيش العربي السوري كويس اوي
ثالثا… ليا الشرف .. ان بلدي اتقطع عنها النفط و تم التضييق عليها اقتصاديا من السعودية وكل دا فقط بسبب معارضة الدولة المصرية لمنهج السعودية المستخدم تجاه سوريا
فالسيسي لو عاوز يبيع .. كان ممكن يبيع بالغالي بمجرد بس انه كرئيس لمصر يوافق علي تدمير سوريا ، ووقتها كانت الخريطه هاتتغير
رابعا… ابحث عن المستفيد من الضرب الامريكي لسوريا
السعوديه مثلاااا اللي صرفت مليارات في سوريا وكانت اول دوله في العاااالم تؤيد الضربة الامريكيه…
أو قطر مثلا
الطامحة في ابتلاع أنبوب النفط السوري
أو تركيا مثلا
الحالمة بتفتيت سوريا وابتلاع مناطق منها وضمها إليها
أو الاردن مثلا
وبمناسبة الأردن .. احب اقول للملك .. تسلم ايدك يا شبح
لا بجد.. كله تمام
=======
قبل ما نهري أو نساعد في الهري
نفكر كويس ، ونجيب ورقه وقلم
ونشوف مين مستفيد ؟ ومين خسران ؟ ومين مالوش نصيب في التورتة ؟
=====
لكن لو عاوز اتكلم معاك هاقولك
انا الراجل بتاع نظرية المؤامرة
ممكن أصدق تفكيري لو قالي ان ترتيب الزيارات بتاعة الرئيس و ترتيب توقيت المجزرة بتاعة الكيماوي في سوريا وترتيب توقيت الضربات الأمريكيه قد يكون كله مترابط وتم التخطيط له لاحراج الرئيس بتاعك اللي يكاد يكون الوحيد اللي عارض ومازال يعارض صررراحة ما يحدث في سوريا و سلوك السعودية وبعض دول الخليج فيها
زي بالضبط لما صدقت ان اسرائيل عشان تحرجك
كانت بتهاجم غزة في الوقت اللي انت بتهدم فيه الأنفاق
عشان يتقال ان مصر باعت القضية
ومصر اتفقت مع اسرائيل على الفلسطينيين
ركز معايا كده وقوللي هتستنتج إيه لما تعرف إن
الموقع الذي استهدفه الأمريكان بخمسين صاروخ فجر الْيَوْمَ في سوريا
هو نفسه موقع انطلاق صواريخ الاعتراض السورية التي أسقطت طائرة ضمن سرب طائرات الاختراق الصهيوني للأجواء السورية قبل أسبوعين وواحد من أهم مواقع الدعم #اللوجستي للجيش السوري في حربه ضد داعش ؟؟
مرة أخرى .. #فتش_عن_المستفيد
وسلامو عليكو
.
---------------------------
ESLAM ELBAHRAWY