انتصار المخابرات المصرية " ، و انتصار الدبلوماسية المصرية .

Mohammed Haffz

...............................

المرحلة اللي فاتت دي - اللي هي آخر 7 سنين في منطقة الشرق الأوسط - هيتكتب فيها كتب و مجلدات ، ولازم وانت بتكتبها تسيب أبواب و فصول كاملة تحت عنوان .." انتصار المخابرات المصرية " ، و انتصار الدبلوماسية المصرية .

.

تعالوا احكي لكو عن معركة صغيرة و حديثه جدا انتصرت فيها الدبلوماسية المصرية و نجحت بامتياز ، هو ايه اللي حصل في الإسبوع اللي فات ده ؟ و ايه حكاية مقاطعة قطر ؟

.

1- نشرب بؤ مايه و ناخد نفس عميق و نستريح في قاعدتنا عالكرسي ، و نجيب طبق بطيخ ساقع من التلاجه و ناكله بمزاج ، و نعرف ان السياسه مش فتحة صدر ولا بتمشي بطريقة هوباهيصا .

.

2- من سنتين كان وضع المنطقة بالنسبه لمصر عامل ازاي ؟ وانت مغمض عنيك كده .. تكتّل قوي جدا .. كله ضد مصر و مصالحها بشكل أو بأخر .. تكتل بيشمل دول الخليج مجتمعة و تركيا وغيرها ، و انت متحالف مع نفسك.. مفيش دوله تتحالف معاها ... الدول اللي كانت تنفعك في وقت زي ده هي الدول اللي وقعت ( أو وقّعوها عمدا ) .. سوريا و العراق و اليمن و ليبيا ، طب تعمل ايه بقى ؟ .

.

3- تمارس السياسة بطريقة مصارعة التيران و تنطح راسك في التحالف و التكتل الضخم اللي كله ضدك .. يعني تقطع علاقتك بالسعودية و دول الخليج و قطر و تركيا و أمريكا و بريطانيا و حلف الناتو ؟ طب هتتسند على مين و على ايه ؟ اقتصادك ضعيف ، و احتياطك النقدي سئ جدا و عندك ملايين العمال في المنطقة دي بيشتغلوا ، وبعد خراب ليبيا فانت مش حمل رجوع تلاتة اربعة مليون عامل من الخليج .

.

4- اللي حصل ايه ؟ والدبلوماسيه المصريه بتاعة السيسي و سامح شكري كانو بيمدوا حبال الصبر ليه ؟ طب وصلوا لايه في النهاية ؟ .

.

5- اللي حصل يا سيدي و شوفته بعينك في الأسبوع الأخير هو باختصار عملية تفكيك للتحالف ده من الداخل .. يعني تدخل جواه و تفككه لمكعبات .. و تاخد كل مكعبين على جنب عشان تعرف تتعامل معاهم .

.

6- اللي حصل انك دخلت منطقة الخليج بشكل مختلف بعد ما صوتك اتنبح في انهم يفهموا و مافهموش .. فدخلت عن طريق المعلمه الكبيره ( أمريكا ) , وماله مايجراش حاجه , و قدرت تفصل مكعبين من التحالف ، اللي هما قطر و معاها تركيا .. يعني ايه الكلام ده و فين الانجاز ؟ .

.

7- يعني قطر كده جت لك في الوسع بعد ما مصر قدرت ترفع عنها الغطاء الخليجي و الأمريكي ، و ده معناه انه لو فكر تميم ابن موزه مجرد تفكير في انه يدعم أي عملية ارهابية في مصر الفترة الجايه هيكون الرد قاسي جدا ، في قلب الدوحة و قدام العالم ، انت وصّلت العالم كله للاعتراف بأن قطر بتدعم الارهاب بشكل رسمي.. يبقى لما تدوسها برجليك محدش هيقدر ينطق ، ولا حد هيقدر يحميها منك ، لا جنود الأغا اللي بيقلعوا ملط ولا ميليشيات الحرس الثوري الإيراني .

.

8- واللي حصل كمان ان خليفة الشواذ إتزنق في خانة اليك وبقى بين نارين .. يدعم قطر و يتخلى عن الدعم الاقتصادي السعودي لتركيا واللا يعمل العكس ؟ مانا قلت لك انت بتفكك التحالف ، و اخترت الدول اللي علاقتك بيها ما ينفعشي تقطعها مهما حصل ، زي السعودية و الامارات ، و ده مش معناه اننا نسينا مواقف السعودية الهباب ، لكن السياسة كده .. ميفهاش ديمومة ، ولا فيها جواز كاثوليكي ولا فيها طلاق بيّن .

.

9- المعركة الدبلوماسية اللي لعبها السيسي و سامح شكري من سنتين و اللي شوفنا نتيجتها من كام يوم دي ماينفعشي تتقيم بالنصر و الهزيمة أو النجاح و السقوط ، انما يلزمها تقدير ... و التقدير اللي تستحقه هو الإمتياز ، يعني مش بعيد يتعمل فيها رسايل ماجستير و دكتوراه و تتدرّس في كل كتب السياسة في العالم .

.

-----------------------------

By: Mohamed Hussein