Adel Ansary إلى إدارة السكرى .. ما قل و دل
***********
#الطب_و_سنينه
حوار مع ابنة سكرى من النوع الثانى
– الأبنة: دكتور ممكن سؤال ؛ في طبيب طلب من (ولدى) أنه ما يخدش أى علاج للسكر لمده يومين كاملين ، و اليوم الثالث يعمل سكر صايم و فاطر .. هل ده صح ؟وولدي حيقدر أساساً = الطبيب: قبل الجواب ؛ عاوز شوية معلومات
• الوزن و الطول و العمر
• السكر ابتدأ أمتي و إزاى
• ما هو العلاج بالتفصيل
• ما آخر تحليل تراكمي
• هل عملنا تحليل (C - peptide) ، و امتي و كان كام
• السؤال الأهم .. ما هي شكوي ابن حضرتك التي دعت الطبيب لهذا الطلب العجيب
..
– الابنة:
• الوزن 91
• الطول173
• السكر ظهر عام 2007
• اخر تراكمي 6.9
• ما عملش تحليل الc.p
• والسن 64
الطبيب: إذن هو (والدك) لا (ولدك) ..
– الابنة : آه باعتذر .. و السكر بدأ و عمره 55 عام ؛ يعنى من 9 سنوات بالضبط
= الطبيب: طبعا الوزن زائد بحوالي 18 كجم ، و مؤشر كتلة الجسم (BMI) 30.41 (أول تعليق)
..
– الأبنة : تمام .. يعني محتاج ينزل وزنه ل73 ، أو لحد 80
الطبيب: السؤال .. ما العلاج بالتفصيل؟ ..
– الابنة : جليبتس بلس1000 مره ف اليوم
الطبيب: متي و قبل الاكل بكام دقيقة؟! ، و ما اخبار الحمية و الرياضة؟! ..
- الأبنة : مفيش رياضه .. و بياخد العلاج بعد الاكل مباشرة ، او بالليل ؛ يعنى مش منتظم ف المعتاد
الطبيب: بالنسبة للأدوية المركبة من (الجلوكوفاج + فيلداجلبتين) ؛ لا احبذها .. ببساطة لأن الجلوكوفاج يجب أن يؤخذ بعد الأكل ، اما الفيلداجلبتين فيجب أن يؤخذ قبل الاكل .. .. يبقى احنا كده زي إللى (رقص ع السلم) ، و بنهرج .. ..
– الأبنة : طب حضرتك ايه النظام الي امشيه عليه
= الطبيب: علاج السكر يعتمد على اربعة محاور (في التعليق الثانى) ؛ و هى بالترتيب كالتالى:-
• 1- الحمية او الاكل الصحي
• 2- الرياضة بنوعيها (هوائية و مقاومة)
• 3- العلاج المناسب و المتدرج حسب خريطة ذهنية (Flow Cart) .. (في التعليق الثالث)
• 4- مراعاة البعد النفسى
..
– الأبنة : تمام يا دكتور مع حضرتك
= الطبيب: و يجب أن نراعي وجود أمراض أخرى في حالة والدك - حفظه الله - مثل (القلب و الكلى و.. ) ؛ حيث أن من موانع استعمال جليبتس بلس
• اذا كان لديك حساسية لأحدي مكونات هذا الدواء.
• اذا كنت تعاني من قصور بالكلي
• اذا كنت تعاني من قصور في القلب او الدورة الدموية او صعوبة بالتنفس
• اذا كنت تفرط في شرب الكحوليات
• المهم علشان ما أطولش على حضرتك .. هل يعاني الوالد من أمراض أخرى (عضوية او نفسية) لا قدر الله؟!
..
– الأبنة : لأ .. و الحمد لله
= الطبيب:
- تمام بما إن السكر التراكمي 6.9 ، و ده مقبول لو ما عندهوش انيميا ؛ فالمطلوب التحاليل التالية:-
• صورة دم كاملة
• وظائف كلى (بولينا و كرياتينين
• دهون الدم (كولسترول و دهون ثلاثية و LDL ، و HDL)
• السي ببتيد
- و ممكن - مؤقتا - نستمر على الجليبتس بلس 1000 ؛ و لكن قرص مرة يومياً بعد الوجبة الرئيسية
..
– الأبنة : تمام ي دكتور .. شكرا لحضرتك ولسهوله الشرح
= الطبيب: المهم سوف احاول ان ارسل لك بعض الروابط ؛ التي قد تفيد گ (ثقافة عامة) للسكريين من النوع الثانى
..
– الأبنة : اشكرك جداً
= الطبيب: إليكم هذه الروابط .. أرجو قرائتها بعناية
• الرابط الأول
• الرابط الثانى
• الرابط الثالث
• الرابط الرابع
..
– الأبنة : جزاك الله خيراً
= الطبيب: و إليكم رابط جامع مانع ؛ يا رب يكون مفيد
..
– الأبنة : باذن الله .. حضرتك دايما بستفاد من معلوماتك وشرحك المبسط لينا
= الطبيب: و الرابط التالى يتعرض للأهداف الثلاثة لعلاج السكرى ، و كيفية المراقبة الذاتية