للأسف فى بلدنا اللى بيحاول يصلح بيشيل الهم كلة واللى بيأرتخ ويصهين و يكبر بيعيش ملك .

Tamer Azab

.......................

أسف طويلة شوية بس لو سمحتوا إقرأوها

تصدق بالله ..

- مش السيسى اللى عمل القضية الفلسطينية ! دا بيحاول يحلها وربنا .

- مش السيسى اللى هرب أثار مصر اللى مالية العالم من شرقة لغربة دى بتتهرب بقالها مئات السنين حتى إسأل الشوباب التاهر اللى كان بيكسر فترينات المتحف المصرى أيام الوكسة والعار

- مش السيسى اللى إخترع أحداث بورما على فكرة دا إحنا بنسمع عنها منذ نعومة اظافرنا وربنا ، بس أول مرة بقى مصر يبقالها موقف معلن فى الموضوع دة .. تصور ؟

- مش السيسى اللى دمر التعليم وخرب المستشفيات و خلى العنكبوت يعشش فى القطاع العام و فرتك البنية التحتية و خسف بالزوق العام والاخلاق للحضيض و همش دور الأزهر وفتح القنوات الدينية و القنوات التبشيرية على النايل سات و اتسبب فى ان المواطن المصرى ملوش كرامة فى مختلف البلاد و ركب طبقة ماتجيش واحد فى المية من تعداد الشعب على الشعب كلة و نشر الفساد والواسطة والمحسوبية والتوريث فى كل المجالات بحيث إنك تلاقى محاكم بالكامل بتنتهى بإسم عيلة واحد وهكذا ،، ولا هو اللى ساب الناس تلزق نسور وتحط ميزان على عربياتها علشان البشاش يعدى والمواطن الكُخة مايعديش ،، ولا هو اللى ساب اثيوبيا تبنى سد النهضة و لا هو اللى زرع الجشع فى قلوب التجار ولا هو اللى جنب أهل سيناء لحد ما بقوا حضانات للإرهاب ولا هو اللى أهمل صحراء مصر ومزرعهاش ولا هو اللى كان بيشوف الإعلاميين بيشرشحوا لبعض على الفضائيات ويشتموا دول تانية ويعملوا أزمات دولية ويصهين ولا هو اللى كبر دماغة لحد ما تجار المخدرات كانوا بيقفوا على جوانب الطرق وأمام المدارس يبيعوا بضاعتهم ولا هو اللى دمر الرقعة الزراعية فى مصر وخسف بالمحاصيل الاستراتيجية الارض ولا هو اللى أهمل صعيد مصر لحد ما بقى كيانات جوه كيانات جوه عصبيات ولا هو اللى سقى الإخوان لحد ما نبتوا مؤسسات إقتصادية ضخمة إتحكمت فى إقتصاد البلد شرقها وغربها .

أه وربنا مش هو اللى عمل ده كله وغيرة كتير كتير .. دا هو إستلمها كدة زى ما حضرتك سمعت .. دا هو بيحاول مع كل ملف من الملفات دى زى ما حضرتك مش عاوز تاخد بالك .. معلش أنا عارف إنك إتفاجأت لانهم كانوا مفهمينك إنة هو اللى عمل ده كل لما عملولك عملية نقل مخ من بطريق فبقيت عارف إنت طائر والا من الثدييات والا من الزواحف ولا عارف تنط والا تعوم والا تطير !!!

يا أبنى ركز شوية ... الراجل أخدها كدة بلفتها .. أه ممكن نختلف معاه وإحنا ماشيين فى الطريق على بعض إجراءات وطرق تنفيذ الحل لكل البلاوى دى بس يبقى عبيط البعيد اللى يقول السيسى سبب فى اى اَفة من اَفات مجتمعنا ،، بس للأسف فى بلدنا اللى بيحاول يصلح بيشيل الهم كلة واللى بيأرتخ ويصهين و يكبر بيعيش ملك .

» مصر صلدة غير قابلة للكسر واللى اللى عاوز يجرب يقرب
» بتسأل زى ناس كتير هوا ايه اللى حصل و اللى بيحصل و خلى مصر تتعاقد على صفقات أسلحه حديثه
» اللى بيحصل في اوروبا ده بــ يحطم ويهدم عقدة الدونية اللى تم زرعها عندنا فى نفوس وعقول أجيال متعاقبة ..
» ‏اهداء لكل مغيب أو عامل نفسة مش واخد باله ‏الى الناس اللى مش شايفه اللى بيحصل فى ‏البلد او عاملة مش واخدة بالها ومتنكدة
» تفاصيل حديث مبارك لمرافقيه تعليقاً على 30 يونيو .. المخلوع: الناس اللى خرجت فى الشوارع أكتر من اللى خرجوا فى يناير.. والجيش فى مصر له وضع خاص ولا يمكن أن يرفض الاستجابة للشعب