بتسأل زى ناس كتير هوا ايه اللى حصل و اللى بيحصل و خلى مصر تتعاقد على صفقات أسلحه حديثه

‏ من قبل ‏‎Omar Hashish‎‏.

....................................

Front national pour les Egyptiens -الجبهه الوطنيه للمصريين

بتسأل زى ناس كتير هوا ايه اللى حصل و اللى بيحصل و خلى مصر تتعاقد على صفقات أسلحه حديثه ولهما مميزات ومهام خاصه

تعالى معايا نفكر سوا وبصوت مسموع يمكن غيرنا يسمع ويعرف ليه مصر بتعمل صفقات التسليح دى اللى المغيبين بيقولوا كان جابلنا بيها زيت وسكر افضل

القياده المصريه تسطر اقوى ملحمة وطنيه "رقصنا مع الكبار رقصه الموت واردنا الحياه فانتصرنا لها"

ماهى الحكايه كانت من هنا

ما هو مفيش عدائيات الحدود الغربية كان القذافي مظبطها و في الجنوب كان البشير معاك تمام ومفيش مشاكل والحدود الشرقية انت مسيطر ومظبط الدنيا مع اسرائيل وحماس .. امريكا زي الفل معاك .. علاقاتك الخارجية مية مية و الكل بيعملك حساب

فجأة انقلبت الدنيا .

ليبيا بقت مرتع للأرهاب ,السودان طلعت فجأه تقول حلايب وشلاتين وبدأت تعمل معاك مشاكل .

اثيوبيا عايزة تبني سد وتملاه في تلت سنين ومش مهم مصر تعطش تموت

حماس عايزة انفاق وتسيطر عليها ومصر ملهاش دعوة بيها كأن سيناء دى مش قلب بلدنا ولا سيادتنا

اسرائيل كل شوية تجس نبضك انا انضرب عليا صاروخ من سينا انا واحد حدف علينا طوبة وكلام هري وخلاص

حتي البحر الابيض تركيا بتقولك ده بتاعي وحدودي ومحدش هينقب فيه عن غاز ولا مصر ولا اليونان ولا قبرص وان كان عاجبكم

حتي البحر الاحمر كل شوية ايران تيجي تخمس بالسفن بتاعتها شوية وتمشي .

عندك قطر وتركيا بدعم وبتحرض وبتخطط لأي مشروع ارهابي لضرب استقرار مصر .التمويل القذر.. الثنائي "قطر وأنقرة" يسلحان "داعش".. الدوحة دفعت نحو ملياري دولار لترسانة التنظيم.. وتسهيلات لوجستية من إسطنبول تدخل سرًّا للعراق ودمشق..

الدول العربية كلها بتنهار .. سوريا راحت واصبحت ارض لتجارب الاسلحة الجديدة وعرضها و العراق بتحاول ترجع ومش عارفة و ليبيا خلاص اصبحت دويلات بدون جيش ,واليمن بقالها سنتين السعودية وحلفائها بيضربوا فيها

الموضوغ بقي خطير ومفيش مكان للضعيف

طيب و احنا هنقف نتفرج ونفضل زي ما احنا

نعتمد علي القرشين بتوع المعونة ونجيب بيهم كام حتة اف 16 علي كام سفينة بيري كلاس استعمال امريكي ونصنع كام دبابة علي كام مدرعة وخلاص زي ما احنا ماشيين

ولا نطور قدراتنا و قواتنا وجيشنا عشان نواجه كل التحديات و الكبير والصغير يعملك احترام وحساب

ما انت بقيت في عالم لا يعترف ولا يحترم الا القوي وبس

وفعلا رجالتنا قررت برئاسة السيسي و قالت هنخلي جيشنا من اقوي 10 جيوش بالعالم .. والتحدي كبير وصعب اوي

وكانت البدايه بالقوات الجوية

رجالتنا جابت الرافال افضل مقاتلة في الجيل الرابع دوبل بلس بعدد 24 و 12 اضافيين وببصمة شبه شبحية عشان تفتحلك ثغرات و تقصف جراحي وتشتبك بصواريخ ميكا خلف مدي الرؤيا لأول مرة بصواريخ ميكا والسنة الجاية بصواريخ ميتيور الاوربية . وكمان قدرة علي الرصد السلبي لأول مرة بفضل منظومة اسبكترا .

بعد كده خدنا من روسيا 46 مقاتلة ميج 29 ام 2 ادفانسد ميج 35 اقوي مقاتلة اعتراضية بمنظومات واجهزة هي افضل ما توصلت أليه روسيا حتي الان .

ضغطنا علي امريكا عشان تدينا باقية الصفقة بتاعتنا في ال اف 16 بلوك 52 لغاية ما خدنا العشرين مقاتلة .

طيب وال 200 مقاتلة الاف 16 الي بلوكتها 15 و 30 و 40 هنسيبهم بدون تطوير لاا طبعا دخلنا واتفوضنا علي تطوير اسطولنا للمعيار فايبر اقوي معيار في الاف 16 ورئيس قواتنا الجوية قال البداية ببلوك 15

طيب و المروحيات معندناش غير 43 مروحية هجومية من نوع اباتشي وامريكا مانعه عننا بعض المنظومات و الاجهزة فيها زي اللونج بو و باقية المروحيات اسطول عتيق من الميل 8 و 17 علي شوية شنيوك علي مروحيات جازيل الخفبفة

الرجالة بتوعنا مسكتوش طبعا واتعاقدوا علي مروحية جبارة لا تقل عن المقاتلات في شيء وهي الكاموف 52 النسخة البرية اليجاتور وبأحدث المنظومات وبحمولة تسليح اتنين طن ونص وبعدد كبير 50 مروحية كمان طوره مروحيات الميل 8 و الميل 17 وفتحنا قسم في مصنع الطائرات لتطويرهم عندنا واضافنا عليهم منظومات حديثة منها بريزدينت أس .والاباتشي زودناها بأجهزة ومنظومات حديثة

وكمان هنتعاقد علي مروحيات nh90 احدث صائدة غواصات بالعالم وكمان جبنا سبعة مروحيات اضافية سي سبرايت لمكافحة الغواصات من امريكا .

طيب ومقاتلات السيادة الجوية اتعاقدنا علي 29 مقاتلة سو و التلفزيون المصري هو الي قام بالاعلان وطبعا اكيد هو رجع للشئون المعنوية عشان ياخد المعلومة اصلهم مش هيألفه .

دخلنا بعد كده علي مقاتلات التزود بالوقود مصر دخلت في مفاوضات مع ايرباص عشان نجيب الطائرة a400 والشركة هيا الي اعلنت عن كده بعدد 10 الي 12 طائرة

حتي طائرات الشحن و النقل جبنا 24 طائرة كاسا واستلمناهم كلهم وكمان اتعاقدنا علي طائرتان سي 130 سوبر هيركليز .

وطائرات الحرب الالكترونية زودنا اعدادها وبقيت 11 طائرة ايه هوك .

وده مش كل حاجة دي مجرد بداية مش اكتر .

- علينا الاستعداد لما ينتظرنا من مستقبل، يحمل لنا الكثير من الخير والأمل،ويتطلب منا العمل الشاق، لتطوير أنفسنا ورفع قدراتنا،يجب أن نعي أن القوي الخارجية لن تتوقف عن محاولات التشتيت وإثارة الفتن وإيجاد المشكلات.

-رغم كل ما يحاك ضد مصر، إلا أن السنوات السبع العجاف قد أوشكت علي الانقضاء بإذن الله …

ستبقى مصر الدولة الاكثر وعيا وفهما لحقيقة اللعبة التى راقبتها من بعيد ولم تستدرج إليها بل والتى لم تدفع للاشتراك فى اى من المحاور الكاذبة التى صنعت جميعها لبناء عقبة كبيرة لمصر.. وستعود الدولة الاكثر تأثيرا بالمنطقة ويتأكد دورها من جديد

-اذا كان زمن المعجزات قد انتهى فإن الشعب المصري هو المعجزة الخالدة، والذي بسواعده وسواعد أبنائه ورجاله، يتحقق دائما العهد الإلهي بحفظ مصر

انشر وشير وخليك الاعلام الايجابى لضمير الوطن

Omar Hashish