متخافوش على مصر .. اصلها حمايه ، آه والله

متخافوش على مصر ..

اصلها حمايه ، آه والله ،

مصرحمايه ربانى موش انجليزى :-) ، ليه ؟! .. حاضر نقول ليه ..

اما ربنا سبحانه يجعل منها وطن للنبي ادريس اللى علم للدنيا الكتابه ( العلم ) والزراعه ( العمل ) يبقي متخافوش على مصر .

اما يهرب اليها ابو الانبياء ابراهيم ويجعلها ربنا ملاذه الامن ، متخافوش على مصر .

ولما يتربي فيها موسي ويتعلم التوحيد في جامعة أون ( اقدم جامعه علي وجه الارض ) ، ويكلمه ربنا في سينا دونا عن ارض الدنيا كلها ، يبقي متخافوش على مصر .

ولما يلجأ اليها يوسف ويتربي ويبقي امين على خزائنها الاكبر فى الارض وقتها ،

يبقى متخافوش على مصر .

واما تبقي مصر القرار والمَعين لروح الله وكلمته ، هو وامه الصديقه ونبي الله زكريا علشان يحتموا فيها من بطش الظالمين ، يبقى متخافوش على مصر .

واما يمر بيها الحبيب صلى الله عليه وسلم فى عروجه السما ، يبقى متخافوش على مصر .

البلد اللى ربنا اختارها يتجلى بذاته ونوره ويتكلم فيها بصوته سبحانه تبقي حمايه ربانى ميتخافش عليها ، يتخاف منها ، وكل اللى بيحصل ده لانهم بجد خايفين منها .

» والله أحبك وأتمنى ماأفقدك
» والله عار على التاريخ
» (ويمكرون والله خير الماكرين ويمكرون والله خير الماكرين)
» عمار والله يا مصر ارض الفراعنه
» قصة مخيفة والله...........#الخواتيم