Adel Ansary إلى إدارة السكرى .. ما قل و دل
***************
#يوميات_أم
((رسائل هامه للامهات الجدد))
1- لازم تتعبي في اول فترة في حياة البيبي ؛ (الامومه مش ببلاش)
2- علاج الصفرا الفسيولوجيه (بتظهر من ثالث يوم) ؛ رضاعه و متابعه اه والله و بس.... 3- قطرة العين و كحول السره و حقنة فيتامين ك ما تنسيش
4ـ الخنفره ؛ حلها محلول ملح قبل الرضاعه ، و كتره لا يضر
5- الانتفاخات هتزيد وتقل في اول ٤ شهور .. حافظي علي اكلك من الدهون و المسبك و الشاى و القهوه و الشيكولاته .. ونظمي الرضاعه .. و ادي سيميثيكون
6- بلاش اعشاب في اول فتره .. الطفل بيشبع و مقدرته علي الرضاعه بتقل .. آه و الله
7- الكريمات اللي فيها زنك و بانثنول كويسه جداً للوقايه من التسلخات .. اوعي تنسي تهوي الطفل
8- بلاش مناديل مبلله
9- الفطريات اللي بالفم دا شيء وارد حدوثة وحله (دكتارين جيل)
10- اللبن بينزل للام من ٣ ل ٥ ايام من بعد الولاده ....اصبري واشربي سوايل وحلبه وبلح وجرجير وشمر وسكريات هتساعدك في زيادة اللبن
11- حبوب منع الحمل بتأثر علي الرضااااعه غالبا...يفضل الابتعاد عنها لو امكن
12- بلاش لبن صناعي من الاول .... ليه شروطه فبلاش نبدأ بيه
13- التيتينه (( السكاته)) بترهق فك الطفل وبتساعد في زيادة الانتفاخ ...قلتها احسن
14- شور الطفل وتهوية المكان اللي نايم فيه جزء من راحته
15- الطفل مش بيعيط علشان جعان بس ...فيه اسباب كتيييييير اوي للبكا..استبعديها الاول
16- الترجيع في الاول شيء طبيعي يا زياده في الرضاعه يا اما ارتجاع فسيولوجي....دورنا نتابع الوزن لو بيزيد يبقي احنا تمام
17- بلاش مسكنات للطفل قبل التطعيمات ...(بطلناها)
18- لو ام بتشفط ممكن تسيب اللبن ف الثلاجة ٣ ايام والفريزر ٣ شهور وقبل ما نرضعه للطفل بنحطه في مياه دافيه (مش ع النار مباشرة) واللي يفضل من اللي اتسخن مينفعش يتخزن تاني...
19- لو البيبي نزل صدره (مكان الحلمه ) كبير اوعي تسمعي كلام ستو وتعصري....دا اضطراب هرموني بيحصل بعد الولاده وبيروح لوحدددده .....اوعي تعصري
20- فيتامين د من اول يوم...دا الكلام الجديد اوعي تنسي ٤ نقط مره يوميا لسن سنه
21- الطفل المبتسر ليه لبن معين وطريقه معينه لزيادة اللبن ..امشي مع دكتور
22- الرضاعه في زاوية ٤٥ للطفل ....وزاوية ٩٠ للام ...التكريع مهم
23- بلاش لبن صناعي ....بقي موضه وبلاش اعشاب (تاني)
24ـ بلاش لبوس جليسرين عمال علي بطال...اظبطي اكلك واعملي للبيبي مساج واللبوس لو عدي ٣ ايام بدون حمام
25- الفتق السري ...علاجة ولا حاجه ...بيتحسن لوحده مع الوقت
26- الفتق الاربي...جراحه وش
27- شرب المياه من ٤-٦ شهور لما نبدا اكل....ربنا خلق في لبن الام مايكفي الطفل من المياه .....مش عطشان ولاحاجه
28- بلاش كحل مجهول المصدر ....الرصاص ممكن يضيع العين وشفناها كتير....
29- متابعة الوزن مطلوبة...
√ اول ٤ شهور ٧٥٠ جم لكل شهر
√ تاني ٤ شهور ٥٠٠ جم لكل شهر
√ تالت ٤ شهور ٢٥٠ جم لكل شهر
30- انتي ام ولازم تتعبي ....الجنه تحت اقدام الامهات