الحمد لله ربنا معاك يامصر.

Hassan Margawy

.....................................

*الحمد لله ربنا معاك يامصر.

*الحمد لله اللي بنشوفه ده خير ويبشر بالنصر

فتحتي قاعدة محمد نجيب العسكرية وبينتي للعالم إنك قوة جبارة لايستهان بها وفردتي قلوعك وإفتخرتي وتبخترتي بقوتك وقولتي للدنيا وللعرب من حواليكي بإنك السند والظهير والداعم لهم وقت الشدة وعملتي عرض عسكري طلعتي فيه وإستعرضتي سلاحك وأبناءك لترهبي به عدو الله وأعداءك.

*بعدها بيوم يطلع أسد من ولادك بدبابة ضخمة مهمتها القتال في حرب مفتوحة يطلع البطل إبنك ويشاهد سيارة بها إنتحاريين إرهابيين كانوا في طريقهم ليفسدوا فرحتك ويحولوا فرحك لمأتم كبير ويظهروا للعالم بإن قوتك اللي إستعرضتيها قوة فنكوش مالهاش لازمة مش قادرة تحمي نفسها ولاشعبها يبقي حتحمي غيرها إزاي.

*قام البطل المغوار إبنك ماهموش إن السيارة مفخخة وممكن تنفجر فيه وفي دبابته ويكون اللحظة دي أخر عهده بالدنيا ماخفش الموت إنما خاف علي بلده خاف علي شرف بدلته العسكرية خاف علي المدنيين من حوله ده كان واقف في الشارع وسط مدنيين وسيارات المدنيين يعني ده مش ميدان قتال ولامكان للرماية وفي لحظة خد قرارة يرجع للسيارة ويدهسها وبكل حرفنه وحرفيه ومهارة ياخدها بزاوية مايلة عشان يركبها وركبها وهرسها بمن فيها وعاد بسرعة لموقعه باللف والدوران وكأنه بيقود سيارة 128 وينقذ الكمين وينقذ الناس ويسطر ملحمة العالم بيدرسها في ذهول

* الدبابة ماكنتش ماشية ودهست السيارة عشان العالم يقول حادث سير لا بل قام طاقمها بالدهس بعد الإصرار والترصدة بالعودة للسيارة ودهسها وقيام باقي أفراد الحراسة بسرعة إخلاء المنطقة من البشر في أقل من 15 ثانية قبل إنفجار السيارة في مهارة فائقة تدل علي شجاعة ومهارة وإستعداد الرجال .

*العملية عملت رجه وردود أفعال في العالم.

*العملية مسحت كل المليارات اللي صرفوها من أجل تشويه الجيش المصري.

*العملية رفعت من الروح المعنوية لجموع مصر.

*وفي اليومين السابقين تمكنت قوات الجيش وقوات إنفاذ القانون في شمال سيناء من توجيه ضربات قاتلة وموجعة للإرهابيين في عملية حق الشهيد من قتل 40 عنصر وإلقاء القبض علي 9 عناصر وتدمير عشرات سيارات الدفع الرباعي والدرجات البخارية وورش تصنيع المتفجرات وتدمير أكثر من 100 عبوة ناسفة وسيارات مفخخة.

* في اليومين السابقين قامت قوات الأمن بإستهداف عناصر من حركة حسم الإخوانية الإرهابية وصفوهم في صحراء الفيوم تبعهم بالأمس الضربةالموجعة بتصفية الأربع إرهابين المتورطين بحادث الإعتداء علي سيارة الشرطة بالبدرشين وتم العثور علي الأسلحة التي سرقوها ومعها القمصان الواقية من الرصاص الخاصة بشهداء الشرطة في رسالة مفادها بأننا أقوياء ونستطيع أن نصل إليكم مهما إختبأتم.

* بالأمس كانوا عاوزين يردوا ويرفعوا من روحهم المعنوية المنهارة ويضربوا كرسي في الكلوب فوجهوا سيارة دفع رباعي يقودها إرهابي إنتحاري ومحملة 1،5 طن من المتفجرات داخل براميل كي يقتحم قاعدة محمد نجيب العسكرية الجديدة ليه؟

《عشان يعمل أكبر قدر من الخسائر》

《عشان يرفع من روحهم المعنوية ويأثر علي روحنا المعنوية》

《عشان يعمل زيطة وبروباجندا في العالم بإن القاعدة اللي إفتتحها السيسي واللي إتباها بها المصريين والمدججة بالسلاح طلعت فنكوش وماقدرتش تدافع عن نفسها يبقي حتقدر تدافع عن غيرها إزاي》

《عاوز يوصل رسالة للعالم بإنهم موجودين وعلي الأرض》

《عاوز يطمئن أتباعة بإنهم لازالوا أقوياء 》

*بس يامؤمن عشان ربك اللي حارس وعشان ربك مش عاوز يشمت حد في البلد دي وعشان عندك أبطال ورجالة تاكل الظلط تصدوا بكل شجاعة وجسارة للسيارة وقتلوا الإرهابي قبل مايفجر السيارة وقطعوه إربا وتعامل المهندسون العسكريون مع السيارة وأبطلوا مفعولها.

* عشان كده لما ترجع لأول البوست حتلاقي سطرين.

* الحمد لله ربنا معاك يامصر.

*الحمد لله اللي بنشوفه ده خير ويبشر بالنصر.

♡مش قلت لكم مصر محفوظة .

*أنصرها يارب.

******************

hassanmargawy.