ياجماعة الموضوع جد خطير. الدعم * منظومة الخبز * سلع البطاقة التموينية * الفساد * المال الحرام والسحت *

Hassan Margawy

......................

ياجماعة الموضوع جد خطير.

الدعم * منظومة الخبز * سلع البطاقة التموينية * الفساد * المال الحرام والسحت *

-----------------------------------------------------------------------------

موضوع كلنا عارفينه وحسينه ومجربينه.

موضوع بنطرحه إهداء للرقابة الإدارية فن الكيل طفح بينا.

* الدعم: تدعم الدولة السلع والخدمات والتى هى فى الساس لحساب الفقراء والمعدومين والمهمشين ومحدودى الدخل والطبقات المتوسطة والقل فقرا ولكن عبر ازمنة بعيدة ظل الدعم لايصل لمستحقيه بالمعنى الدراج فهناك فئات لاتستحق إقتطعت جزأ منه لحسابها وهناك فئات أمتطت المنظومة لتتكسب كسب حرام وتوجه دفة الدعم لصالحها دون رادع من قانون أو رقابة فعالة فالمسئولين عن توزيع الدعم هم سارقوه والرقابة على الدعم تحتاج لرقابة لتضبطها وتحاسبها وتردعها فهم افشكالية الصعبة فى تلك المنظومة .

* الدعم: عينى مثل السلع التموينية ومنظومة نقاط الخبز . ونقدى فى سلع وخدمات اخرى تحركها الدولة من آن لأخر لضبط إيقاعها مثل المحروقات والكهرباء والمياه والمواصلات وغيرها.

* طالبنا بالدعم نقدا والبدأ بالفئات الأكثر فقرا من الطبقات الدنيا على سبيل التجربة مثلا وكان لنا محاذير من الدعم النقدى .

1ـ ألا يكون ثابتا وإنما متحرك مع تحر ك التضخم وأن تكون السلع الرئيسية كالزيت والسكر والأرز إسترشادية لتحديد قيمة الدعم النقدى وان يراجع مرة كل ستة شهور على القل.

2ـ ضبط الأسعار فى السوق للحد من جشع التجار برفع الأسعار على السلع فيلتهم الدعم النقدى وذلك من خلال أليات العرض والطلب وسياسات الإغراق والإحتكار والتصدير والإستيراد وتحديد الرقع الزراعية للمنتجات الرئيسية كالسكر والأرز والبذور التى تنتج الزيت..

3ـ قوانيين وتشريعات ناجزة فى السياسة النقدية للدولة.

4ت تشديد الرقابة وعقوبات رادعة على كل الخارجين على القانون.

5تتفعيل الرقابة الشعبية فى كل الأحياء من خلال مسئولية إبلاغ السلطات فقط عن المخالفين.

** منظومة الخبز **

--------------------

وما ادراك مامنظومة الخبز.....منظومة الخبز عش الدباببير وبؤرة الفساد وخميرة السرقة والتى تجرى تحت سمع وبصر مكاتب التموين بل بمعرفتها أحيانا.

*منظومة الخبز...سرقة كروت سرقة روابط المنظومة سرقة وزن رغيف الخبز خصوصا أيام الجمع والعطلات .

*منظومة الخبز: حاليا يقوم عدد لابأس به من المخابز بسرقة علنية وهى عدم خبز الخبز بل بيع السلع التموينية للمتعاملين بدلا من رغيف الخبز يطلب من الزبون ماذا تريد علبة سمنه اضرب بخمسة جنيه على الماكينة وخد علبة السمن خد زيت وسكر وأرز بدل الخبز ومش حناخد منك حاجة خالص ولااى رسوم ولا نهب البقال ولاتمغات ولاديلو ماعليك إلا تعطينا البطاقة ونعطيك اكتر من اللى بتاخده من عند البقال وعند التفكير فى ذلك الأمر وجدنا أن الدولة تدعم الخبز وتشجع الناس على توفير الخبز من خلال نقاط وتعطى المواطن عشرة قروش عن كل رغيف يوفره ومعاه طبعا الخمس قروش اللى كان بيدفعها لشراءه ويقدر بالعشرة قروش يشترى اخر الشهر سلع تموينية من عند البقالوده عشان نوفر العملة الصعبة اللى بنستورد بيها القمح مش كفاية سرقة فى التشوين كمان لأ نسرق عند المخبز وعند البقال ولكن فساد بعض أصحاب المخابز ومعهم موظفى مكاتب التموين حولوا المنظومة لصالحهم ياخذون دعم الدولة عن كل رغيف دون أن يخبزوه ويوفروا الطاقة وأجور العمالة وكمان يكسبوا من وراء بيع السلع وكمان يعطوا المواطن مبالغ اقل مما يأخذوه من الدولة وكل ده موظفى التموين فى نوم عميق فى أجازة مفتوحة من العمل ليه ؟ لإن لهم حصة عشان كل اللى بيجرى تحت نظرهم وبرضاهم ولايحركون ساكنا...يبقى هنا دور الرقابة الإدارية واجب لحماية أموال الدولة وحق المواطن.

* سلع البطاقة التموينية *

---------------------

نيجى على سلع البطاقة التموينية والحصة الشهرية للمواطن.

يارقابة الإدارية نبوس راسكم مفيش بقال واحد بيلتزم بالإيصال الخارج من ماكينة الصرف اللألكترونى.

البقال بيرفع من سعر السلعة خصوصا الزيت ليه لإن المواطن مبيعرفش يحدد سعر زجاجة الزيت واللى بيضحك عليه ويقوله فى بسعر كذا وبسعر كذا وطالما تعددت الأسعار خد عندك ومتسألش دى بكام والقانون بيحدد سعر السلعة وكمان ربح التاجر وكمان واحد جنيه على كل بطاقة للتاجر وربع جنيه مصاريف ألكترونية ولكن كل تاجر وشطارته ده بيحط على البطاقة خمسة جنيه زيادة وده يحط سبعة جنيه وده بيحط عشرة جنيه والغلابة تاخد وماتسألش ليه خد سلعه بمئتى جنيه مثلا ببلاش مش موضوعنا نسأل عن خمسة جنيه بتاعة إيه إنما لما تزنق التاجر واحد بيقولنا مصاريف نقل وكأن مصاريف النقل يتحملها الناس والتانى يقولك تمغة سبعة جنية تمغة يامفترى هو فى تمغة على بطاقات التموين والتانى يقولك معونة شتاء وفى فصل الصيف ياحرامى يقوم إبن الحلال اللى فيهم يقولك بص أحنا ماشين بمايرضى الله وبنحط أربعة جنيه بس على البطاقة وفى تجار تحط جنيه واحد عن كل فرد فى البطاقة وده ليه ياسيدى الدولة ماقلتش كده يرد يقولك دى مرتبات بتدفع لموظفى مكاتب التموين وللشون والمخازن وإلا مش حناخد تموين طيب ياسيدى بتدفع رشوة بتحملهالى أنا ليه يقولك روح اشتكى ماهو مالى إيده كويس وعارف إنه محمى طب حأشتكى لمين للمرتشى نفسه بكده مطلوب تدخل الرقابة الإدارية فورا.

* الفساد * المال الحرام والسحت *

---------------------------------

هنا الفساد بعينه فمفتشى التموين مطلوب تطبيق قانون من أين لك هذا عليهم وعلى كل مسئولى التموين عندما قلت لتاجر سأذهب لمكتب التموين قال مش حيعملوا لك حاجة قلت له سأذهب لمكتب الوزير قال ولامكتب الوزير حيعمل لك حاجة قلت له ساتصل بالرقابة الإدارية هنا قال لى حقك عليه وماتزعلش ودى حاجات بسيطة ومش حنخسر بعض عشان جنيه وألا أتنين غصب عننا مش بإيدنا ولكنهم يتكسبون من المواطن أيضا وسط الهوجة والزفة لايكتفى التاجر بمكسبه الحلال كما قال وزير التموين نفسه بأن اقل تاجر يكسب عشرة ألاف جنيه فى الشهر والبضاعة لديه امانه لم يسدد ثمنها وكل مايقوم به هو تسليم وتسلم هنا نطالب بنزول سيارات السلع التموينية لكل المحافظات والقرى والنجوع والكفور وتصرف التموين للمواطن مش معقول سيارة شركة البتروجاس تنزل الشارع وتبع الأمبوبة للمواطن بأكثر وأكبر من سعرها الحقيقى فين الرقابة فين القانون؟

by:hassanmargawy.